كل واحد يحط في اللي قبله بيت شعر <<<< للشعراء

صحت السنتكم ياجماعة الربع كلكم
يابو زياد جعل ربي يزيدك 000يزيدك مال وعيال وبنت شجاعه
خخخخخخخخخخخخخخ عاد لاغمضوا شوي تراني اكسر واهدم ههههههه

[سناعيس]

يامن يواجه من تسمت بـ(ريما )=سلم عليها ونادها بنت أهلها

[عبدالعزيز الصبيح]

بصراحة توني أشوف الموضوع لاني ما أبطيت مسجل
بس أعجبتني الفكرة والمشاركات الموجودة....وبيني وبينكم ترردت قبل ماأشارك اخاف تقولون وش ذا اللي توه يذكر
بس ما يخالف اللي ما جازته له مشاركتي يهجوني في اللي بعدها وبتخدمه طريقة اللعبة

أنا اسهد أن حظي زين يوم(ن) ان قبلي سليمان=بموضوع(ن) بديتوا فيه من فكرة شموخ سدير
جزيل الشعر لامن قال كنه يسحرالقيفان=يكيفها على رايه ..أشوفه حر وهي الطير

[سناعيس]

عبدالعزيز مطوع القاف تطويع=يقول ماهمه من اللي يلاقيه
ماقول اجامل أو كلام بتلميع=رجل على الشدات ماحد يجاريه

[ابو زياد]

والله اني لو مبشر كنت باسوق البشاير= ياسليمان السكيبي جيت في هالباب قبلي
ياهلا والفين مرحب ياهلا ياذيب غاير=كن لحظات السعادة واقفة لي ترتقب لي

[سناعيس]

الله يرحم من عقب جنابك=يابو زياد اللي على القلب غالي
يامرحبا أهلين يامسهلا بك=ياللي مكانك دايما بالعلالي

سناعيس ابكتب فيك بيت بس لاتقعد تضحك ترى ان ضحكت ابهجيك خخخخخخخخخخخخخخخخخخخخ
<<< يقال انها شاعره وهي من جنبها هي وشموخ بالهوى سوا مايعرفن ديخي من خيخي بالشعر خخخخخخخ

سناعيس عسى ربي يهنيك 0000 ويزوجك من بنت حلالي

خخخخخخخخخخخخخخخخخخخخخخخخخ وش رايك منيب شاعره ادخل بمسابقة شاعر المليون
خخخخخخخخخخخخخخخخخخخخخخخخخخخخخخ خخخخخخخ

[ابو أنس]

ريما وش اللي وهقك مع سناعيس=تدعين له بالعرس يابنت الاجواد
وابو محمد قد حِزم حوله الكيس=عنده مدام وعند ه بني واولاد
استغفري عن الزلل والعني بليس=خوفي يجيك من الدعا سهر وسهاد
ريما ترى ون مِنْت مانيب دسّيس=مثلك وسيعة صدر تفهم بلا جهاد

[سناعيس]

ياقرد حظي وياحياة الملاحيس=دايم انا وياه في حرب وعناد
ريما تمنالي حياة المعاريس=وابو أنس يقول مافيه تعداد

الله لايردي لنا حظ
لكن هين يابو أنس

[ابو أنس]

أخاف ليلك ينتهي في العماره =اللي شمال وما دهلها مداهيل
ثمن يجي الحارس وباثمه زقاره=يقول جانا ذا الحرامي بذا الليل