ابيات اعجبتني من الفطاحلة ...

[ام العمده]

قلت قولـى مـن انـا لاتستحيـن=علمينـى ليـش ناخذهـا جـدال
قولى اسمـى وشبعدهـا تنطريـن=يمكن انك صادقه واكـون ضـال
قالـت اسمـك مانسيتـه يافطيـن=فى ملف الذاكـره ماهـو احتمـال
كيف ماعرفك وانااللى ابخصك زين=مانت مرزوق ابن مثعى بو طلال؟
يعنى لو بكذب اجيب اسمك منيـن=انت شايف كلمتـى فيهـا احتيـال

للشاعر/مرزوق الصواغ

[ضعيان البدرانى]

واكبر مرض من بين الاصحاب صحّاب=شك.. وشوير.. ومن تغيب و شي بـه
والعيب كـل العيـب لاصـرت هيّـاب=للطيـب مـا تـارد ونفسـك مريبـه
والطيب ماكر كـل طيـب اليـا طـاب=ماهـي غريبـه منـه هـذا نصيـبـه
كسـاب للعلـيـا وللـمـدح كـسـاب=يستاهـل البيضـاء بجـوده وطيـبـه
واليـا تهيـت للـرديـن الا سـبـاب=تسبق اعجاف الجنف خطـو النجيبـه

للشاعر:محمد عبدالله البدراني؛؛؛

[الـزلـزال]

من لا يروم المرجله حاله صعيب=حتيش لو زانـت حياتـه تعاسـه

للشاعر المميز :- داعي الشوق

[الأموره]

لعل الاشواق في صدري مواقدها
تطفي وقلبـي يهجرنّـه بلاويّـه


البلآجي ،،

[زهرة اللوتس]

خاف ربك بروحي ذبح روحي حرام
وان نويت اعتبرني في غرامك شهيـد
ماعلى من يحبك لـو ذبحتـه مـلام
الملامه على قلب(ن) بصدرك بليـد
كل ما قلت هيّا لبّ صوت الغـرام
قال باكر وباكر صار وعده وعيـد


للشاعر صوت الاحساس

[ام العمده]

ارحم ضعيف لك لجا وخاف المنام
يطول به على يخـوت(ن) باليـه
ويلقا الذنوب اللي تشيب بالغـلام
قدامه ونـار (ن) تواقـد صاليـه
واغفر ذنوبه يالولي من كل عـام
واجعل مكانـه بالجنـان العاليـه


للشاعر القدير/سناعيس

[ام العمده]

ياطير انـا بعطيـك منـي وداعـه
حيثك وثيق السر لن رحـت مـدّاد
ود الخبـر ثـم انشـره بالاذاعـه
واعط الخبر ياطير من جاك نشّـاد
واللي بذر حبـه وخسـر الزراعـه
قله تـرى للشـر والخيـر ميعـاد


للشاعر القدير/الصريح العتيبي

[محمد عبدالله البدراني]

يامرحبا ترحيـب غالـي بتقديـر
ترحيب من بين الضلوع النحايـف
أغلى من الدنيا وذكـر المشاهيـر
وأغلى من الي داخل القلب نايـف
ترحيـب يمـك ماتعـده طوابيـر
ياصل لحور الأرض بنت العفايـف


للشاعر الزلزال
سامي الحارثي

[رفيعة الشان]

عـيـبي إني على فالي وهذا خطاي

في زمــان ٍ بـه أركـــان الـمـــروه تـداعــــت

=

كني اللي بكفـه شايـل ٍ فيه ماي

يوم وصـّـل مْراده رشفـة الـمـاي ضاعـــت

مبارك او ظهير

[عبدالله راشد الثويني]

أبيات أعجبتني

من يشتري قلبي ومن يفرق السوم=أنا بابيعه لـو قطـع منـه هبـره
عجزت اعاني من هموم غدت كوم=غرقان فيهـا والحمـل زاد كبـره
ياحظي اللي دايما وانـت مهـزوم=ولا يتعدى حجمك لـراس الابـره

للشاعر المتألق / سناعيس