كشكول الأموره

[الأموره]

كلمـآت الغآمدي ..~

[الأموره]

المشاركة الأصلية كتبت بواسطة فريد الحرف

رآحت آيام الونـــاسه وآبتدا (سلك) الدوام = وآآآ حسافه يا زماني ما حصل لي مطلبي
رآحت آيام السعادة والفضاوه والكلام = وآقبلت خضر المشاكل في مشارف مضربي
وإبتدا ليل المشاغل يا حياتي والملام = إكتبي ثم إكتبي يا دنيتي ثم إكتبي
ناس غيري عيّدت في منتزه (حي السلام) =وآنا عيدي يا حياتي فوق كرسي مكتبي

بصرآحه اعجبتني ..~

و جعلتني ابتسم ..~

فليصح لسـآن من قآلهآ ..~

[الأموره]

المشاركة الأصلية كتبت بواسطة الطائر المهاجر

الا يا طير يا مهاجر على جنح الظلام اسراب = تدور للدفاء والاّ ديارك زاهدٍ فيها
الا ياليت لو تاخذ معك من بالحشا منصاب = يدور للدفاء بعيون من بالقلب يغليها
تفرقنا وضاع الحلم وغدينا للزمن أسلاب = يحطّم كل آمالٍ مع الأيام نبنيها
ولا باقي سوى الذكرى تنادي واقفه بالباب = تبي من ينتشلها من عجاج صار يعميها
لك الله يازمانٍ ماصفى في يوم للأحباب = يصرفهم على كيفه ولا قدّر تواليها
حبيبي لا تظن أنساك مهما كانت الأسباب = عليك الله وامان الله دروب العشق ما امشيها
على الذكرى اعيش اليوم وبكره ما حسبت حساب = لأجمل من مشى بالأرض غيرك لا.. ولا..ابيها
على شانك اعيش بعزلتي لا أهل أو أصحاب = ادور فجر واشراقه عسى في يوم الاقيها
الا يا طير لو تهجر ديارك ما عليك عتاب = أجل وش ذنب من يبقى بها مع حر صاليها
ديارٍ ما بها من حب قلبي كلها أتعاب = ولو حاولت ما حاولت اسلّي النفس وارضيها
احس إني غريب الدار من حوله غدو أغراب= كسير ولا دروا عنّه وحاله في ترديها
ظلام الكون في عيني بعد ما بدر عمري غاب = اعيش بلا أمل ينقذ عروق الروح يرويها
انا مليت من جرح لهيبه نازفٍ ماطاب = مسافات العذاب وهاجس الحرمان اخاويها
الا يا طير لو تاخذ معك يمّ الحبيب كتاب = لعله يذكر ايامٍ شربنا من مظاميها
وكيف اليوم ذا حالي بعد ما فشلت الأطباب= ولا لي غير من كان السبب يمكن يداويها

و هذه أخـرى ..~

جعلتني أطـرب في هذا الصبآح ..~

فليدم نبض من قآلهآ ..~

[الأموره]

المشاركة الأصلية كتبت بواسطة عبدالمجيدالعنزي

مـــــدخـــل

تعيش بصمت ذكرانا أمانـي=من اغيابك على قلبي تشاكن
مكانك يوم جيته مانكرنـي=بكا فرقاك وغنيت الاماكـن
نشدني عنك واتم تم بعـذرك=سكني خوف وعيوني تباكن
رحيلك ضيق الدنيا بعينـي=ماكن الكون به مخلوق ساكن

.
..
.
.
.
.
.
.

خليتني وانا احسب انـي خليلـك=انكرت قلبٍ مانوى يـوم يجهلـك
اجرح ولاكن صعبه اطلق سبيلـك=من كبرك بعيني خفوقـي تحملـك
يعني كذا اغليك وارفـض بديلـك=والي بغاك برغبته صعـب يخذلـك
شفني وانا مجـروح ياحبنـي لـك=والي خلقني ياالغلا مااقدر ازعلـك
اشـم عطـرك باالزوايا واخيلـك=و احضن ملامح صورتك واتأملك
هديت حيل الشمع من ضيم ليلـك=واسهرت عيني مع بقايـا رسايلـك
حتى شبابيـك الغـلا تشتكيلـك=ا تعبتها من كثـر ماهـي تــخايلـك
لـم لـم شتاتـي لاتشـح بــجميلـك=ضم الضلوع الي ضماها تجاهلـك
ان طول غيابـك ترانـي قتيلـك=لا تعتذر تـرى العـذر مايجملـك
شفت الجفى وشلون ضيع دليلـك=ابعد مسافاتك عـن الـي مددلـك
اعضم ضحيه في حكايـة رحيلـك=قلبٍ رغم جرحك أباحك وحللك
واصدق وفي رجلٍ تصد ويجيلـك=واقسى غلا... خل تعزه ويهملك!!!

مخـــــرج

انا كذا مرتاح لو تجلد الذات=شلت القهر كله بقلبي ولاطحت
ماراح عمري بين دمعه وآهات =من الله خلقني مااذكر اني تريحت
جيت الغلا بسكات واروح بسكات=امشي على كيف القدر وين مارحت

و هذه أيضـاَ ..~

أعجبتني للغآية ..~

فليسلم من قآلهآ ..~

[الأموره]

بالهون يا عمري على عيون مغليك ،،
لاتجرح عيون بكت يوم فرقاك
يوم الوداع دمعي من عيني يناديك،،
يارحلة العمر ياالغلا تمناك



آه من هم مع عروقي سنين العمر يسري
كل ما زادت سنيني مثلها هالهم زايد
وش اسوى يالخطايا كان ماكفاك عذري
وابتليت بخافقن عناه نزفي للفرايق
ياخوفقي ليه تسكت وانت تدري
انها رحله تعنيني ولا فيها فوايد


عزمي وصدقي.
.صدق بأسمى معانيه
بي عفه المهرة
وبي روح خيال
وحدي وصلت العز لآخر موانيه
انثى ولكني عن الفين رجال


تصدق حيل انا تعبان
لكن مابي أبين لك
ابيك تحس من كيفك
انا ما ابي المح لك

ترى المفروض تتكلم
عن اللي فيني تسألني ..؟؟

[زهرة اللوتس]

امورتنا

هلاوغلا

وكل عام وانت بخير

ينعاد عليكي

بلي تتمنين

زهرة

[ام العمده]

كل عام وانتم بخير

[الأموره]

المشاركة الأصلية كتبت بواسطة زهرة المغرب

امورتنا

هلاوغلا

وكل عام وانت بخير

ينعاد عليكي

بلي تتمنين

زهرة

و انتي بخير

شاكره لك مرورك

نورت الصفحه

[الأموره]

المشاركة الأصلية كتبت بواسطة ام العمده

كل عام وانتم بخير

و انتي بخير يالغلا

شكرا على مرورك


نورت الصفحه ..~

[الأموره]