قصائد كوميديه للطائر المهاجر

[الخنساء]

ومن شان يتمشيخ ولا احد يعوفـه
صار يتدين والرهن صك لعشـاش
وشرى له الكشخه وجيـبٍ يحوفـه
وقام يترزز في الملاعب على اللاش
قدمه ذيابه ما دروا عـن حروفـه
دامه بليا "واو" مـا طالـه فـلاش
فكر وقـدر بيـن ياسـه وخوفـه
وفي الاخره بالليـل للبـر ينحـاش
صح لسانك مشرفنا
لاهنت قصيدة تحكي واقع البعض
سلمت وسلم عرك
دمت بخير

قدمه ذيابه ما دروا عـن حروفـه
دامه بليا "واو" مـا طالـه فـلاش


اي والله انك صدقت ياابو عبدالله وحكيت الواقع بهالأبيات

عجباً لهؤلائك الفئه ..

صح الله لسانك مليون على هذه الجزلهـ

ويسلمـ فكرك وبنانكـ ..

لاهنت

شيــ القوم ــخــة

صح لساااانك مليوووون

دبل مليووون


وبيض الله وجهك على هالجزله


تحيتي

[الطائر المهاجر]

كل الشكر والتقدير لأخي منيع
على كريم الحضور والتفاعل الرائع دوما
لاهنت يالغالي
تحياتي الطيبة

[بنت القصيد]

صح الله لسانك ابدعت يالقرم
بيض الله وجهك
ويعطيك العافيه استاذي ..........

تقبل مروري
اختك بنت القصيد ..............

[الطائر المهاجر]

المره لا من تعدّت اربعين = مثل برميلٍ خشل في المزرعه
الصدى ماكلْه من طول السنين= ما يفيدك لو تحاول ترقعه
والمره هونداي للي باخصين= بالمواتر فاهمينٍ مصنعه
فالمكينه لو توضّبها يبين = ولو تغيّر قيرها والأذرعه
مشكل الدفرنس يفضح بالحنين= والبواجي من قربها تلذعه
ولو تسمكر ما تسمكر كل حين = ينهفش صدامها لو ترفعه

العجوز

المره بالدين والعقل الرزين = ومن خذاها لغير هذا ما اضفعه
والجمال ارزاق رب العالمين = لو هي صغيره تشوفه ما ابشعه
وكل غصنٍ لو تشوف إنّه يلين= يوم ييبس والهبايب تجدعه
ارع للنعمه وحكيك لا يشين = قبل هرجٍ ما تفضّل تسمعه
من يبي عودٍ حنينه والونين = يسمعه من مرّ من كثر اوجعه
المره مهره على طول السنين= ما تغير كاالذهب ما انصعه

الشايب

الرجل مرسدس في شدّه متين= لو وصل تسعين ما به قربعه
لو تقلّب مرةٍ أو مرتين= مثل ذيبٍ فالتمرغ ينفعه
دام سالم من طياس الشاربين= ومن بنات الليل واللي يتبعه
يعجبك لو كان عنده حرمتين = كان ماله من كروشٍ تمنعه
وانتي يم جنيب من حقد دفين = مخطرٍ من مر لزمٍ تلسعه
محتملك سنين وطبوعك تشين= لا نتي لا رسن ولا انتي بردعه

العجوز

شايبٍ عايب وتسمع له حنين = ولا بغى ينهض تجوّد باربعه
من سمع هرجه وشعره والزفين= قال توّه في شبابه ما اسنعه
خلك عنك الهرج كان إنّك فطين= واحترم نفسك وخل الصرقعه
لو ابي غيرك تراهم جاهزين = من شباب ضاع وسط المعمعه
دام لي راتب وعندي ارنبين = منوة اللي نيته بالمطمعه
انتقي من هالرجال العاطلين = ما يخالف لو شتمته والفعه

الشايب

احمدي ربك ترى فكري رصين= ولو بغيت اعرس ترى ما اسرعه
عندي فلوسٍ ولا حملّت دين = اخطب الأبكار مثلك اردعه
لاتحديني ترى ابليس اللعين = كل هرجه عن جهامك ما ابشعه
انتي اقفيتي ونا سيفٍ سنين= ماندثر في الحرب ياما اشجعه
محتسب للأجر واركع ركعتين = كلما شفت البنيّ مجمّعه
وادعي الرحمن رب العالمين = يبعد الشيطان عنّي ما اتبعه

العجوز

والله إنّك ثعلب يا بالحصين = كلما جيتك بثوبٍ ترقعه
خل نتصالح ولك مني يمين= ما تبي حاصل وقدرك ارفعه
كل ما يرضيك عندي عن يقين= بس لا تطري تزوج بجذعه

الشايب

هذا خبري فيك نسل الطيبين= لكن الشيطان يغوي ما اسرعه
من تحارش رجلها بالكلمتين= خاسره في كل فعل تصنعه
للرجل حشمه ولو به ما يشين = والمره من تحتمل لو مافضعه

[نجم الإبداع]

الله الله يابو عبدالله

ههههههههههههههه

عزالله انك ماقصرت

ابداع ياشيخ

يسلم قلبك

تقبل مروري
وودي

[بنت القصيد]

الله علييك يادكتوور
اما خوش عرساان جزليين بالحيييل ههههههههههههههههه

يعطيك الف عافيه ..
تقبل مروري
اختك بنت القصيد ...........

هههههههههههههههههههههههههههههه ه

من جد إبداااع منقطع النظير

[الطائر المهاجر]

تمت اضافة رده عليها