المساجلة الفكاهيه والتحدي بين الشعراء

[الطائر المهاجر]

كما سبق ان ذكرت اذا كانت الحرفين او الثلاثة الأحرف الأخيره مستعصية يمكن استخدام الكلمة بكاملها

[نجم الإبداع]

هذيك يم الجنوب وذي شماليه = العرضه ماهي كما الصيحات بالدحه
ياصاحبي مانبي زيجات راليه = من سوق في سوق واخر تشتري جحه

[نجم الإبداع]

ابو عبدالله ترى ذي مساجله ضاحكه
اعتقد مالها علاقه باخر الحروف

تحياتي واحترامي

[الطائر المهاجر]

لايمكن لك أن تغير حصانك في منتصف السباق ، مثل انجليزي
طالما قلنا بالقافية الصعبة ، لابد أن نتقيد ، ولكن اذا النهاية صعبة تاخذ الكلمة بكاملها من نهاية البيت الأول:

الدحة اللي نرددها ونجهلها = ونقول هي بالشمال وغيرها لا لا
حميدان اسس عليها ما تجاهلها= بحر الرجد ساسها مع صوت الجمالا

[نجم الإبداع]

لا في شروطك ماكتبت القوانين = وانا معك من قبل من غير قانون
وراك مابلغتني قبل شهرين = خابرك في نهجك على القاف مامون

[نجم الإبداع]

ابشر ابو عبدالله
نلتزم بما اشرت اليه
وياليت تظيف عبارة ( مع مراعاة التكمله باخر حرفين او ثلاثه او الكلمه كامله )
في مقدمة المساجله

تحياتي واحترامي

[الطائر المهاجر]

ونيت تال الليل عشرين ونه = والديك غار وون واعزتي له
احسبه يذن للفجر دون غنه = واثره ينادي للدجاجه تجي له

[سناعيس]

هليت دمع العين بعلبة تحاليل=وحللت دمعي والنتيجه شواهه
وان احسبني باكين تالي الليل=واثره دخاخين الحطب والسفاهه

[الطائر المهاجر]

اهه على اهه تنادي الفكاهه = في مسرح التنقيط والوسط هزاز
وضحكٍ على العربان لاقيل واخه= ودجاج فيه الداء لاجاك لزاز

[منيع]

ازحم على المندي لياصرت جوعان=وترك كثير الخضروات الطازجه
خصه الامن صار هرفي من الضان=يغنيك لاصارت سهومك داججه