أكتب بيتا شعريا في الحال

[سلطان العبدالله]

ياكثر ماجالك الموجود من عندي == وانته تعاين ومستانس على الخدمه

وانا اعـيد اتصـالي كني الهـندي == وكنـي أشـوفـك تقول اعـوه ياقدمَـه

[زهرة اللوتس]

صحت السنتكم
مبدعين
متابعه

[عبير الورد]

ياليل انا طالبك ياليل قلّي
قلّي انا ياليل من غاب وش فيه
يغيب لين الصبر منا يملي
واليا فقدنا الصبر جاء يعتذر ليه
إن كان ياخذ وقتنا بالتسلي
رد الخبر ياليل عني بحاكيه
قله زمان الطيش جعله يولي
مانيب من ربعه ولا من محبيه

[السفيرة]

يمهٌ رضيتٌ بگل مايرضيٌ الحال
بس الزمنْ بالحيل يلويٌ يمينيٌ

[زهرة اللوتس]

صحت السنتكم
مبدعين
متابعه

[محمد بن عمار]

نار الغلا في مهجتي تحرق احراق = وكم قلتها له في عبارة صريحة & اما يجي يطفي لهيبي والأشواق = والا يروح وجعل ربي يبيحه / محمد بن عمار

[صعبة المنال]

متابعه

صحت الالسنه

صعووووووووووب

[سناعيس]

قالو رومنسي قلت لا لا تقولون=بس كنت أحاول أسترد شي منسي
صحيح انا لازلت بالزين مفتون=لكن بعد مليت من بني جنسي

[زهرة اللوتس]

صحت السنتكم
مبدعين
متابعه

[محمد بن عمار]

المشاركة الأصلية كتبت بواسطة سناعيس

قالو رومنسي قلت لا لا تقولون=بس كنت أحاول أسترد شي منسي
صحيح انا لازلت بالزين مفتون=لكن بعد مليت من بني جنسي

ههههه هلا اخوي سليمان خلاص ماتبي بني جنسك نخطب لك من الجن ،، ههه صح لسانك