الميدان ياحميدان

[الطائر المهاجر]

تسجيل احاسيس الشعراء اليومية

كل الفطاحل يكتبوا الحسّ كلمات = وحنا نبي نكتب قوافي ثريه
البارحه نطّت بحلقي متاهات = تقول تحبطنا بكلمه جريه
والظاهر اني بعد قوس المسافات = عرفت منهي لو تدغمل عليه
في قلبها حقد تغطيه بسمات = يبدو دعست الذيل فالمهمهميه

[منيع]

ياصاحبي لوهي بمفهوم هقوات=ياما تهقوينا وبلشناالبريه
ميرالحياه اخذوعطا وحترامات=وان كان راحت اكسرالزمزميه

[الطائر المهاجر]

ماظنها بتروح من بعد مافات = لبوه كفاك الشر مسترجليه
انا احاول دفعها بصدق نيات = وهي تبي فرسي بكلمه بذيه

[منيع]

اجل ترى زهب لها بضع طلقات=من صنعة الروسي اوبندقيه
وهدف على قلب الحقد والنجاسات=وخله لخومره اكبر هديه

[الطائر المهاجر]

ماكل من لبسن براقع مسلْمات = ولا كل من تفتف محى كل سيّه
البعض منهن من مسنجر الى شات= تدور على الصيدات بالجاذبيه
غنج ودلع في طعم باحلى الملذات= ياكله دروٍ ماعرف سوء نيّه

[منيع]

لالاتحرك بعض البراكين الراكدات=ترى حممها نارفيهاالمنيه
وكل بعقله يعرف ماخفى والبينات=واللي افضحه ربك اموره رديه

[الطائر المهاجر]

هذي احاسيسي وعطني الخافيات = من كل احاسيسك ولا تخفي عليه
فالشعر تنفيس الهموم الجاثمات = وارمز على كيفك تغطي للهويه

[منيع]

لاوالذي سواك ماعندي فتات=ولاعرفت اللعبه الشقلبيه
وانت وانا مالنا باالهايفات=وان كبرت القاله ركبنامطيه

[الطائر المهاجر]

رادرانا شغال بالميه ميات = وله لسعة في المخ مثل الكهربيه
والخط واضح مالنا عنه غنات= دوحه ظليله والربع من تحت فيّه