أكتب بيتا شعريا في الحال

[هترل]

ااالله عليك يابن عمار


يابري حالي عليها يوم .. دقتني
بكوعها .. وقالتلي بلسانها سوري

هملتها .. ماكنها بجد همتني
ولاكن ريحه عطرها حرك شعوري

[محمد بن عمار]

ريم ٍ أسرني في ديار الدروزي = في رحلة إستجمام كنت آتنزّه
في الوسط من كثرالتهصّر حزوزي = والورك يلعب لعب طفل بمهزّه

[هترل]

وش حيله اللي دوم وقته يبكيه
الا الصبر ما جاء من الله هلابه

نفسه عزيزه ما تحب المشاريه
لو الخطا جايه من اقرب قرابه

[هترل]

ياماخذٍ قلبي معك ود وأحساس
متى على الله تلتقي فيك عيني

وأروي من انفاسك عطش باقي الناس
وأصد عن غيرك لو انه يبيني

[محمد بن عمار]

غزال ٍمن بياضه مثل فص ألماسة ٍمصبوب
يماري ، بحسنه ، القتـّال ، ببلا شك ٍ ، وريبه
بخد ٍ ، يجهر بنور ٍ مثل نور الفنر مشبوب
وعود ٍ ، ا يتثنى ، مثل غصن ٍ في مشاريبه
وخشم ٍ من وراء البرقع شبيه الخنجر ٍالمذروب
ونهد ٍ ، رافع ٍ الثوب له ، يا دو ب ، زا مي به

[فايز بن جبيل]

يطيكم العافية



البردقارص والشتاء ما انتهى تو

,,, وتو السحاب ايحط ثقلة على الليل

شبيت من هدف الحنايا لكم ضو

,,, يالله عـسى حوله تــــزين التعالــيل


بن جبيل

[فايز بن جبيل]

بالحال بديت الطواريق بالحال

... والحال حال اللي تتله اسبوقة

يكفخ ولكنه على الارض مازال

... عن السما مازااال قيدة يعوقة


بن جبيل

[سناعيس]

ليش من زمان ما أحد كتب بيت شعر
يعني ماتصدقون الواحد يغيب شوي الا وتنسون مواضيعه
ياعيب الشوم بس

[سناعيس]

يالله ياللي خالق الناس من طين=تفرج لمن هو ماينام الليالي
وتشفيه من مافيه يارب وتعين=عبد سجدلك ماله الا انت والي

[عمر ال شيبي]

الشكوهْ لله ما هيْ لي عبدن فقير = من العقل والروح وحساس الدفا
يومن تجي طابور ناس ابلا لضمير = تحكم وترسم بالضلع من ينصفا