المساجلة الفكاهيه والتحدي بين الشعراء

[نسناس الهوى]

يشغلني التفكير في حلّ المسايل = يوم انا في لجنة التعذيب فالي
احتري "وايل" الى من جاك "وايل" = يسقي اوراقك من الحبر المسالي

[الطائر المهاجر]

سالي الخاطر معَ سمر الجدايل = يومي صغيرٍ ولا ادري من قبالي
ليت عمر فات يرجع بالبدايل = واتهنى به ولو عدة ليالي

[نجم الإبداع]

اليا نويت السفر بله تخبرني = عندي مشاعر توصلها لخلاني
البعد عنهم كوى حالي وعذبني= غريب في ديرتي زادت بي اشجاني

[منيع]

اني لاسافر وبالرويس على شانك=ووصل اخبارك القشرى لراعيها
مرتاح مابك سوى من شلع اسنانك=اثاري السوس ناخرها ومنهيها

[نجم الإبداع]

هههههه

يهاودك قلبي المجروح وتتله = وراك بالشوت ياصاحب تثنيها
صدقت ماللهوى بعلوم مختله = ياحول ترى صاحبك هو من يغنيها

[منيع]

يهل دمعك يابن منشار ونكفه=بعض البزارين دمعتهم تعنيني
لالاتمثل ترى التمثيل ماعرفه=واقعد عوج وتكلم صج تحييني

[نجم الإبداع]

ينوي خفوقي لحب البض واصفه = لاتحسب اني هواوي يوم ترميني
هذي فكاهه روح البس ثوبك الدفه = واليا تعديت جنبك قم وحييني

[الطائر المهاجر]

ني قليبك ولو تكتم احاسيسه = فاللي بصدرك ترى يطلع مع الكحه
نفس عن القلب دام دواك تنفيسه= وصوت براس الجبل لو صابتك بحه

[منيع]

بحهم هرجي وجانا شيخهم=عاصب راسه ولاكذب خبر
وانا بعض الناس مالي ومالهم=ترى رمعاتي لها حد وصبر

[نجم الإبداع]

صِبر والا صبر ساير بينهم= ذي فكاهه بينها بعض العبر
كيف لو كنا عرب ناصينهم = ضنتي يحلى على الجوع السفر