حرب المحاوره بين شعراء الفطاحلة

[الطائر المهاجر]

ابو انس قرب ... لاتخاف ...

[ابو أنس]

انا من برجي العالي اراقبكم ولا أفتر=واشوف القاذفات تطير مع صوت الهوا تصفر
وكلن صاح في بيته يقول اني انا عنتر=ولا ندري من الغالب من المغلوب من يقدر
افرزوها على ابو زياد والمشرف ومن يحضر=يحدد جبهته معهم يشيل السيف والخنجر
عشان المعركه تاضح وحنا نحكم المحضر=واذا ما سبح القيطون فاعرف انه سنافي

[الطائر المهاجر]

يقولون الخيانه لابتدت فاحذر من المعشر = تراه يوهقك ثمن يؤلب واحدٍ اقشر
ويشعلها وينفخ من على المرقب ولايظهر= واذا من سبح القيطون فاعرف انه سنافي

ابو انس يبي يشبها في الشيح ويلقيها الريح

[ابو زياد]

افرزوها على ابو زياد( والمشرف) ومن يحضر=يحدد جبهته معهم يشيـل السيـف والخنجـر

انا بالله ابا اشهد له بإنه حيد ما يكسر=هجومي(ن)دفاعي(ن)ومشيه وفق ما سطر
ولا تلقى به قصور(ن)ولو حتى تحت مجهر=وانا مانيب قيطون ولا سبحت ياسنافي

ولا يهونون الربع

[ابو أنس]

من الشيطان انا عوّذت واقرا الورد واتذكر=ولا احب الحروب تطول والدم الزكي يهمر
وانا اخترت الحيود اللي على الشدات تتجبر= واذا ما سبح القيطون فاعرف انه سنافي

[نجم الإبداع]

ورى بعض العرب خايف وهو من قبل بالسنتر= تطول الملعبه والشر عنا ياخوي يقصر
على وقع القوافي مالنا غايه سوى نحضر = والا من سبح القيطون فاعرف انه سنافي

[ابو زياد]

تزين الملعبه لامن بدت هالناس تتجمهر=وكلن عنده مشجع والى من فّر له يصفر
يصفق له يقول العب وهوفنان يستهتر=والى من سبح القيطون فاعـرف انـه سنافـي

[ابو أنس]

اعرف الملعبه ولها كواشيف لها تظهر=تزيد النور نور وتعمي ال أعمش وله تبهر
ولا غيرك ابد يابو زياد اليوم يتبختر=مع المشرف ولا منكم ابد قيطون ياسنافي

[نجم الإبداع]

المشاركة الأصلية كتبت بواسطة ابو زياد

تزين الملعبه لامن بدت هالناس تتجمهر=وكلن عنده مشجع والى من فّر له يصفر
يصفق له يقول العب وهوفنان يستهتر=والى من سبح القيطون فاعـرف انـه سنافـي

يزول الهم وابليس العنه وانس الذي قد مر = وراك تهاب من نضم القوافي مالها مصدر
نهيم بكل وادي والموده بيننا منبر= والا من سبح القيطون فاعرف انه سنافي