محاوره فكاهيه وتحدي القافيه

[منيع]

نهم القوافي عندكم مثل الاكل=اصحى ترى قافك كسرماعونه
وانت ترى عندي احبك ياعسل=وانا جنون اللي يجن اجنونه

[نجم الإبداع]

ونه ورى ونه وبي خاب الأمل = من عصرنا الحاضر وكثر افنونه
الحرف لو تنشده جاوبك بخجل = صارت حظاره والخطى موزونه

[منيع]

نهرنا الدافي الامنه هدر=كب زرياب وخل افنونه
الاصل باقي ولامن منحدر=والصدور الضيقه مشحونه

[الطائر المهاجر]

نهتدي للحق في حل وسفر = وكل صيادٍ يقع في فخه
لو ركبت بكدلك وإلاّ شفر= سيكلي خلك حذر لاتلخه

[نسناس الهوى]

لخّه الى من جاك سيكل " بو سعد " = يبغى الديون ويلحق المديوني
وليا رفض يمشي تقلّد بالرعد = كوده يخاف ويصغره بعيوني

[منيع]

لخهم بالند والابالهمر=وديتك بالجيب ياذا لكمخه
الحصاه ا للي مثلكم لويمر=ماوحيته لوحيته مصمخه

[نجم الإبداع]

جاك عنتر وسل سيفه مدهر = في زمان النت لحمه يطبخه
صابه الفيروس وجنون البقر = نفثة الشيطان لا لاتنفخه

[منيع]

فخهم عندي وانا اللي صادهم=ذيبكم في حفرته من ينقذه
هات ورعانك ومن في ضدهم=وذاك ابولحيه شبيه القنفذه

[نجم الإبداع]

فذ هينهم ومر عنادهم = انشد الي حل حول القنفذه
يكفي انك مابنيت امالهم = التزم لاجاك امر النوخذه

[منيع]

خذها ترى المعتوه ماداخل احد=من يأاشرله بصبعه يلحقه
اوهموه وصار في وسط اللحد=وهوعلى باله من اهل الصاعقه