مملـكة حوريه الـخاصـه

[حوريه]

.. يآرب ترحمني ليآ قيل من رآق
.............لآصرت مآعآد آستطيع أبلع آلريق

لاجا الوعد وألتفـّت الساق بالساق
...........وأتلى الكلام الغرغره والتشاهيق

يالله عسانا يوم نشفات الأرياق
.............أنا وقاري هالابيات من المعاتيق

[حوريه]

لآضاق صدرك عالي الصوت جره=لو كان قلبك ما يطاوعك مسرور
دنياك لو تسوى من الحِزن ذرّه=ما كان تاليها توابيت وقبور
وما كان للكافر بعمره مسره=وما شفت في ملكه ملايين وقصور
العمر يمضي بين حلوه ومره=والموت حق وقابض الروح مأمور
دام الحياه الفانية مستقره=ورزقك يجيك وبين الأجواد مستور
لاتنشغل بالوقت برده وحره=واحذر تصير بقسمة الناس مقهور
وحكم القدر لاجاك خيره وشره=اشكر عظيم الشان والذنب مغفور
والمجلس اللي يزعجك لا تمره=خله تراك بشوفته منت مجبور
والرجل سقها في صحاصيح بره=ومد النظر مابين ريضان وزهور
لا صار وجه القاع ما فيه جره=والمشي حافي والثرى تو ممطور
ساعات صمتٍ ما وراها مضره=تسوى الكلام اللي به إذنوب وإشرور
أطلق خيالك وأترك النفس حره=وخل الطبيعه في حياتك لها دور
وبالليل لا بانت نجوم المجّره=أذكر بديع الخلق بـِ إحـساس وشعور
واسجد لرب الكُون مره ومره=وإحفظ لسانك وأترك الكذب والزور
وفروض ربك خلها مستمره=وطاعتك لا يدخل بها نقص وقصور

[حوريه]

إذاضاقت بك سنينك .. وصارت دنيتك {أحزان..!=تذكّر ربـّـك الخـالـق .. وقــل : يــاربي الخيرهـ
وهـو سبحانه المـعـــطي / تـعـــالـى/ ربي الرحمــــن ..! =رحيم بخلـقـــه ويكشــف على قلـــوب الـبــشرخيرهـ

[صعبة المنال]

الله الله يا حورية

مملكة رائعة كصاحبتها
صح فكرك واختيارك يا غالية

صعوووب

[حوريه]

شكرا صعووووب
لك مني كل الووود

0

[كظيم]

حوريــه ...
مملكــة تستحق الثنـاء والمتـابعــه
هنـا وجدت مالذ لي وطــاب من احرف منثوره
واشعــار .. وتعابير حُـره ..
رائعــة حـد الثمـالــه هذه الصفحــه ..
تقبليني وتقبلي تواجدي ..
ولي عوده

مملكـه تزخر بحرف الشعر وامثـال وحكـم
مملكـه فيهـا المعاني واقع وجـد وخيـــال

[خيالة الشعر]

السلام عليكم
مملكة عامرة وفيها من الجمال ما يشبع الانظار
سأمكث هنا طويلا
صح لسانك مدد بلا عدد
فديت روحك

[حوريه]

هلا وغلا يا عبدالله نورت
ويسلمك ربي عالحضور المحبب
وجودك أسعدني
دمت بكل خير
..

[حوريه]

هلا وغلا بخياااله
ويسلمك ربي عالحضور المحبب
كوني بالقرب وجودك يسعدني
دمت بكل خير
..

[حوريه]

الظـروف أحيان لو تقسـى تعـين
لو تراجــع شـبر .. تمشي لـك قـدم

لاتضـــايق..! مـاتشـين إلا تـزيــن
من صـبر يكسـب ولا عمــره نــدم

لاتلــوم الحـــظ وتلــوم السـنين
حتى لو حظك في عمـرك ماخـدم

ارجــع لـدنيــاي ., ولاتبقـى حـزين
من صواديف الزمـن لاتنصـدم.. !