اللي وده اتعلم منه يتفضل

[نسناس الهوى]

المشاركة الأصلية كتبت بواسطة المشرف العام

انفخوا راسي مثلما نفخ نصر او هلالي = ويوم راحوا خارج الديره ماعاد بهم بقيه
ومنتخبكم انكشف مرماه مرات توالي = ياحسايف بالدراهم ضيعوها بالرديه

من هنا له جلسة ٍ جازت لطلاب المنالي = يوم هم في جنة ٍ قالوا معسكر بالخفيّه
قلنا كود ان المعالي توصلك لأقصى المطالي =و ماهقيت ان الأماني تنتهي بك كالمنيّه

[نسناس الهوى]

ياهلا بك والله سناعيس ..
وانا تراي ان توهقت ابجدع الطاره علييك

[سناعيس]

لاهنت يانسناس
وانا ماني حمل هالشويعر
بس ترى (المعالي) هم بعد سرت

[نسناس الهوى]

صدر البيت .. بعد يشرط قافيه مختلفه؟
والله اللي بحلنا
عموماً بدال المعالي = مطالي

[الطائر المهاجر]

انت يا نساس ظني فيك عرق برتغالي = وانت يا سنعوس خبري من بقايا اليزبكيه
التقيتوا في طريق وما عرفتوا للظلالي= ولا تعرفون المهاجم كان سامي او شليه

[نسناس الهوى]

المشاركة الأصلية كتبت بواسطة المشرف العام

انت يا نساس ظني فيك عرق برتغالي = وانت يا سنعوس خبري من بقايا اليزبكيه
التقيتوا في طريق وما عرفتوا للظلالي= ولا تعرفون المهاجم كان سامي او شليه

كنت احسب ان اليماني صنعته شيل الزوالي = ماعرفت ان اليماني في ملاعبهم شريّه
ماخبرت الشايب اللي يوصل العمر الهبالي = يلحق الكوره ويحسب كل من يلعب فتيّـه

[الطائر المهاجر]

من سمع حكيك يظنك في مهادك بالحبالي= وانت عود طاحت سنونك وتمشي بالعصيه
لاتحاكي من تكامل في شبابه مثل حالي= لاعب معروف واضح ولا يبي عرف وهويه

[نسناس الهوى]

المشاركة الأصلية كتبت بواسطة المشرف العام

من سمع حكيك يظنك في مهادك بالحبالي= وانت عود طاحت سنونك وتمشي بالعصيه
لاتحاكي من تكامل في شبابه مثل حالي= لاعب معروف واضح ولا يبي عرف وهويه

راح وقته والملاعب ماتبي منهو يلالي = وكل حاجه للخلاص اليا تعدّت بالكفيّه
وينتهي عقد الملاعب بعد حفل الأعتزالي = ولاعبك معروف سابق كان له سالف وليّه

[الطائر المهاجر]

خابرك في الإحتياط ولو تبي ونق شمالي = ما يطيعونك بدالك واجد بالأكثريه
ولو مسكت الباب لحظه ما تقاوم للنبالي = خص لا من شت لولب تحسب الكوره ونيه

[نسناس الهوى]

المشاركة الأصلية كتبت بواسطة المشرف العام

خابرك في الإحتياط ولو تبي ونق شمالي = ما يطيعونك بدالك واجد بالأكثريه
ولو مسكت الباب لحظه ما تقاوم للنبالي = خص لا من شت لولب تحسب الكوره ونيه

من يقول اني بسجّل في فريق ٍ مونديالي = ابعد الله عن طريقي درب يوصلني مديّه
من تعرقل في دروسه ينجبر درب ٍ ممالي = اغلب اللي في فريقك مايعرف الأبجديّـــه