فوق سطح الملحق

[الطائر المهاجر]

المشكلة اخاف اطلب من واحد من الشباب يقوم بالمهمة ، وبعدين نفتح عليه باب ما فكر فيه
لذلك قررنا مواصلة العمل في الخزانات العلوية ولكن يكون في الليل ، حتى ما نشوف أحد

[ابو زياد]

الله يكون في عونك يابوعبدالله
هبو فيك وانت نيتك سليمة
وما دروا ان النظره الاولى غير محسوبه
وانت ماقلت الا الي شفته في النظرة الاولى
صح لسانك

[سناعيس]

المشاركة الأصلية كتبت بواسطة الطائر المهاجر

فوق سطح الملحق العلوي قراده = رحت اشوف اوضاع خزان المياه
والمح اللي يوم صوب لي زناده = لابس لبس الرياضه من حياه
واشعر السلّم بدى يرقل فؤاده = واتجود زود حبٍ في الحياه
ماهقيت القلب في خف الجراده= كنت اظنّه ناضجٍ ما به نياه
واثره المسكين محبوس جواده = وانطلق لمن رأى البدر وضياه
الدلع والغنج حلاها زياده = والحور بالعين في رمشه تياه
في قوامٍ غضّ يمشي في هواده = ما درى بي فوق يرتع في فياه
مرتبط في قرد مدري كيف صاده= وكيف ذاك الظبي مع ذيك الشياه
والوسيم اللي مثل حر هداده = قسمته وحش يزود من عياه

يالمهاجر اثقل ازبن للركاده=واترك الخزان يبتل في بلاه
وخلها لك يالمهاجر دوم عاده=واطلب الله كل يوم يشح ماه
خوش عذر جاك والله لك أراده=لجل كل شوي تطلع للمهاه
حط نفسك مثل هندي به بلاده=وهز راسك لين تعرف مبتغاه
وان ضحك لك اكشف المستور ناده=وانتبه له لين تعرف وش وراه
لاتصير الخادمه تلبس سواده=وان عينك زينت لك هالعباه
وينكسر بك سلم ماهنا جواده= ثم تقبل على راسك من سماه

[يوسف الشقران]

لاتصير الخادمـه تلبـس سـواده
وان عينـك زينـت لـك هالعبـاه

[الطائر المهاجر]

هالحين اقول لك بملابس رياضه ، يعني كلش طالع ، تقول خادمه

[علي إدريس الغانمي]

الرجال معترف بسواته
أظنه كل يوم يركب فوق السطح بحجة تصليح الخزان
لا ويبي يروح في الليل أستر لامن شاف ولامن درى
وعينه تبحلق ع المرة (عفوا البنت) اللي تمشي غندرة

[ابوعبدالرحمن القريشي]

ماهقيت القلب في خف الجـراده
كنت اظنّه ناضجٍ مـا بـه نيـاه

واثره المسكين محبوس جـواده
وانطلق لمن رأى البدر وضيـاه


ما تنلام يادكتور واحمد ربك اللي ما طحت !! وترى طيحت العود شينه !!

اذا العيال يتابعونك بتلقاهم كلهم فوق الخزان ....؟؟ بس لا تكثر الطلعات تراك مراقب ...؟؟

دمت بود

[الطائر المهاجر]

هلا بك راعي الكيف
ترى شباب اليوم ماعندك احد لو يموتون عطش في البيت ماقاموا يشوفون وش مشكلة الماء ، لكن جايب الله
لهم من مكفيهم ، والله جميل يحب الجمال ، انا ما قلت لها تلبس شورت وتستعرض في حوشهم قدام الله وخلقه ،
يعني لو اني مطلع سباك بنقالي وشافها ، يمكن يطب عليها ، فتحمد ربها ان ما شفاها إلا عود مافيه إلا لسانه
اما مراقب حلوه ، أكيد الله هو الرقيب على الإنسان في كل مكان وزمان ، ونا فقط وصفت اللي شفته
شكرا لكريم مرورك
تحياتي

[ماجد المهدي]

المشاركة الأصلية كتبت بواسطة الطائر المهاجر

هلا بك راعي الكيف
ترى شباب اليوم ماعندك احد لو يموتون عطش في البيت ماقاموا يشوفون وش مشكلة الماء ، لكن جايب الله
لهم من مكفيهم ، والله جميل يحب الجمال ، انا ما قلت لها تلبس شورت وتستعرض في حوشهم قدام الله وخلقه ،
يعني لو اني مطلع سباك بنقالي وشافها ، يمكن يطب عليها ، فتحمد ربها ان ما شفاها إلا عود مافيه إلا لسانه
اما مراقب حلوه ، أكيد الله هو الرقيب على الإنسان في كل مكان وزمان ، ونا فقط وصفت اللي شفته
شكرا لكريم مرورك
تحياتي

عاد لو جبت سباك بيطين الدنيا بدال ما يصلح الخزان بخربه

اما الشايب مثل ما قال :

وكان تترك ماجد المسكين منعزل في صالته= واقبلت يم المهاجر ترتجي شرب العِذابا
مالقت عند المهادي ما يشافي وعافته= خبرة الشيبان يطفي كل نار والتهابا

هههههههههه
مشكور يالطائر
ويهطيك الف عافيه
شلوووون خزان المياه الحين
هههههههههههههههههههههههههه





تحياااااااااااتي