غــلاء الــمــهـــور ،، في ثــلاث أبــيــات

[الطائر المهاجر]

المركب اللي تاه مابه مجاديف = حتى ولا الربان يدري انجرافه
الريح تركض به على غير تهديف = وكل اكله البرد قرب لحافه
ان طعتني خل الشعر والسواليف = فالوضع اكبر من زواج وكلافه

[نجم الإبداع]

سلام ياهل العرف واهل التواصيف=موضوع راقي يعجب اهل الصحافه
المهر حق البنت ماهو معاريف = والبعض يحسبها كما اهل الصرافه
ماهيب سلعه بايره بالتصانيف =هذا زمان اهل الجشع والكلافه

[داعي الشوق]

ترى الأمر مبدأ وواضح بتوصيف = وأكبر من التوصيف ساعة وصافه
مير البلاء مسكين جاء للملاقيف = متعشم وينظر بعين اللطافه
ثم إنصدم وأقفى وصابه كواسيف = ودارت عليه أيام وزاد انعطافه

[داعي الشوق]

الف هلا ومسهلا بك يا فلاح بن منشار

وصح لسانك ،،،

[الأموره]

صح لسانكم ملايين ،،

نرقب الزود من يمناكم ،،

دمتم برعاية الخالق ،،

[نجم الإبداع]

العود صادق يوم زاد المغاريف=وانا بعد ماصدق اهل الخرافه
ماعد معك نوزه لروس المشاريف=احمد نجادي مابه الارتجافه
حال العرب حالٌ يهول المناصيف=والوضع ماباقي له الا انجرافه

[داعي الشوق]

صح لسان كل شاعر

مع تحيتي للجميع

**************

[نفحات حساسة]

صح السانك.. ولاهنت

مبدع..

[عمر ال شيبي]

الله على موضوع ما به تصافيف = عز الكلام اللي تقول بْزحافه
البنت تبقى عين وسط المراغيف= يوم الزمن بواق ما به نِصافه
وين العقل والدين وين المخافيف = وين الذي يدْفِ القَلِبْ باللحافه

[علي سعود العازمي]

ياحيف يابعض الرجاجيل ياحيف= الوم من عكفان لاشناب حافه
رجل (ن) يبى مهر البني الغطاريف=يتجر منه بعد الفقر والضعافه
أنا على الاهداف هدفت تهديف= والمعذره بعد الحذف والاظافه