قطرات ..لمنصور المري

[الطائر المهاجر]

"اين القي وجهي من حقوق الغير
فأما ان تبغى مثل ماهي
او ابني على نظمها مثله وأستشهد بها مثلا"

نعم تسوي لها مجاراة ، وهذا مافيه شئ
او انك تبدع بنفس الفكرة فالأفكار ليست ملكا لأحد

[الطامي]

ايها الطائر
اللي عنكم يكفي
والعوض بالجاي
والله اني ضحكت كثير من سرع ردك ومن طلبك
وابشر بالخير

[الطائر المهاجر]

الله يوسع صدرك بالعافيه
واذا بدعت وقضيت رايح انقل منها نسخه للشعر الفكاهي
وارد عليها ... لين اخليك تضحك من قلب

[الطامي]

خير ان شاء الله
بس اتفرغ لها ابشر
شكرا لك

[الطامي]

وانا ابعثر الأوراق وجدت هذه الأبيات وهي من نظمي القديم جدا ولأنني احبها دون غيرها من الشعر احببت ان اهديها لكم
علما ان سبق وتغنى بها الزميل شاعر (( النايف )) المري بلحن المنكوس

ياوجودي كل ماهب نسناس الهبوب = وذعذع الغربي ونجم السويبع قد ظهر
اتذكر جيتي له على المفرق جنوب =بانعواج الخط بالبر في روض خضر
واتذكر وقفته لي وهرجه والعتوب = واتذكر خاتمينه وحجله والنحر
ذا زمان(ن) راح يالله تستر ذاالذنوب = عزتي لي كان ربي لذنبي ماغفر
اسمحو لي يالنشاما على الطرق امغصوب= هيض القلب المشقوى مكانه والمقر

[الطائر المهاجر]

الرجال إذا شيب ... ماعاد عنده إلا مابقي في الذاكره
يوم انه يطامر من جرف لجرف ، وموذي بنات خلق الله
حتى لو عاتبته ، مصر على نيته.... طلع المستخبي يالعود
ههههههههههه

[الطامي]

الطائر الدكتور
شكرا على المتابعه والتمحيص
ثبتنا الله واياك على طاعته
اقول لك شي ؟؟
الحمد لله ان جيلنا ماكان فيه مثل اليوم مما نراه من اللي مايذكر والا كان ياقوممممممممممممممم كان رحنا وطي والله اعلم وين ديارنا الحين
ولاكن لكل وقت رجاله ولا نزكي انفسنا على الله

[الطائر المهاجر]

ماتغير شئ ، اللي يحصل هالحين كان يحصل من أول لكن بالستر
فالشر مولود مع الإنسان ، وابليس مامات ، والرجال اللي كان وسيم
يوم انه صغير منا ، كان يخاف على نفسه من النسوان ، ترى ماهن سهلات
تراهن يدورنه دوره وياصلنه والذاكره فيها قصص كثيرة لما حصل مهن
لكن الحامي الله

عزتي لي كـان ربـي لذنبـي ماغفـر،،،،،،،،،، أيوالله صدقة

ان قلت شاعر ماجبت شي جديد

ماقول غير الله يستر عليك

وصح لسانك ابيات رائعه من شاعر رائع

لاهنت يالقرم

[الطامي]

الطائر المهاجر لاهنت على التعليق والتابعه
احادي الصمت يسعدني مرورك وتعليقك والله يستر على الجميع