ازريت لا اسلى بالشعر والكتابه(بالصوت)

[الطامي]

صاب العـرب ذلٍّ رفـض للطبابـه=محدٍ نجى لو كـان بالعقـل غايـب
صرنا جـدار قصيّـرٍ فـي خرابـه=يطمر عليـه اللـي تعـوّد خرايـب
الذيخ بـوش اليـوم كشّـر بنابـه=ومعه الحصانـي جاهـزه للنهايـب
جـاروا علينـا بالظلـم والنهابـه=ما يكتفوا ندفـع رسـوم وضرايـب
"""""""""""""""""""""""""""""" """""
الله عليك ياشاعر زمانه
صح السانك وسلم فكرك وبنانك
ولاهنت

جبتها على الجرح
ياابوعبدالله .....


وشهادتنا فيك تبقى
مجروحه...


صح لسانك حتى
ترضى على هالدرّه.....



لاهنت



إحترامي وتقديري

[صوت الإحساس]

وابل لو أصاب أرضا حيه




اخضرّت


ولو أصاب صخرة فلقها




وأقول كم قال الشاعر


لقد أسمعت لو ناديت حيا
ولكن لاحيات لمن تنااااااااااااادي



خالص الود وفائق الاحترام

[سناعيس]

الطائر المهاجر
صح لسانك على هذه المدويه
جزالة معهوده من شاعر جزل
لاهنت وبيض الله وجهك

تحياتي

[طلال سويعد]

صح لسانك وعتلا شأنك

ابيات في قمة الروعه

ذوق رائع في انتقاء الكلمات

تحيتي لك خالصه بود

[صعبة المنال]

المشاركة الأصلية كتبت بواسطة الطائر المهاجر

ازريت لا اسلى بالشعر والكتابه = كبدي من الحرّات تشعل لهايب
من واقـعٍ يفرض علينـا الكآبه = ولا ندري اللي مقبلٍ من هبايب
ومن القهر نطعم مرارة شرابه = وتقطّعت بالصبر كل الركايب
صاب العرب ذلٍّ رفض للطبابه= محدٍ نجى لو كان بالعقل غايب
صرنا جـدار قصيّرٍ في خرابه = يطمر عليه اللي تعوّد خرايب
الذيخ بوش اليـوم كشّر بنابه = ومعه الحصاني جاهزه للنهايب
جاروا علينـا بالظـلم والنهابه = ما يكتفوا ندفع رسوم وضرايب
حطّوا بقلب العرْب خنجر مذابه = تلعب بشريانه وتشرب نخايب
ولو هو نزف دم القهر والصبابه= قالوا توصخ خنجرٍ منك عايب
ثم الحقوه الراس ..ارض المهابه = ارض الحضاره حولوها زرايب
مايدروا إنّا كالجسد في الصلابه = تتحرك الأطراف عند النوايب
وما يدروا إن الصبر كمّل نصابه = لا من تناخينا وقود الحرايب
لا صـاح صيّاح القبـايل جوابه = بركان ثاير ما حسب للعطايب
في كل شبرٍ نـار مثـل السحابه = تمطر عليهم وابلٍ من لهايب
يكفى مهـانه يا رجـال الذرابه = الذيخ ناويكم بكثر المصايب
ولو هو خدعكم بالحكي .. في جرابه = حقده مبيّت من زمان النجايب
يبي يتفـرّد بالغنـم ..لايجـابه = بجموعها وقرونها والذوايب
القتـل فيكم جـايز ولا غرابه = ولو بالخطا يقتل حديهم مصايب
ولا من طلبتو حقكم بالخطابه = ردوا بنيران الحقد والهزايب
"أنتم هـل الأرهاب تعلوا قبابه = وحنّا دعاة السلم في قتل شايب"
وهم من يخطّط ما عليهم رقابه = وهم صانع الارهاب في كل نايب
من شان يلقون العـذر للنهابه = يستعمرون بلادنا بالغصايب
والبعض منّا عن جهل او حبابه = ما يدركوا ماللعدا من رغايب
فالغرب لو لفّ البعض في ثيابه = ياسرع ما يبني عليهم نصايب
كم واحدٍ قـالوا بنحمي جنابه = وهم من طعن ظهره من اقرب قرايب
اوراق تستخدم لمسح وكتابه = وترمى بعد هذا بوسط الخرايب
الشاه واللي قد مشى في ركابه = صدام والسادات واهل الكتايب
راحوا بنفس الدرب دامه تشابه = فاللي وثق بالغرب داس العطايب
من لا عطاه الله عز ومهابه = باسباب عدله مخطرٍ بالعقايب
ومن نام واثق في حماية كلابه = تنصاه إذا شبعت تدوّر كسايب
ومن غرته دنيـاه يفرس بنابه = لابد ما يدور الزمن بالنوايب
ما ينفعه من عيّشه في سرابه = ولا من ينافق لاجل عال الرتايب
والفقر من داسه لعب في صوابه = لا تحقره عن فعل كل الغرايب
والوضع مثل جـدار يظهرخرابه = لامن نخشه السيل وقت الهبايب
ان ما يصلّح قبـل يبـدا عيابه = لابـد ما ياقع على اتفـه سبايب
ومهما يطول الليـل تنشا سحابه = من برقها تطلع رجال الشكايب
واللي نشوفه من رجال العتابه = اهل الشجاعه غاسلين الشوايب
لابـد ما يثمر بعزم وصلابه = حرب ٍعلى لصوص السرق والنهايب
يحرق بها بوش المكر والخيابه = "فتنـــام" أخرى مقبره للزلايب
الله اكـبر كـيدهم في تبـابه = والله اكبر فوق طاغي وخايب
يالله عليك بمن طغى والعصابه = نفرح بنصر منك جزل الوهايب

هذا الحال يا ابو عبدالله
دوم لك تميز فى طرح الاحوال


صح لسانك وفكرك وحرفك


صعبة

بوح رائع جدا

لاهنت ولاهان مغليك

صح لسانك مليون

تحيتي لك

[فيصل]

سيدى الفاضل مشكور اخوي

على الابيات الرائعه المتألقه

[وليدالبسطي]

السلام عليكم ورحمة الله


اخوي الدكتور





صح لسانك وعلى شانك




على هذا الابداع




الذي لا نظير له






اخوك





وليدالبسطي

صدقت والله وصح لسانك