الليلة الميدان ياحميدان

لقافة الغشيم تحملوني ههههههههههه

غشيم وجيت مستعجل بعد ما هاضت الأشجان=وشفت الملعبه حيه على التوقيت بالتايم
أبى المشرف يجاملني ويحسبني مع الغشمان=غشيم الشعر مو مثل المهاجر يفهم العايم

[الطائر المهاجر]

منيع وناوي نيه وانا في نيته فهمان = يبي في الدرب يتركني فلا لي شاري وسايم
وهذا من تسمى بالغشامه مقدمٍ ولهان= وهو ذيب بخيص بالشعر ما ضامه الضايم

[منيع]

انا ياصاحبي والله ماورد واتركك عطشان=تروح الروح من دونك علامك قاعد وقايم
خويك بالسعه والضيق ماهي كلمة بالسان=نصدقها مع الاقوال وودك بالحشا دايم

[نجم الإبداع]

وانا من ديره لديره ورى العادات والعرسان = وفي خط الجنوب اسعفت حادث والله الدايم
ابو الاسره توفي واجتمعنا ننقذ الورعان = وشلناهم لمستشفى الملك وامسيت انا ظايم

المشرف استلم

أنا ماني بمتسمي غشيم وضامه الهجران=وأنا بالشعر مالي ذكر غشيم ٍ به متضايم
ولكن الشعر طيف ٍ لفاني قلت يالخسران=خساره جيت في وقت التفاهه وال((فلنتايم))

الفلنتايم : عيد الحب لا عاده الله من عيد

[الطائر المهاجر]

تبي الصمان ما تنفع تفكر في هوى عمّان = وعلى لبنان لو ميلت تشوف الظبي والرايم
وخل العود في داره مثل غيره من الشيبان = شرب من حلوها والمر وعاش الصحو والغايم

[منيع]

الاياعود ياطير الحرارلاتكسر الجنحان=ترى الحر الاشقرحلاته بالسما حايم
وسواليف العجايز كبها مالها شان=ترى طراة العمرمع اهل النضا والعمايم