سالفتي....

[حوريه]

قولو لنا سواليفكم

في اي مكان يرحيكم

[ابو أنس]

الفاضله حوريه..............
رغم انني أحب القراءه وأأنس بها كثيرا ولا أجيد الكتابه خفيفة الظل وقد أقمت كثيرا عند مشاركتك الأولى وبقية المشاركات مستمتعا ضاحكا
ولذا. أقول محاولاً.....

مره وانا في الإبتدائي ـ طبعا ماكانت الدبابات ابو اربع كفرات موجوده ـ وكان أقصى ما يمتعنا من المركوبات السيكل. ونظرا للحاله الماديه ما كان عندي سيكل. وولد عمي عنده وحنا مجتمعين مثل العاده جاب سيكله وحول يبي يزين له شي نسيته
المهم قمزت على السيكل وانا ما اعرف اسوق في سوق ضيق خذت السيكل خلسه وان امشي أتهزهز وكل شي في ماخذ حده والى قدامي ذاك الشويب يمشي في وسط الشارع وما قدرت الف عنه او اقول له وخر ..
وانا أركده بين رجليه واصدمه والاه على وجهه
لكنه الله يرحمه كان نشيط قام ولحقني وانا منحاش بكل قوتي .
في زاوية الشارع كان فيه بياره ـ الله يكرمكم توها تحفر ـ وانا لاف مع السرعه زلقت رجلي وابغي اروح في ها الحفره تجي لها ستة أمتار او أكثر لكن لطف الله ثم السياج الخشبش اللي يحطونه حمايه مسكني مثل صدمتي للرجال
عاد هو يوم شاف الموقف خاف شوي ورجع... لكنه خذ السيكل وياالله بالوساطات رضى يرجعه.


وفي نفس المكان ونفس السيكل خذته مرة ثانيه بس مع الجهه الثانيه من الشارع وكان في رمل ...يعني لازم اسرع علشان آخذ عزم لايغرز
مع السرعه تعديت الرمل لكني ما قدرت ألف للشارع الثاني وقدامي جدار فيه ماصورة تصريف الماء من السطح .وعينك ما تشوف الا النور..........
ولا ومن زين التصرف ابا احمى السيكل رحت اقدم وجي للماصوره
بقية الموقف والآثار لكم ان تتخيلوها
واكود منها هوش (تأنيب) أهلي يوم رجعت للبيت...يعني مافيه مواساة
وجه وارم وثوب منشق وهوش
لكم التحيه

[سناعيس]

ههههههههههههههههه
ابو أنس اثرك يام انت صغيّر عندك حركات وأقيشر
خليتني اتخيل ان رجليك كلهن يسرى يوم انك ماقدرت تفادا الشويب اللي انت دخلت بين رجليه
وخليتني احس انك يوم جيت الرمل غمضت عيونك على شان لاتغرّز ولا فتحت الا وانت لاصق بالجدار
هههههههههههههه

[حوريه]

الفاضله حوريه..............
رغم انني أحب القراءه وأأنس بها كثيرا ولا أجيد الكتابه خفيفة الظل وقد أقمت كثيرا عند مشاركتك الأولى وبقية المشاركات مستمتعا ضاحكا
ولذا. أقول محاولاً.....

يشرفني حضورك وانت مستانس على مواضيعي الله يخليك

مره وانا في الإبتدائي ـ طبعا ماكانت الدبابات ابو اربع كفرات موجوده ـ وكان أقصى ما يمتعنا من المركوبات السيكل. ونظرا للحاله الماديه ما كان عندي سيكل. وولد عمي عنده وحنا مجتمعين مثل العاده جاب سيكله وحول يبي يزين له شي نسيته
المهم قمزت على السيكل وانا ما اعرف اسوق في سوق ضيق خذت السيكل خلسه وان امشي أتهزهز وكل شي في ماخذ حده والى قدامي ذاك الشويب يمشي في وسط الشارع وما قدرت الف عنه او اقول له وخر ..
وانا أركده بين رجليه واصدمه والاه على وجهه
لكنه الله يرحمه كان نشيط قام ولحقني وانا منحاش بكل قوتي .

ولا لقيت إلا شويب عااااااد شيبان الأولين تراهم قشران ونشيطين على قولتك زين الي فكك الله منه
وإلا كان يابو انس ماشفناك معنا هههههههههههه

اذكر جدى الله يرحمه اذا لعبنا كوره عنده في المجلس وحنا صغيرين قام يصارخ علينا من القشاره
ما يرضى إلا اذا همزنا رجوله وقصينا شاربه

في زاوية الشارع كان فيه بياره ـ الله يكرمكم توها تحفر ـ وانا لاف مع السرعه زلقت رجلي وابغي اروح في ها الحفره تجي لها ستة أمتار او أكثر لكن لطف الله ثم السياج الخشبش اللي يحطونه حمايه مسكني مثل صدمتي للرجال
عاد هو يوم شاف الموقف خاف شوي ورجع... لكنه خذ السيكل وياالله بالوساطات رضى يرجعه.

أكيد بيخاف وبينحاش عشان ما يبلش بك مع البياره هههههههههههههههههه
ضيق صدرك يوم خذ السيكل ههههههههههههه اقولك الشيبان قشران

وفي نفس المكان ونفس السيكل خذته مرة ثانيه بس مع الجهه الثانيه من الشارع وكان في رمل ...يعني لازم اسرع علشان آخذ عزم لايغرز
مع السرعه تعديت الرمل لكني ما قدرت ألف للشارع الثاني وقدامي جدار فيه ماصورة تصريف الماء من السطح .وعينك ما تشوف الا النور..........
ولا ومن زين التصرف ابا احمى السيكل رحت اقدم وجي للماصوره
بقية الموقف والآثار لكم ان تتخيلوها
واكود منها هوش (تأنيب) أهلي يوم رجعت للبيت...يعني مافيه مواساة
وجه وارم وثوب منشق وهوش
لكم التحيه

هههههههههههههههههههههههههههههه ههههههه

طيب ما يكفي الي جاك من السيكل تاخذه ثانيه الله من الشطانه ههههههههه

وتبي مواسات بعد انت وخشتك ذا المورمه زين الي ما طقك الوالد بالزبيريه
انا امي اذا سوينا شي غلط تدبغنا بالتوصيله حقت المسجل
وابوي يدبغ اخواني بالزبيريه
يا نا صبابرين على اهلنا ودبغهم هههههههههههههههههههه

ابو انس اسعدتنا بوجودك وذكرياتك الجميله
وعلى قولة الوالده استر ما واجهك
ترا حنا هنيا بنخليك تفلت ما عندنا إلا فلتة سواليف
تحياتي يالغالي
انتظر السالفه الجايه وننتظر منك المزيد

[حوريه]

جبته لكم الي ما قراه يقراه
هههههههههههههههه
الله يعظم اجري بس اجر جر في هالمواضيع على شانكم اخاف تضيع

[سناعيس]

هههههههههههههههههه
اتخيلك وانتي تجرجرين في مواضيعك
كنك التكرونية لاجت تنحاش ببسطتها
حقت الشروخه عن الشرطه
الله يجازيك ياحوريه
ويوسع صدرك

[حوريه]

سناعيس

طيب ما قلت تكرونية مكه او منفوحه

هذا جزاي انت وخشك الي احط لكم شى يوسع صدوركم

جعلكم تنقلبون من على دباب ابو كفرين

[العيناء العامريه]

هههههههههههههههههههههههههههههه هههههههههههههههه

ربي يسعدك ياحوريه

و يجعلك في كل خطوره سوداني او بنغالي ابن حلال

و يحطلك في كل طريق دباب اخر موديل

و يكفيكي شر الحفر و المطبات

و يفتحلك كل اشارات المرور الحمرا

و يسهلك شرطي مرور احول يدي المخالفه للي بعدك ....

قولي ااامين ...

على قولتهم تعيشين و تاكلين غيرها

[حوريه]

آآآآآآآآآآآآآآآآآآآآآآمين

بس اعيش وما اخذ غيرهاهههههههه

تسلمين يالغاليه

دمت بووووووووود

[رفيعة الشان]

آآآآآميـــــن << داخله عرض


لا بس ضحكتني مواقفهم اللي فوق ههههههه


يلله تعيشوا وتاكلوا غيرها