دلة الشعر

[الطامي]

بن عسكر
صح السانك ملايين
جزلة وطيبه وهادفه
لاهنت اخي

[الخنساء]

صح لسانك مليون ولايكفون

قصيدة جزلة من شاعر جزل

سلمت ودام حرفك

[سناعيس]

اللهم صل على محمد
صح لسانك يابن عسكر
ولله درك على هذه الجزلة
ولاهنت


تحياتي

[عالي مستواها]

شآآآآآعرنا/مجحود بن عسكر

عذوبة وروعه لا مثيل لها

اتحفتنا بها فلك الشكــر الجزيـل

وصح قافك ملاييــــن

[محارب]

صح لسانك وقلبك
مليون ولا يكفون على هذه الرائعه
تحياتي

[سعيد الصاعدي]

الاخ الفاضل /مجحود بن عسكر
صح لسانك لاهنت
نص شعري رائع جداااااا
من شاعر جزل
تسلم ويسلم فكرك يالغالي
تحياتي
أخــــــوك
س / ص

[اسير البدر]

الطائر المهاجر الدكتور عثمان سعدت بمرورك واطرائك لا عدمتك يابعد راسي.... أرائك الصادقه والهادفه تهمني كثير ...........كل الشكر لك

[عبدالعزيز البليهد]

المشاركة الأصلية كتبت بواسطة مجحود بن عسكر

على النقا والعز والناموس والوجه الطويل"="والكلمه اللي ماتخون لسان منهو قالها
مديت شوفي للسما أبغى الجدي ولا سهيل"="واثار شمس القايله راسي شكى مقيالها
متلخبط فكري مع فكري وضيعت الدليل"="وشيطان نفسي فوق نفسي صاير خيالها
لولاي ممن يذكرون الله لما حمي الفتيل"="يمكن غضب نفسي على نفسي يزيد هبالها
لالي على الهزله سبيل ولا لها صوبي سبيل"="لاثوبها ثوبي ولا بيتي بوسط حلالها
لكن ياحرفي لما صار السبق كله صهيل"="وكلا ضرب كفه على صدره وقال انا لها
فمد النظر قدام واهبد لرض لارحم الذليل"="عينك على العليا ولاتنزل سوى منزالها
لنك وريث الشعر ماانت بعالمه شخص دخيل"="عيون شعرك من غزارتها دفق شلالها
غازي القصيبي قالها لبي وسماه الجزيل"="وانا تربيت بجزالتها وعفت هزالها
وبهرتها من زعفران الفكرهيل وزنجبيل"="وبيدي حمست صروفها والنار تاكل جالها
وقلتو اشربوا ياعاشقين الشعر يالوزن الثقيل"="من قهوة مجحودبن عسكر ضبط فنجالها
مبنى ومعنى سلسبيل يصب فوقه سلسبيل"="من جود ربي جدت والجوده لمنهو شالها
كنت احسب ان لي في السكوت من الذهب لو هوقليل"="واثر السكوت يلحقك لوم العرب واقوالها
والصبر في بعض المواقف يعتبر شي جميل"="وبعض المواقف صبرها يمكن يزيداشكا لها
والساحه اللي بين شد وبين حط وبين شيل"="يارب اسالك ماحوت نفسي ومن في جالها
تشويه حرف وقل عرف وعقل من داخل عليل"="لايمكن يحرك من حروفي ربع مثقالها
طبل وطبل والنهايه طبل واصوات وطبيل"="والطبل يشبه صوت ناس ماتبين افعالها
ناس تحب تحرف التاريخ وتزيد وتكيل"="عناتر كلا يقول الحرب انا خيالها
وان جا نهار يشتغل فيه المشوك والفتيل"="يالله ياربي تعافيها وترحم حالها
لاعاد به فارس ولافرس ولاسيف صقيل"="ولاعاد به عزوه ولابزوه يصيح بجالها
يعني سوالفهم ماغير هياط واقوال ومقيل"="كذبه وكذبها وطاح بشركها واحبالها
خذوا مقولة اعذب الشعر اكذبه دايم سبيل"="لابارك الله في مرددها ومنهو قالها
وناس تفاخر بالجدود اللي لهم باع طويل"="ولو انها ماتفتخر يمكن يكون اشوى لها
يانار حر خلفت رماد مايشفي غليل "="هذا المثل جدا يناسبها ويشرح حالها
وحنا عرب نفخر بماضينا وحاضرنا ذليل"="واكبر دليل القدس تنخانا ولا احد جالها
ماالفخر بالماضي اذا ماله من الحاضر زميل"="يزيد فوق الساس ساس ويرتقي باجيالها
الناس وصلت للقمر وحنا على جال النقيل"="بلا نطالع في السما متى يبين هلالها
والحمل يبغى له جمل والدرب يبغى له دليل"="والقول يبغى له فعل والسوق يادلالها
والصعب يسهل بالعمل ولا على الله مستحيل"="سقها لما ضاقت على ربك وهو حلالها
واعمل على الدنيا كأنك دايم فيها نزيل"="واعمل لاخرتك كأنك مصبح في جالها
ترى الكذب للرجال يعدم كل مابه من جميل"="وتضحك عليه الناس في قفايته واقبالها
وانا بشر ياكبر مامتني من ذنوبي يشيل"="حتى الامانه الجبال ازرت ومتني شالها
واليوم ياهداج عقب البرق وسبول المخيل"="والدله اللي من يمينك سقت لي فنجالها
كرمت ياعون الخوي وزبنت يازبن الدخيل"="ولاكل من راد الطويله ياعضيدي طالها
نوخ ركابك واسترح لاهنت رديت الجميل"="طابت علومك والمعاني طاب لي موالها
وصلى الله وسلم وبارك كل صبح وكل ليل"="على محمد جعل صح لسان منهو قالها

اللهم صلي على محمد

عزالله كفو لله درك على هذه الباذخه

اصدق الشعر وفي الصميم

صح لسانك ملايين

وربي يسعدك ويكرمك على الفنجان

[شجون القصيد]

اتشرف بان يكون لي حضور ضمن صفوف الردود هنا

نص راقي لايطلقه إلا الكبار وتنقل رائع بين ابيات القصيده

صح لسانك مليون ولا هنت

مصافحه تسجل بماء الذهب كتبت بحرفنة الشاعر القدير

رااائعه بفكرتها ومضمونها

شكرا لك ارويتنا شعرا

تحياااتي

[سعود المسعد]

اللهم صل وسلم على محمد

وصح لسانك يامجحود على المصافحه الجزله

لاهنت ياشاعر

لاهنت جزل ومتمكن
تقبل صادق ودي