صوت الكايد وصدى سناعيس

[الخنساء]

خصيت ربع مابهم واحـد هيـس
الكـل منهـم يابـو زايـد لحالـه
ربع على فعل المكـارم أشاويـس
عز الفطاحـل هـم ذراه ورجالـه
الشكر والعرفان جنـك مراويـس
منهم لشخصك ياحسيـن المقالـه
ياشوق بنت ماربت وسط باريـس
ولا دوجـت بعمـان والا صلالـه


صح لسانك اخي الشاعر الرائع سناعيس
لاهان را سك قصيدة رائعه
ولاهان اخي الشاعر الكايد
صوت وصدى راائعين
سلمتوا وسلم شعركم
دمتم بخير

[إستبرق]

صـح لسـآنكـمـ وعلآ شـآنكــمـ

إستمتعــت بقراءة هذه الروآئــع ..

وفقـكمـ الله لكـل خير ..


آطيب التحـآيـآ ..

[النهج المختلف]

سناعيس صح السانك على رد الرسالة لاهنت,,,
بيض الله وجهك ما قصرت ,,,
صنداح الزلامي صح السانك لاهنت ولاهان راسك الجزل ,,,
ما قصرت يالغالي ,,,
تحياتي لشعار المبدعين ,,,

[سناعيس]

المشاركة الأصلية كتبت بواسطة مبروك بن ماضي

الاخ النبيل الاستاذ / سليمان السكيبي

يسعدني ان أكون الاول ابتهاجاً
وان اتشرف بمصافحة إبداعاكما باكراً
ولا املك في هذا المقام غير الإعراب
عن تسجيل الاعجاب بماقرأت
صوت وصدى رائعين بروعة حضوركم
الشاعرين القديرين :
الكايد / سناعيس
صحت السنكم ودمتما للتألق
تقبلا تحياتي واحترامي الكبيرين ،،

شاعرنا الرائع والقدير مبروك بن ماضي
صح بدنك والله لايهينك على الحضور والتفاعل والاطراء
وهذا بعض مما عندكم

تحياتي

[حي الضمير]

وفيتم وكفيتم والحقيقه اسماء الواحد يتنومس بذكرهم
وصح لسانك شاعرنا ابامياس وشاعرنا الكايد
ابدعتم حيل

[صوت الإحساس]

لا أملك إلا أن أقول تعظيم سلام


للكبار أينما حلو



لله دركم

[عبدالله الشويمان]

المشاركة الأصلية كتبت بواسطة سناعيس

صوت وصدى
هذه القصيدة أرسلها لي أخي صنداح الزلامي ( الكايد)
وبما أنهما قد تعدتا السبعة أبيات واستوفتا الشروط لنشرهما هنا في همس القوافي
وددت أن أصافحكم بهما لعلهما تجدان القبول والاستحسان

يقول الكايد

وصل تحيات الوفاء يـا سناعيـس=الله يعينك فـوق حمـل الرسالـه
الاول الطائـر بعيـد المرامـيـس=وعبدالله شويمان رجـل الشكالـه
وفلاح بن منشـار راع النواميـس=ومن سال عنا جاوبه فـي سوالـه
وداعي وابو مياس قومٍ فواريـس=ومنصور له بالقلب قـدر وجلالـه
والغامدي ماانساه صوت الاحاسيس=وفواز ولد قعيـد الاجـاء مجالـه
وعلي العتيبي صاحب الفكر والقيس=معربٍ مـن سـاس جـده وخالـه
اقبس سلامي للرجـال القوابيـس=وعلـى لسانـي قولهـا بالوكالـه
سلامٍ احلى من هبـوب النسانيـس=و مثل الشراب اللي قـراحٍ زلالـه

وهذا ردي عليه

أبشر بمن ينقل سلامك بتقييس=ولكل منهم بأنقله وأعناله
خصيت ربع مابهم واحد هيس=الكل منهم يابو زايد لحاله
ربع على فعل المكارم أشاويس=عز الفطاحل هم ذراه ورجاله
الشكر والعرفان جنك مراويس=منهم لشخصك ياحسين المقاله
ياشوق بنت ماربت وسط باريس=ولا دوجت بعمان والا صلاله
صنداح ياللي للوغى والمقابيس=ترسي كما اللي راسي من جباله
ربعك هم الهيلا زحول وفواريس=يالكايد اللي خابرين(ن) فعاله
وأعذر عن التقصير ياراعي العيس=ولصاحبك ياشيخ أدمح خماله

وسلامتكم
سناعيس 13/5/1429هـ

كفو كفو
بيض الله وجيهكم يا النشاما ما قصرتوا وصحت السنكم..
ويشرفني رد التحيه بهذه الابيات..

وصلت تحيات الوِفِيّ مع سناعيس=والله يجمل حال راع الجماله
صنداح مرسلها عذاب المحاميس=اللي بحمساته معذب دلاله
يحوفهن بالبن الاشقر مع القيس=الهيل هندي وابو شيبه كماله
هي عادة الهيلا هوات النواميس=وهو مع العاده قويه حباله
أهدى بيوت الشِّعر جِزلٍ ملابيس=من المعاني النابعه من أصاله
فيهن ذكر اسماء رجالٍ متاريس=في علم غانم طيبين السلاله
الفٍ هلا فيهن اعداد النسانيس=واعداد من يؤمن برب الجلاله
رد التحيه واجبه بالمقاييس=لإبن الزلامي ونسأله عن حواله
الله ياقاه الخطر والمناجيس=معه سناعيس الحميده خصاله

عبدالله الشويمان-الرعد

[داعي الشوق]

صح لسانك يالكايد
صح لسانك يا سناعيس ..

شعراء كبار ولا فيكم حيله

تسلم والله يا سناعيس ,,

كفيت ووفيت
ورديت الجواب الشافي الله يسلمك

تحياتي وتقديري ،،،

[الطامي]

الله عليكم فطاحله
الكايد لاهنت وجمل الله حالك
وصح السانك مدد بلا عدد
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
سناعيس
وفيت ولا هفيت
لاهنت يالنشمي
وصح السانك
وشكرا لك عيني

[ابو أنس]

الفاضل سناعيس...............
الفاضل الكايد................
رتم جميل وقافية عذبه واستيفاء محكم للصوت والصدى

استحكمهما الجمال وفاضتا بالعذوبه واستطربت لقراءتهما

شكرا لكما ودمتما بود