المساجلة الشعرية العامة

[الطائر المهاجر]

سلمي لي على اللي انحنت للزمان ....وسلمت لك سلاحٍ بالفخر ترفعيه
قالوا الشبل من ذاك الأسد بالضمان.... قلت عندي الدليله يوم شفت الشبيه
ثار من بعد ثارٍ واضحه للعيان .... تكمل الدرب باللي امها تشتهيه

وطالما أن الوالده شاعره ، فمن حقها أن تظهر قصائدها ، وأن تنفض غبار
الزمن ، وتواصل نظم الشعر لأنه ضروري للتنفيس عما نشعر به من آلآم ، فنصوغه بلغة
قد لايستطيع فهمها من نتحدث عنه ، وحتى إن فهمها ، نسنطيع أن نؤلها على ما نريد .
لكن انزوائها ، مما يفرح البعض ، واعادة نشاطها ، ونشرها لشعرها ، سيغيضهم ،
وكما قلت تستطيع استخدام لغة الرمز لتخفي مالاتريد البعض يفهمه ، المهم أن لاتكبت
هذه الموهبة ..

تحياتي الطيبة

[ثار التميميه]

هجوس قلب(ن) خلي(ن) انتهت من زمان
................. رجعتها حروفك قبل ماهي تتيه
بس خوفي تعود ثار ويحصل جنان
............... وتاخذ الاسم ويطلع مالي اي حق فيه

والله انها فكره مب شينه يااستاذي
وش رايك اقترح عليها تسجل معنا بالمنتدى

[الطائر المهاجر]

هقوتي فالبيت الاول من شعر ثار الكبيره ....وانتي اكملتي ببيتٍ لكن الفارق كبير
سجليها وانشري عنها دوواين كثيره ...... تنشغل بالشعر مثلي ما تفكر وش يصير

[ثار التميميه]

رايك هو الراي وغيرك ماني مستشيره
................. عز الله انك جبتها جعلك بخير

البيت الاول من شعر ثار الكبيره
................ الشعر منها له مذاق وطعم غير

[الطائر المهاجر]

روعة الشعر لا منه غدا = امتسلسل بالوراثه من بعيد
ثم جانا ايتهادى واهتدا= في قوافي ثار كالطفل العنيد

[الطائر المهاجر]

مرحبا يا سهيل يوم إنّك لفيت = يشهد الله وافي طول الدهر
والنعم ياتاج راسي لاانتخيت= محزمي يالشمري فعلك بهر

[سهيل الشمري]

شدّ ياقافي ونيشن لانويت = يمّ شيخٍ للمكارم كالنهر
قلّه انه ديون وش كثره حويت= دين طيبك بالسراير والجهر

[الطائر المهاجر]

دينك السابق ولا ظني هقيت .... ادفع اعشاره ولو زاد العمر
مهما اكتب في خصالك ماانتهيت= مكسب لي معرفة رجل صقر

[سهيل الشمري]

ماشيٍ لك لامقيل ولامبيت= اسرع خطايا ولا ادرا عن خطر
لا ملل لاضيق لاونّ ونهيت= السعاده محزمي لاطيب بشر

[الطائر المهاجر]

انا ما علي منكم ومساجلكم ، لكن ابسأل:
وش تشوفه يالسنافي من قصور.... وش بقى يكمل مدامك إنّك خبير
لا تجامل منت في الحق امعذور .... هات رايك والذي تبغى يصير