ذاك وجده وجد حالي ..!!

[ابومياس]

ياعايض يالمقاطي

من وين ابدأ وين انتهي بالكلام

نص جزل لانختلف على ذلك

ولكن مع الجزالة الاصالة التي قل مانجدها


صح لسانك وبيض الله وجهك

حقيقة استمتعت بها وبالتصوير الفريد

تقبل تحياتي

دمت بخير

[صعبة المنال]

المشاركة الأصلية كتبت بواسطة عايض المقاطي

متواضعه أخرى أضعها أمامكم


والمكسب


أن


تنال الرضى

,,

الهنوف اللي هواها تل قلبي من محله=وا عذابي كل ما ذعذع مع الغربي هواها
اتقلب كن قلبي فالحشا من فوق مله=وارقب سهيل اليماني والثريا في سماها
والشريط اللي طويته أرجع لعقده وافله=وآتذكر منتهاها ,,وآتذكر مبتداها
وآتذكر قلبي اللي حبها فالوقت تله=تل دلو تله اللي عثرته محد "ن" قواها
وابتدي ليل التوجد ساهره ع الكوع كله=والذياب اللى في صدري تبرز الناب لعشاها
ياوجوي وجد من هو مر وقته ما فطن له=لين شاف الشيب ينهش لحيته من منتهاها
وكنه اللي من بعدها مونس فالكبد عله=وا عذابه لا بلعها وا عذابه لا رماها
ويوم فتش في حواله ما لقى شي يشله=غير خاتم زوجة له مرها الموت وخذاها
وبعد ما فكر ودبر وانتهض والدمع بله=ساق رجله يم بيته ..والعلوم اللي نواها
قال أبا أهدي خاتم أم البنت للي ما تمله=بنته اللي شوفها يبري من العله دواها
ويوم حطت رحلته عقب العنا في وسط حله=لد عينه في محله ..والبنيه ما لقاها
وفز قلبه يوم شافت عينه أم الدمع دله=منتثر ماها,, وشاف الدم الأحمر من علاها
وقامت كبار الطواري تزهمه ويقول لله=ثم لله يالصدوف اللي تمادت في خطاها
ولا درى غير السكيب اللي خده يهله=من صواديف الزمان اللي على راسه ثناها
وشاف حول الضلع الابرق من ورا المسيال ثله=من طيور الجو حامت ,, قال أبا اقرب ياعساها.. !!
ويوم جاها شاف شي يخلف ظهور الأهله=شاف بنته والذياب الست تنهش في حشاها
قال أبا أقرب مار شي فأول الممشى حصل له=عظته أم النياب اللي تنوخ من وطاها
ثم طاح وطيحته من دونها صوت وصل له=المصايب ما تسوق الا المصايب في قفاها
ذاك وجده وجد حالي من عقب فقد المدله=الهنوف اللي حلاها كيف أبا اوصف حلاها
خدها والسيف الأحدب والعيون المستظله=جيدها والخصر الأطرق والجديل اللي كساها
قدها والكف الأخظب والثنين المسفهله=والنهد والشفه اللي يروي الضميان ماها
حدها والبطن الانحل ,, والعقل ما جاه خله=غير من هبد الردوف اللي تسحبها وراها
صورة سبحانه اللي خصها بالزين جله=يوم دقه خصها به واحد "ن" جله عطاها
اتعبتني واجرحتني ,, واوردتني للمذله=للمذله في هواها ياعسى اللايم فداها
نعنبوها كيف قلبي وسط جوفي تستحله=لين صارت تامر وتنهى علاه ولا عصاها
لا أقبلت كن المشاعر تزبنه وتقول بالله=أرفق بحال الصويب ولا تلحقها مداها
ولا أدبرت يانعنبوها كنها تطلبك شله=يالعل الصوت نار فالحشا يرخي سناها
قصة محد "ن" عرفها بين خل وبين خله=لو درى عنها الملوح كان لاحفاده حكاها
مار أبوها علموه بحالة العاشق لعله=يمنعه,, ولا يسنن للصلاه اللي قضاها
أو ترى عايض بعدها ياهل المعروف دله=مثل من هو لا بغا يكحل محاجرها عماها

كلها على بعضها لا تجزأ
روعة


صح احساسك وفكرك


صعبة

[حي الضمير]

الشاعر عائض المقاطي الف صح لسانك
قصيده عذبه ورائعه استمتعت بقرائتها
والحقيقه ابدعت بارك الله فيك
وسجل الاعجاب والتقدير الدائم

[علي محمد العتيبي]

مـار أبوهـا علمـوه بحالـة العـاشـق لعـلـه
يمنعـه,, ولا يسنـن للصـلاه الـلـي قضـاهـا
أو تـرى عايـض بعدهـا ياهـل المعـروف دلـه
مثل مـن هـو لا بغـا يكحـل محاجرهـا عماهـا


ياسلام

الله الله

لله درك ياعايض

ابداع يفوق الوصف

قصيده كايفه


شاعر جزل



اعجابي واحترامي

[محمد بن عمار]

	السلام عليكم الفاضل / عايض المقاطي صح لسانك وجاد بيانك قمة الروعة والحضور فيض ودي يالغلا محمد بن عما ر

[عايض المقاطي]

,,

يعلم الله أنكم تتعبون اللي يبا ياصل نص جزاكم

لكن

لكل من مر أقول



صح بدنك



والله أنه لا يهينك

وعسى المقاطي دايم عند حسن الظن




..أخوكم..

[النهج المختلف]

صح السانك ياعايض المقاطي ,,,
لاهنت على القصيدة العاطفية الجزلة ,,,
شاعر مبدع ومتألق دائما ,,,
تحياتي وتقديري ,,,

صح لسانك وسلم شانك

[يوسف بن صالح]

الله الله ..

صح الله لسانك يا عايض

نص راقي

سلاسة واسترسال جميل جدا


لاعدمنا هذا التميز



"متابعك"

[مقبل مساعد الحربي]

الغالي / عايض المقاطي

والله ترددت قبل ان اكتب,,, ماذا اقول امام هذا الابداع,, وهذا التصوير الجمالي

هل ساعطيها حقها ,,, لا ,, والف لا,, نعم اقولها بكل امانه نكتب الشعر ولكن

امام هذا الابداع يجب ان نسحب بريك,,, ماشاالله عليك,,, اول قصيدة اقراها لك

جعلتني وبكل فخر,,,اجد نفسي امام الملف الشخصي لقراءة جميع فصائدك الشعريه

تقبــــل تحيــــــــاتي,,,, العيصــوم,, مقبــل الحربـــي