بالفطرة كذا جذّاب

[الطائر المهاجر]

كتبت فأبدعت واجزلت وامتعت
صح لسانك ولا هنت
تحياتي الطيبة

[عبير الورد]

المشاركة الأصلية كتبت بواسطة محمد بن عمار

السلام عليكم ...
عندما يفرض الشعر نفسه
ويصرّ على رأيه بكل عنجهية
أستسلم له لاحول لي ولا قوة ،،
جديد هذا الفجر الجديد ،،،

بالفطرة كذا جذّاب

ألا ياراعي اليوكون ذبحي من بقرب الباب = عليه الله أكبر أشعل السرجوف نيراني
هنوف ٍ مرخي الغطوة ولفتاته بدون حساب = غرير ٍ أدعج ولأجل المكيدة يمضغ لباني
ندهته قلت له يانابي الأرداف قلبي ذاب = خف الله في مشاعر شاعر ٍ بالحب هيماني
سحرني فيك نظرات لعيونك تخطف الألباب = وأسرني صوتك اللي فيه من ترنيم الألحاني
جمالك يذبح العشّاق بالفطرة كذا جذّاب = وأنا من عقب شوفك ميت ٍ والخالق أحياني
رحيق الشوق من شأنك بوديان الحشا منساب = وخلايا الود من شوفك تجددّ وسط شرياني
تعمّد تطعن المجروح وجرحه في الحشا ماطاب = وتمشي في الجنازة وأنت فيها المعتدي الجاني
شكيت الوجد وأبديت العنا من غيبة الأحباب = وعذلت القلب لأجل رضاك يا مكحول الأعياني
معك يحلى السمر ياناثر الغره على الأهداب = ويطيب الليل لو تنقض جديلك فوق الأمتاني
أنا من يوم طيفك ما إستحّل الفكر عقلي غاب = وصارت عيشتي والنوم عقبك كلها أحزاني
خف الله في خفوق ٍ يحتضر لأجلك بدون أسباب = فلا ، حي ٍ ولا مقتول ، وسط الجوف ذوياني
ولولا إني أداري العيب وهرج الحاسد المغتاب = لأّبيّن ما بقلبي ،، وأعلنه لفلان وفلاني
وأقول إن خاطري والشّف من شوفة وليفي طاب = كلام ٍ صادق ٍ ماهو بهرجّة مزح بلساني
يشيب الوقت والأيام وراسي والشعر ما شاب = جريح ٍ للقصيد ونزف قافي إسم ديواني
وهذي حالة الدنيا تخلّي لك عداك أصحاب = وتعّود ، تقلب الأصحاب بعد الود عدواني

مودتي لشموخكم وتواصلكم
6 / 1 / 1432 هـ
محمد بن عمار

الله الله
إبداع * ابداع
صح لسااااااانك ملايين
سلمت وسلم منطوقك الجزل
الله يعطيك العافية

[حرف وشعر]

بن عمار مبدع ومميز

سجل مروري

[عطر الياسمين]

صح لسانك وسلم بنانك
رائعه من شاعر رائع
تحيتي لك

[فارس القوافي]

مسا الخير يامحمد

ووو صح لسانك


لاهنت يالقرم


يعطيك العافية


دمت بخير

[عبدالعزيز العمار]

صح لساااااانك يابن العم وجاد بيانك

مبدع وجزل يامحمد ومن حق الشعر يفرض نفسه ويسهرك حتى تخرج لنا هذا الإبداع

لاهنت ولاهان حرفك ونظمك وعساك على القوه دووووم

تحياتي وتقديري

[عبدالعزيز ابراهيم المنصور]

بن عمار
مبدع دائمـًا
صح لسانك
سلمت ولاهنت
دمت بخير

[هترل]

معـك يحلـى السمـر ياناثـر الغـره علـى الأهــداب
ويطيب الليـل لـو تنقـض جديلـك فـوق الأمتانـي
أنا من يوم طيفك مـا إستحّـل الفكـر عقلـي غـاب
وصـارت عيشتـي والنـوم عقبـك كلـهـا أحـزانـي





ااااالله عليك يابن عمار وصح لسانك ملاااااين
قصيدك عذب وممتع بنفس الوقت الله يوفقك

تحياتي وتقديري لشخصك الكريم

[الـزلـزال]

محمد بن عمار

بوح في قمة الجمال والروعة

من شاعر تعودنا منه تقديم كل مايليق

ابدعت وتمكنت شاعرنا رعاك الله

دمت ودام حرفك الذي لا يمل

صح لسانك ملايين ملايين

ولك فائق تحياتي وتقديري

[حوريه]

صح لسانك
أبيآت رآئعه
وذآئقه أروع
سلم لنا حرفك وابداااعك