فيه اجتماع طارئ للشعار والشاعرات

[سناعيس]

والله يابوعابد انك انشبتنا بهالقاف البخيل
تسنه وده يشيب وهو في سن الشباب ههههههه

ديواننا مفتوح والكل دالف=لكن نبيهم من شريفين الأعمال
ولاجاء الذي له نية الخبث زالف=ننهاه بالحسنى وحتى ولوعال

[عبدالله الشويمان]

بكيفكم يا أخ سناعيس..

وأنا حسيت بهذا الشئ..ممكن واحد يغير وحنا نمشي ممشاه..

ما كنت متصور ان الكلمات شحيحه لقفل صدر الابيات ..

الله يرزقنا المطر للظوالف=تلقا العشب بالبر من عقب الامحال
تشبع رعي ما تلتفت للمعالف=وراع الحلال يوفر الجهد والمال

[منيع]

المشاركة الأصلية كتبت بواسطة المشرف العام

طير مهاجر في المعالي يوالف = احرار طير ما تدنت للاوحال
رادار شغالٍ على من يخالف = يطلق شهابه راصد كل من مال

تسلم سلمت من العنا والكوالف=وداعي لك الله ماتفاجيك الاجال
خذ من كلام الصدق ماهوزوالف=لك راية البيضا على راس ماطال

[الطائر المهاجر]

ارى الإكتفاء بحرف الفاء في القافية الأولى والإستمرار على ال في الثانية

سنعوس سيف من سيوف مراهيف = وابو بدر ويا عمر ما بها جدال
الكل منهم ينتف الخصم تنتيف = من مايل يحتاج بالراس معدال

[عبدالله الشويمان]

الوقت يمضي ويقطع العمر كالسيف=إن ما قطعته في عمل خير جهال
هذا مثل ماهوب أبداً تخاريف=قاله حكيمٍ ونتشر بين الاجيال

[سناعيس]

الله ولا أحلى من معانق هل الكيف= اللي لهم في مجلس العز مدهال
اللي تشوف العين ومن مابعد شيف=لهم موده قلب لو غابت أزوال

[عبدالله الشويمان]

هذي سلوم اللي يعرف التصاريف=وهذي علامه في حسينين الافعال
واللي يتوق إلعاليات المشاريف =ذكره يجي بين العرب ضمن الابطال

[نجم الإبداع]

الجو ساحن حيل يحتاج تلطيف= واليوم صار العز لاصحاب الاموال
لو جيت يم البنك طالبك تعريف= والعقده لو راجعت ياشيخ الاحوال

علامكم يالربـع مثل المصاليف ****** اللي يبي يشرب على الكيف فنجال

وين المثايل والحكم والطواريف ****** اللي طلبها الرعـــد في قافه وقال

[الطائر المهاجر]

الدار دارك منت يالمطرفي ضيف = حنا الضيوف فصب للضيف فنجال
وحذراك من سقف تشوفه بتوكيف = لا تامنه ياقع اذا نمت بالحال