محاورات المسعودي

[الطائر المهاجر]

بعضاً من محاورات "الكسرات" مع الشاعــر سليمان العبدلي

=سليمان العبدلي
ياكوكب الشرق زوريني=في المملكه لو ثلاث ايام
طلي عليـه وشوفينـي=والا اكتبيني مع الايتــام
=عبدالله المسعودي
ياكوكب الشرق غني لي=مادام انا ساهر ما نـام
والا بغنـي مواويلـي=واصحى والمسلمين نيـام
=سليمان العبدلي
ياصاحـب ابغـاك تفتينـي=في مشكله لي ثلاث اعـوام
ياهـل الفكـر والمعاقيلـي=وش بحر يصعب على العوام
=عبدالله المسعودي
ياراعي القال والقيلـي=لاتدفع اقدامنـا قـدام
بحر الغرام آه ياويلـي=ولا فيه لحمٍ بغير عظام
=سليمان العبدلي
سلام رده وكيف الحال=واسالكم يابني مسعـود
سهران ليه ثلاث ليال=سهران يوم العباد رقود
=عبدالله المسعودي
يامرحبـا مـن وسيـع البـال=ترحيـبـةٍ سبلـهـا مـمــــــدود
ان كان مـن هـم همـك زال=وان كان من حب (مش موجود)

[الطائر المهاجر]

في احدى المحاورات وبعد انتصاف الليل كانت الصفوف لاتساعد على اللعب
لانها تعبت من كثر اللعب (المحاوره) وقام المسعودي يوبّخهم بالابيات التاليه

=عبدالله المسعودي
احدن جلس واحد اتّكا واحد انسدح وآخر يقوم = انكان تبغون المعاني تستوي صفّوا سوى
احدن يطير من الفرح واحدن يموت من الهموم = ولكلّ علّه يامجربة الامور الها دوى
=ردّاد المسعودي
ليتك على ممشاك ياراع السوالف والعلوم = ماتختفي شمسك ولايصفق مخايلك الهوى
فالليل خايلت النجوم وصبح ماشفت النجوم = الا ليا غاب القمر واقبل له الليل وضوى
=عبدالله المسعودي
امّا تبا تاكل سنه والا تبا دايم تصوم = لسانك اطول من جماك ولاش تمر ابلا نوى
مافالمشوّك عيب لولا تاكل القيظ الصروم = يبس الجريد الخضر كله والمشوّك مااستوى
=ردادالمسعودي
العيشه اللي ما مخالطها زفر وارواح ثوم = تبا تقرّب للاكل لخوك يامال الخوى
الحمل في ظهر الجمل والراس بالحبل امخطوم = والبطن من قلّة مصاريفه تقلّص وانذوى
=عبدالله المسعودي
لوكان مافالحمله ضعيّف ياريّف يارحوم = ماكان طبّت من ظهر عربيد في ظهر الحوى
الذيب فالمرقب عوى والبط فالغبه يعوم = واللي يبا الطبخ اطّبخ واللي يبا الشوي اشتوى

[الطائر المهاجر]

عبدالله المسعودي مع رشيد الزلامي

=رشيد الزلامي
سلام الله سلام اسلام في حفلةرجال هذيل =اهل وادي المضيق اللي نمره بالسنه مره
انا ودي اجيهم في جبلهم كل يوم وليل =لحيث جبالهم في شكلها قطعه من الحره
=عبدالله المسعودي
هلا يامرحبا ترحيب مثل البن فوق الهيل =ياطرقي ليا قصيت لك فالدار لك جره
بعيدٍ يالزلامي عنك بعد الجدي ولا سهيل =وانا ماخبر لكم فديارنا مايازن الذره
=رشيد الزلامي
محمد يارفيقي لاتزود ملحها بالحيل =ترى كبدي على واحد من الهذلان محتره
اجل ماعاد ابي ديرتك عساها يجيها السيل =بلاش من الجبل ماعاد ابي خيره ولاشره
=عبدالله المسعودي
ترى الميزان بالميزان والكاله تجيب الكيل =ليامنك بغيت الحلوه اصبر وابلع المره
ليامديت رجلك خطوتك تسبق جياد الخيل =وانا اعرف الحسودي واكحله بالكحل واذره
=رشيد الزلامي
انا مابغى لك الاحراج انا مارضى عليك الميل =دفعت الباخره لكن جات فالبحر مفتره
مادام الضيف يطلب شئ ومحمد عليه بخيل =وابن سوداءصديقه مار ماسره ولاضره
=عبدالله المسعودي
اخذ علم الحقيقه واترك اهل القال واهل القيل =ترى من طبعنا مانوعد الرجال ونغره
ليامني عرفت انك مبتل وزعتك تبتيل =فزعت بوزعتي مع عزوتي والعين محمره
=رشيد الزلامي
علوم محلله من عصر مايبغالها تحليل =وانا والله عارف ياهذيل دميكم حره
مانشرب بدرت الراعي وحنى فوق شاط النيل =وصر العلم بجناح العمامه واحكم الصره
=عبدالله المسعودي
مدام انك تعرف العلم ليش تحط ليش تشيل =توكل مايهاب الغبه اللي يرغب الدره
مساجدكم كثيره واسمع التكبير والتهليل =واظن علومكم راحت مع الفوال والجره
=رشيدالزلامي
بغيت اقنع بغيت ارجع وحيلك ياقوي الحيل =لكنك قلت لاتقنع وهذي هرجت القره
انا عيني تشوف الدرب مايحتاج لي دربيل =لو اومسك راعي الجره برجله جيت مجتره
=عبدالله المسعودي
ترى الموجز بدايه بعده الاخبار بالتفصيل =يجيك العلم من بطن البحرويجيك من بره
تشوف الدرب عينك مار بعيونك تشوف الويل =تقرب من عراقيب الجمل كره بعد كره
=رشيد الزلامي
حرام من حزامي لو لقيتك فالزوم خبيل =لانزل على راسك حصاه تعدمه مره

[الطائر المهاجر]

مع بـكــر بـازعــزوع الحـضـرمـي

=الحضرمي
هلا يامرحبا باللي لفا فـي حـزة الرحمـن=تراحيب الوفا واهل المعانـي فـي معانيهـا
ولا ياشاعر الهذلان قابـل شاعـر السلمـان=بعد غابوا عتيبه شرهـة الديـره فاهاليهـا
=الــــمــــســــعـــــودي
لعل الك البقا يابكر ابن زعزوع ابن عدنـان=واثنيهـا واعقلـهـا واعقلـهـا واثنيـهـا
مادامك فالبريد ارسل مكاتيبي ليا الصدقـان=انا ارسل لي رسايل مير ماجاني ردد فيهـا
=الــــحــــضــــرمــــي
عسى ربي يبارك فيك ياللي تبحث السيسـان=تعين فـي حبالـك وانتبـه لاتلتـوي فيهـا
ترى دعوتك هذي ضايعه ماجالهـا ضمـان=ظليمه والظليمـه ياعميلـي فـوق راعيهـا
=الــــمــــســــعـــــودي
انا ماهمي اللي يزرعون الخـوخ والرمـان=تمـد عذوقهـا وعروقهـا للسيـل يرويهـا
دريت انك رضي فالعود وحنيّن على الاخوان=وكـل منتفـح لـه جبـة بالسلـم ماليـهـا
=الــــحــــضــــرمــــي
ياخوي الخوخ والرمان مايطلع بـلا بستـان=لكنـك شجـرة الزقـوم ماتنبـت نواميهـا
انا دايم رضي فيكم ولا اقبل رجحة الميـزان=لكن اللي حقر حفـره لعلـه ينكفـت فيهـا
=الــــمــــســــعـــــودي
انا لو اعطي المجنون شاة من سمان الضـان=وادني لـه ميـة سكيـن مايعـرف يذكيهـا
يقولون الرجال الخال يقعد سبعـة الريعـان=لكـن سليـم مالزمـت ولا ريـع لبناخيهـا

ثم يتدخل الجبرتي لينهي المحاوره بهذا البيت

يابن مستور وش مالك ومال فلان وابن فلان=بليس اللي يشب النـار والرحمـن يطفيهـا

الله يرحمه والله انه ملك الشعر

ومن بعده الشعر ولا شي

ما اقول الكلام هذا لاني هذلي

والكل يشهد له بانه ملك الشعر

[ابراهيم عبدالحميد]

الطائر المهاجر

محاورات رائعه للراحل/ المسعودي
عظيم الشكر للجهد الرائع الراقى

دمت أخى و سلمت و غنمت

[حوريه]

احسنت
وفقك الباري
تحياتي

[منيع]

استمتعت بالقراءة
شكرا جزيلاً
تحياتي الطيبه