الطائر المهاجر .. بأول مواضيعي اناديك : )

[نسناس الهوى]

المعذره يالغالي .. بأطلع لأمر ضروري ، وقلت بأختمها بهالبيتين : )
---

لعب القوافي لا غدا الند بالقصد صافي = صافي النوايا ما بغاك اليوم بالمشكور
ولا البلا ودي اصير اليوم مانيب جافي = الا ان عذري في خاطري بالحيل محصور

---
وصح لسانك ولاهنت يالقرم .. واعذرني ولنا لقاء بإذن الله : )

[ابو زياد]

الله عليكم وعلى ابداعكم
الشاعر نسناس الهوى
والشاعر الطائر المهاجر
صحت السنكم

[نسناس الهوى]

صح بدنك ، ولا هنت .. واسعدني تعقيبك : )

[ثار التميميه]

الله عليكم

صح الله السنكم

محاوره رائعه

واصلو

[الطائر المهاجر]

خليتوني مع هالإعصار ، طاري بي في عجته ، وما صدقت على الله يجي له عذر ويروح
ثمن رحت بعده ونمت ، هاللحين يانسناس الهوى ، الربع كلهم شعراء ، طب الملعبة ، والله يقويك
استدعهم واحد واحد ، ولا اوصيك فيهم ، طر بهم مثل ما طرت بي..

[نسناس الهوى]

هههههههههههههههه

وش دعوه قل انا اللي شاب قافي وقلت مالي الا هالعذر ههههههه

امزح ترى ماشاب .. وصدق جاني عذر

[الطائر المهاجر]

هلا بك أخي الكريم
فيك الخير والبركة ، والإخوان الشعراء ولله الحمد كلهم اساتذتي واتعلم منهم ، فإذا لقيت أي واحد ، لا اوصيك
ناده مثلما ناديتني ، (سهيل/ ابو انس/ ابو زياد/ سعيد الحظ / ثار/ الذاهبه ..الخ )فهذي هي الطريقة في الردية والمحاورة عندنا ، وإن كنت ماني منشغل مثلما حصل بعد الظهر ، جيتك اتعلم منك شوي ، وترى هاللي صار حتى الآن ردية ، وإلا المحاور بسلامته ما جربته ولا اعرف له
فإن كنت بخيص به ، فعطنا دروس فيه ، وخلنا نتعلم ..
لاهنت يالغالي
تحياتي الطيبة

[نسناس الهوى]

أي دروس الله يهنيك .. : )

ماخرجت هذه الأبيات .. الا من قراءة ابياتك ، التي اغرقت بها منتديات الإنترنت

ولكن .. اشك ان اللي صار موب محاوره ، وانت ادرى : D

[الطائر المهاجر]

لا ونا اخوك هذي رديّه ، والمحاورة اللي قريت عنها تختلف عن هذي ، فهي تعتمد على الفتل والنقض
ولها الحان وطواريق متعددة ، معروفة في الحجاز قبلنا ، لأن في نجد كان الإعتماد على المراد
وبعدين دخلت المحاوره .. وقد كتبت عن الفرق بينهما ، مما استطعت جمعه.
لاهنت يالغالي
تحياتي الطيبة

[نسناس الهوى]

اسعدني استجوابك مع سؤالي : )

وبكلماتك الرائعه نختم هذه ( الرديّه ) لعلنا ان نصل ماوصلوه اهل الحجاز :d