ياليل قلي عن خطيات الإفلاس.............,

[صعبة المنال]

المشاركة الأصلية كتبت بواسطة عبدالعزيز بن عمار

السلام عليكم ورحمة الله وبركاته

مساكم / صبحكم الله بالخير والمسرات..

قصيدة وجدانية في أول إطلالة بينكم آمل أن ترتقي لمستوى الذوق الرفيع لديكم

وأن تحوز على رضاكم.....فيض ودي لكم...إليكم القصيدة..
.
.
.
.
.
.
.
.
.

الصبر طال وضاق بالصدر الأنفاس=والعين هلّت ما بقى من حزنها
والقلب من ردى حظوظه والاتعاس=يبكي بدموع دمّه اللّي سجنها
يا ليل قلي عن خطيّات الافلاس=وخبرني عن ذيك الضماير وعنها
ماكنت اظن ان المحبة لها قياس=ولا هقيت إني أبدفع ثمنها
و ماكنت اظن بعض البشر مابها احساس=ولا حسبت احساب ماضي زمنها
حطّيتهم بالعين وفي عالي الراس=واغليت ناس ٍ عقْب ماصرت منها
وعزّيتهم في كل الاحوال باحساس=صادق ومن طيبة تناثر علنها
إليا غشاهم من مشينات الادناس=وضاق الحشا بصدورهم من مشنها
أوجست فيهم علّتن مرّها حاس=خافي هموم ٍ بالضماير وطنها
واضيق إلى شفت الحزن فيهم الباس=وتصيب نفسي شقوتن مع محنها
واشدها واقول يانفس لا باس=قوّي عزوم القلب وهلّي مزنها
هلّي وفكّي ضيقهم واطردي الياس=وداوي جروح قلوبهم من وهنها
وفلّي نبات الطيب من نسل الألماس=نسل ٍ تغنّى بالمكارم لحنها
(إيه) والله اني ضايق الصدر محتاس=من لاهب ٍ يحرق خفوقي لسنها
كني كما نارن لهايبها بحباس=من كل صوب ٍ مالها..فرّ..عنها
والاّ كما طير ٍ على ريح نسناس=العين دونه كم صويب ٍ وزنها
ما يدري عن هاك المقانيص والناس=يوم انهم برماحهم صوّبنها
يونّ جرحه غبنتن بين الأنفاس=ونارن لضاها لجّت الروح منها
ويا طيّ قلبي طيّت الحر قرناس=حال الذّي عن غايته وابعدنها
حوّام مع صلفات الأرياح عسّاس=يبغى المرام اللي لعينه ضمنها
ويا جرّ قلبي جرّ سيلن للإغراس=يجرها بعروقها مع غصنها
على هنوف ٍ ناعس الطرف ميّاس=الفاتن اللي نور عيني فتنها
نجلا العيون اللي لها الرمش حرّاس=ورموش عين ٍ كحلها جملّنها
والوجنتين اللي كما الورد غرّاس=إليا استحت زاد الخجل في حسنها
يا فرحة ٍ صارت بالاقدام تنداس=والضيم مع..مرّ..الليالي سقنها
حاطوا عليه وغيّبوا نور الاشماس=حسبي على جرح ٍ يسبب حزنها
وحسبي على الذّي تسبب بالاتعاس=عذّالها اللي من حياتي خذنها
لا واعذاب القلب من أقرب الناس=حسبي عليهم يومهم يجرحنها
القلب ينزف والمعاليق يبّاس=والدمع فوق أوجانها سال منها
واللّي طوى خلّي طواني بمقياس=واللي سقاه ..المر.. روحي غبنها
خاب الرجا واصبحت في ليل الادماس=أسري مع الهوجاس واذكر زمنها
يوم الليالي والهوى كان نبراس=واليوم غابت واختفى النور عنها
ويوم الغضي يرسل لنا الشوق باحساس=صدق المشاعر والغلا ورّدنها
واليوم كلّن مع خليله طوى الياس=طيّت سنين العمر لامن طونها
وصلات ربي كل ماهب نسناس=على النبي وعدّ غيم ومزنها

عبدالعزيز بن سعد بن عمار

صح لسانك وفكرك
قصيدة مع طولها جميلة

تقبل مرورى

صعبة المنال

[سناعيس]

صح لسانك يابن عمار

والله لايهينك على هذه الرائعه


تحياتي

[فيصل]

صح لسانك شاعرنا المبدع
و لا هنت

[ســُلاف]

(إيه) والله اني ضايق الصـدر محتـاس
مـن لاهـب ٍ يحـرق خفوقـي لسنهـا
كنـي كمـا نـارن لهايبهـا بحـبـاس
مـن كـل صـوب ٍ مالها..فرّ..عنـهـا

الله يبعد عنك الضيقة ويريح بالك
حياك الله ياعبدالعزيز بن عمار
وصح لسانك

[المؤمن]

صح لسانك وقلبك مليوووون

ولا يكفوووون

الله يعطيك العافيه

في إنتظار المزيد من إبداع قلمك

تحيتي لك

[عبدالعزيز العمار]

المشاركة الأصلية كتبت بواسطة منصور المري

بن عمار
صح السانك
جزلة من جزل
لاعدمناك يالغالي
ولاهنت وشكرا لك

منصور المري ..

صح الله بدنك ولاتهون يالغالي..

شاكر لمرورك هنا ..

مودتي لك..

[عبدالعزيز العمار]

المشاركة الأصلية كتبت بواسطة مبروك بن ماضي

الاخ الفاضل الشاعر / عبدالعزيز بن عمار
لله درك من شاعر متمكن
لطالما أستمتعنا بجمال حرفك وروعة أسلوبك
دامت شاعريتك بهذا الابداع وهذة الجزاله
سجل اعجابي وتفضل بقبول تحياتي
أخوك / بن مـــــــــاضي

مبروك بن ماضي..

لا خلااا ولا عدم يالغالي..

تشرفت بمرورك هنا وبكلامك الراقي يالقرم..

لاهنت ولا هان غاليك ومغليك ..

مودتي لك

...

[عبدالعزيز العمار]

المشاركة الأصلية كتبت بواسطة شعيل الزلامي

صح لسانك يابن عمار

شعيل الزلامي صح بدنك..

وحياك ربي..

[عبدالعزيز العمار]

المشاركة الأصلية كتبت بواسطة الخنساء

الصبر طال وضـاق بالصـدر الأنفـاس
والعين هلّـت مـا بقـى مـن حزنهـا
والقلب مـن ردى حظوظـه والاتعـاس
يبكـي بدمـوع دمّـه اللّـي سجنـهـا
يا ليـل قلـي عـن خطيّـات الافـلاس
وخبرني عـن ذيـك الضمايـر وعنهـا
ماكنت اظـن ان المحبـة لهـا قيـاس
ولا هقـيـت إنــي أبـدفـع ثمنـهـا



صح لسانك اخي الشاعر عبد العزيز

لاهان راسك قصيدة رائعة

سلمت وسلم شعرك

دمت بخير

الخنساء ..

صح الله بدنك وكلك يالغلا..

ربي يسلمك من كل شر وشاكر لمرورك وتشريفك..

مودتي لك ِ

[عبدالعزيز العمار]

المشاركة الأصلية كتبت بواسطة سهيل الشمري

رحم الله اللي عقبوك

ياعنك ان هذا العر والا فلا

تحياتي لفكرك

اللهم آمين ... ورحم الله والدينا ووالديك...

سهيل الشمري ...

ياهلابك وهلا بقلمك الراقي...

شاكر لمرورك وتشريفك..

مودتي لك..