اكمل الأبيات التاليه

[الطائر المهاجر]

الظاهر انه ساحرك ما كو فايده
نبي ندور من يقرا عليك ويفك السحر

[داعي الشوق]

المشاركة الأصلية كتبت بواسطة الطائر المهاجر

رحت للحليله ادور لي رفيق= خابره رجل من عز الرجال
يوم جيته واشوفه حس ضيق= قلت وش يك لاتنشد بحال
صاحبي الطامي احسب انه صديق= واثره الماخوذ يخلف بالمقال
قال ابرسل لك هديه بالطريق= كيسة فيها نصف ارنب ريال
ويوم وصلت واثرها مقلب حقيق= جلود قطاوه مع بعر بعض الجمال

هههههههههههههههه طلع قازك الطامي

مايعرف لك الا هو

[الطامي]

ههههههههههههههههههههه
الله يسعدكم جميع
ويجمعكم على المحبة والعز والمعزه
اسعدتونا بهالمداعبات اللطيفه

[الطائر المهاجر]

من يصادق واحدٍ جدته جنيه = مخطر ما يجد نفسه مخاوي جني
انتبه يامنيع فهرجتي جديه = كان تبغى السلامه فاستمع مني
لابد ارسل لك مويةٍ مقريه= تبعد السحر والجن وتعيش متهني
وان تبي داعي يجيك لو رجليه= عليك يقرا لو مشى متعني

[الطامي]

المشاركة الأصلية كتبت بواسطة الطائر المهاجر

من يصادق واحدٍ جدته جنيه = مخطر ما يجد نفسه مخاوي جني
انتبه يامنيع فهرجتي جديه = كان تبغى السلامه فاستمع مني
لابد ارسل لك مويةٍ مقريه= تبعد السحر والجن وتعيش متهني
وان تبي داعي يجيك لو رجليه= عليك يقرا لو مشى متعني

هههههههههههههههههههههههه
ماتتوب ياعوووود

ماخبرنا الناس تصدق ناصح الدبيه = من يشوف كوي راسه مارقد متهني
خايف يحلم بزوله ضاوي او صبحيه = والعرب كلً يقول امقيط وانزح مني
ليت كلً مثل منيع ديانته شرعيه = قاري ٍ سورة تبارك ومهتني ومغنَي
ولا يؤمن بالكلام اللي يقال هنيه = الخطر منه عليك بكية ويثنَي
وان زهمني جيت فازع ثم جددنا الكيه = قالو اخر الطب كيه وانتبه ياهنَي

[الطائر المهاجر]

منيع والطامي خيار المناعير = لولا انهم في بعض الاحيان يخطون
على عويد منتف كنه الطير = بهجوم كاسح دايمٍ به يشنون
العود ماقال بهرج فيه تزوير= القول للطامي ولا هوب مغبون
جدته جنيه كلامه قبل عصير= ماهو كلام العود نص ومضمون

[منيع]

ياشيبة الرحمن مافيك تقصير=تضربنا وتبكي مثل ما يقولون
ياشيخ بعض أحيان اشوفك الزير=وحيان تخلف ظن ناس يظنون
ومن طق باب الغير يلقى مسايير=قالو هل الامثال وانتم تعرفون
والطامي معروف وفاهم ونحرير=عنده جواب لك على ماتحبون

[بنت النور]

صح السنتكم ياشعراء القطاحله

لاهنتو

[بنت النور]

الإبيات قصائدوقايل الإبيات شاعر = يبحر بفكره وعالمه والورقه والقلم

اما جمع لولوً مغلف ابيات واشعار= والامن الشعرما جمـع له غيراقلم

ولا جـمع حروف وابيات وافكار = هذي وذيك وزانــت احــلى ببتسام

في واحة خضراءبها خضاروازهار= الطائرالمهاجربـ الحروف والقلم

[الطامي]

المشاركة الأصلية كتبت بواسطة الطائر المهاجر

منيع والطامي خيار المناعير = لولا انهم في بعض الاحيان يخطون
على عويد منتف كنه الطير = بهجوم كاسح دايمٍ به يشنون
العود ماقال بهرج فيه تزوير= القول للطامي ولا هوب مغبون
جدته جنيه كلامه قبل عصير= ماهو كلام العود نص ومضمون

ههههههههههههههههههههههه
اضحك الله سنك كما اضحكتني
والله يسعدك دنيا وأخره والمتابعين يادكتور

الحمد لله اعترف وانثنى مير = لازال به عرق يبي سير مدهون
يذبح ويمشي بالجنازه ماهو بخير = وهو السبب ياللي علينا تلدون
نبغي اثبات الجن ماهو بتبرير= انسي ومن جني كبيره ولا تهون
دكتور صحة نفس اقول مايصير = الا يوافق بالبشر جن مجنون
ويفزع ببنت النور وتثور وتنير = يبغي يكحلها عماها ابو سنون
ياطيب قلبه دايم بقلبه الخير = وياطيب قلب اللي يجاريه بفنون