اشهد ان الرجال اصناف

[منيع]

صورت الحقيقه
شكرا لك
تحياتي

[الطامي]

الطائر المهاجر
وفيت وكفيت
صح السانك استاذي العزيز
وفعلا الرجال ماهم سواء كالأصابع في اليد
لافض فوك ولاهنت
شكرا لك

[عدنان كريزم]

دكتورنا



فديت هالحرف الدافي

صح لسانك ولا هنت يالغلا

[عبدالعزيز ابراهيم المنصور]

كَلِمَات رَائِعَة

ونَصّ يَحكيّ عَنْ أشيَاء تَدورُ

فِي مُجْتَمعِنَا .. ومَا يَحْدثُ فِيه

أشَكُرُكَ عَلَى هَذا البَوح

دُمْتَ بِخَير

[عبدالله الشويمان]

المشاركة الأصلية كتبت بواسطة الطائر المهاجر

مثلما اوضحت وجة نظري في بعض النساء ، ورغم اني اوضحت وجهة نظري حيال بعض الرجال في الكثير من قصائدي ، فقد رأيت تخصيص قصيدة مستقلة تكون مشابهة
لقصيدتي في بعض النساء

من خلال هذه الكيبورديه ....

اشهد ان الرجال اصناف يالسامعين= ومخطيٍ من يظن الرجل من مظهره
بعضهم لو تشوفه يعجب الحاضرين= ولو سمعته تحسب القرب له مفخره
ولا تبعته لقيته مخفيٍ للدفين = بايع الهرج حصني فـ المشي ما امكره
لو يتفتف ويرخي لحيته فاللعين = داخله غيّ للي قادرٍ يسبره
كل همه يبي الدنيا مع الطامعين = وما تفكّر بأخرى غافلٍ ما احقره
ماخذ الدين ستره يخدع الغافلين = مثل هذا خطيرٍ فانتبه واحذره
وبعضهم لاسمعته قلت هذا فطين= مستقلٍ بفكره واضحٍ مخبره
ثم تلقاه طبلٍ في يد الماكرين= او مهفّه وكلٍ هفّ به بايسره
مثل هذا فلا تامنه ماله ضمين = لو معك يوم يقلب لا لقى المقدره
والبعض بالوقاحه كاشفٍ للكنين= يفتخر بانحرافه ولّ ما اقذره
همه اعجاب من قلبه خضر كالغصين = ولو تمادى بغيّه ناسي المقبره
ودك انه يسطر لين يحلف يمين= ما يشيع الفواحش سرّ ولاّ جهره
والبعض لا سمعته قلت هذا يقين= فيه كل الرجوله شهم ما اظفره
ولا انكشف لك ذليل وحانيٍ للجبين= ولو ببيته شجاع وتحسبه عنتره
عقله اللي تخلف نفّر الأقربين= فالمره تشتكي من قسوته ما اجبره
وخارج البيت يدعس ماسمع له ونين= ولا تحداه قطوٍ فر كالقسوره
بالمره رفق قاله افضل المرسلين = ومن تشيجع عليها ثور ما اثوره
والبعض مثل طفلٍ ما نفطم من سنين= غرشته دوم جنبه والشرب خدره
مهمل البيت مع شلته والشاربين= ولو طمر قرد في بيته فلا اظهره
يخرب البيت واللي فيه لوهو حصين= والرجل مقلعٍ ماحس كشف دبره
مهما احصي فلا اقدر احصي الخايبن= في زمان الرجل لاهو برجل او مره
ومهما احصي فلا اقدر احصي الطيبين= من رجال المبادي بالفعل مفخره

صح السانك يا ابو عبدالله

كثر من الكيبورديات.

لا هنت لا هنت

[ناصر عبيد الهواوي]

ما اجمل الشعر يصدر في خطاب مبين تفهمه لك رصيد وتكتبه مفخرة
ابدعه عقل حي وصوغ رجل ذهين من تجارب وخكمة ما اكبره ما اكبرة

صح لسانك يابو عبد الله

[ابو أنس]

الفاضل ابو عبدالله..... .........
هذي حميدانيه في نهجها وموضوعها ومحتواها
جميلة بجمال شاعريتك ونابضة بنبض حسك
ومتوهجة بوهج ويريق كلماتك.

لك كل الشكر ووافر التقدير

[حي الضمير]

ومهما احصي فلا اقدر احصي الطيبين
من رجال المبـادي بالفعـل مفخـره
بوجودك يابوعبدالله وبوجود الطيبين امثالك يبقى للحياة طعم ونتفائل بأن الطيبين كثر
في اي مكان جامع لبني البشر

ومدد صح لساااااااانك وفكرك ياشاعر الاجتماعيات

[الصريح العتيبي]

الطائر المهاجـــــــــــر

رائع كما عهدتــــك
ابداع يتجدد مع تقدم الســـــن
بارك الله لك في فكرك ويراعـــــــك
دمت مبدعاّ

[عبدالله راشد الثويني]

عز الله إنك صدقت يابو عبدالله
ياكثر الانذال
وبنفس الوقت
مكثر الطيبين


ابيات .. أعتبرها دروس يجب الإستفاده منها
مليئه با الحكم والنصح وتسليط الاضواء على من يكتسي قناع الرجوله
رجوله لكن با الاسم فقط

كل الشكر أستاذي طامعين بجديدك

تقبل وُدي