أبوأنس/الشرقي .. والقوافي المشبوهة !!

[يزيد النمي]

الله الله الله
ياسلام عليكم
ما شاء الله
صح لسانك يالشريف الشرقي وصح لسانك يابو أنس

[ابو زياد]

الله عليكم كل هذا في اشتات عزالله ان افياء رايحتن فيها----واحد فاهم الطبخة

الشريف الشرقي وابو انس

ثنائي محترف اذا لعبوا مع بعض يضمنون الفوز

ياسلام عليكم

[الجارح]

صحت السنكم
شعراء كبار .......

ايه نبي مثل هالشعر

يعطيكم العافيه ...

[الشريف الشرّقي]

أم فيصل / حياكِ الله وشكرا لكِ .
________________
عبد الله ابن سعود / الممتع حقا مرورك ..شكرا كثيرا .
________________
يزيد النمي / وعليكم السلام ..حيهلا بالحبيب .
________________
أبوزياد / والله إنك لفحل ممسوح الغرة
_______________
الجارح / ياهلا بالجارح .. بس لا تبالغ

[ابو أنس]

أقسم بربي أعرف ان أنت تقدر=على القوافي ما اتحداك واركض
بس ان لي متعه على الكر والفر=مع خيّرن ياطيب حظي الى انهض
القى المعاني في بيوتن تسطر=والقى الطرفه والبها يوم تعرض
وابي بها زود التواصل مع الحر=الطيب الشرقي له القلب ينبض
خلف المعرّف له دليل(ن) معبّر=وعنوانه الإبداع بالطول والعرض
ياللي قريت القول مانيب مغتر=والراي زبده جابها ناتج الخض

وسلامتك والقراء

[الشريف الشرّقي]

هذا شعر ؟ ولا جلكسي وسكر = من صاحبٍ قلبه كما الثلج الأبيض
يابو أنس في ذمتي حيل تشكر = خليت حرفي بعد مامات ينبض
صم الرمك تعرفك يا الحر الاشقر = ماظني لغيرك على القاع تركض
وشلون صغت الحرف ياناظم الدر = وأنا لي أربع ما غشى عيني الغمض
الابجدية "كوم".. طب وتخير = يعني مسكت ياخوي تكتب على "اض"!!

غير القافية الله يزوجك

[ابو أنس]

لاجل العيون الغاليه ابدع القاف=واقول له تحيتي واحترامي
ياعلها عن الخطا دوم تنساف=متوجهه لم العلوم الغنامي
تقرا بها في الليل طه والاعراف=ومعطرن يومك قبل ماتنامي
والى اصبحت تسعى بها سعي عراف=يم المكارم والقروم الحشامي
ياصاحبي مالي بتكثير الأحلاف=ولا نيب كاذب في الهروج وكلامي
لك في ضميري منزل(ن) صعب ينشاف=وما يدركه شخص(ن) غرير(ن) هلامي
الى قريت اسمك يجي القلب خفاف=ومعك يزين الشعر لوهو خصامي

مـاشــاء الله ... تـبـاركَـ الله ..





هــنـيـئـاً .. لـنـا .. بـكـمــا ..


ولا زلــت ..


أطمــحُ .. بـ الـ مـزيـــد ...


لـذا .. سـ .. أسـتـقـــر .. هـنــا ..

[الشريف الشرّقي]

القاف !! مايعتاز ياسيد القاف = ارخى لكم راسه وجاك متعامي
لوكان "نقدي" صرت له خوش صراف = ولا صار وحشي ..بين اياديك نامي
أنت البحر .. واخوك يادوب مغراف = توه على الرحراح ماقط عامي
وياسيدي بنخاك من بد الاشراف = بنخاك يافرخ الحرار القطامي
اشكي عليكم واحدٍ مابعد خاف = لا خاف من ربه ولا من كلامي
حتى خياله لو خاطري طاف = يصد عني مايرد السلامي
وينه -كفيت العوق - ماعاد ينشاف = ياويل قلبي .. هو خذاه الحرامي ؟!!

[ابو أنس]

ارفق عليه وانتبه ياابيض الوجه= تراي ادربي دمجتي في الحجاوي
خيلي ضعيف(ن) في الحجاوي ولااسرجه=اخاف يوردني لدرب المهاوي
واظن ظن(ن) مااقدر ابعده واخرجه=وتروح بي واياه كثر الهقاوي
وان كان تقصد صاحب(ن) صدقه احرجه=ثم(ن) تلكع له لكيع(ن) وقاوي
لينه طفا نوره ولا عاد واسرجه=فانا شريكك والسؤال متساوي
بس اتلمس منهجه واطلب حججه=واتعبت عيني واتعبتني الخطاوي
وان تقصد من خذا القلب واخلجه=مثل الخلوج اللي تجر الشكاوي
فذا ترى ما احلا مقاديه وعوجه=لو انصحك جبت الحجج والحجاوي
حتّى تقنعني وانا اضحك ولا احرجه=ثم اوعده باحضار ما كان ناوي

كيبوردية كسابقتها فمنك العذر ومثلك خلقه خلق الكرماء