اسواق حجاب

[منيع]

ياسلام عليك
ابيات رائعه وموقف لاتحسد عليها
تحياتي

[الطامي]

عى بن عمار
صح بدنك
نعم اخي توووووبه هههههههههه
شكرا لمرورك وتعليقك
ولاهنت اخي

[الطامي]

منيع
صح بدنك
وشكرا لمرورك وتعليقك
لاهنت

[عمر ال شيبي]

المشاركة الأصلية كتبت بواسطة الطامي

مريت على مدينة الرياض لعمل ما ومررت هناك على سوق حجاب بحي النسيم الغربي
وحصل لي ماتتابعونه بهذا القصيده عسى ان تنال اعجابكم :-

جيت سوق حجاب قضّاي حاجاتـي=شفت من يشبه عشيري قدم عيني
الشبـه فـي عينهـا والتلفـاتـي=والمزايا اللـي تحـرك شياطينـي
فز قلبي لشوفتـه بـس بسكاتـي=والتحضني شايـفٍ غيـرةٍ فينـي
التفت لي وقـال ياهيـه يمواتـي=الشبه واجـد علامـك تراعينـي
انتبهـت وقلـت ياكثـر غلطاتـي=السموحه احسـب انـك تحاكينـي
بان في ضحك المحاجر من اسواتي=واردفه عزي لحالك مـن الشينـي
جاء يغادر قلت له صبـر ياغاتـي=ودي اتكـلـم بــس بثنتيـنـي
قال عجِل قل قبـل العـرب تاتـي=وانتبه مـن قولـة مولـع فينـي
قلت لاتفهم غلط واسمـع احكاتـي=لي حكايه واخذها ياريش العينـي
الاوله تشبه لمنهـو سكـنٍ ذاتـي=فرحتي في شوفته بقضي الدينـي
ثم الاخرى منـك ياكثـر لوعاتـي=بالشبه حبك سرى فـي شرايينـي
ياعسل ياغنـد ياكيـك مشهاتـي=ارحميني مـن سوايـاش تكفينـي
منش همي ومنش عوقي مع نجاتي=ياشبيـه الزبـد والا العراجيـنـي
ارحم العالم مـن لبسـك للعباتـي=لاتخصرهـا تشقِيهـم وتشقينـي
عزتـي للـي مولـع بالبنـاتـي=كان جاله ماحصـل لـي وياتينـي
لاسقى الله جيتي السـوق يااااباتـي=توبـةٍ مـن جيتـه يامسلميـنـي

الله عليك

ما اجمل الروح فيك

صح لسانك لا هنت ابد

[الخنساء]

صح لسانك مليون ولايكفون
قصيدة جزلة من شاعر متمكن

سلمت ودام حرفك

[عبدالعزيز العمار]

جاء يغادر قلت له صبـر ياغاتـي

ودي اتكـلـم بــس بثنتيـنـي

صح لسانك يالطامي

جزل ماتجيب الا الجزل

تحياتي

[حوريه]

قصيده رائعه وجزله
صح لسانك يالطامي
ودام حرفك
تقديري لك

[الطامي]

الشيبي
صح بدنك
وشكرا لمرورك
لاهنت اخي

[الطامي]

ع بن عمار
صح بدنك
وشكرا لمرورك
لاهنت

[الطامي]

الخنساء
صح بدنكي
وشكرا لمروركي
ولاهنتي اختي