ابيات لاتغيب عن ذاكرتك

هنا نريد من كل واحد يذكر الأبيات الي ناشبة في لسانه دايم يرددها وليست من قوله

وأبدأ بنفسي:

ياملتهي بغيري من الناس غلطان=ماني لاهل الوجهين سمح وراضي
ماترتوي عينك بك الجوف عطشان=دامك تعيش بوقت لاهي وفاضي
يكفيني ابعادك من القلب حقران=خلاص مايلزم حتى اعتراضي
قلبي فلا اذله ولاظني ينهان=بوقف معك باقي العطا باحتفاضي

وأيضاً

ياحبينلك دون كل المخاليق=يالي تساوي كل شي بحياتي
لي شفت زولك ينجلي عني الضيق=وان غبت عن عيني تزيد عبراتي
دايم عيوني من فراقك غواليق=طلعتك ترسم بسمتي في شفاتي
الحب مفتاح القفول المغاليق=حبك دواي وفرحتي ياغناتي

وأيضاً

رعش قلبي سحر عينك=وانا ماقدر على الكتمان
ذكرت الله على زينك=يحفظك من حسد الاعيان

وأيضاً

ترى عيني رأت حلوين=ومثلك فالبشر نادر
في غاية روعة التكوين=هنيالك لها قادر

وأيضاً

إلى مني تخطيتك=ترى قلبي يسمي لك
وإلى مني تعديتك=لولا الخوف انادي لك

وأيضا

من جروح الوقت يكفينا جروح=عظم الله جرح قلبي والسلام
قلت لك بروح لكن وين اروح=والطريق الي بيبعدني حطام
من سرى بالليل ابرق له سروح=بالنهار عيون وبالليل الغمام
جيت وكلي حب مفعم بالوضوح=والفعول اوضح من شروح الكلام

والله صراحه مافيه شيء محدد
اصلن اقرا القصيد وانساها من وقتها خخخخخخخخخخ
احب اقراء قصايد بس احفظ واردد لا !!!ا يادوب اردد دروسي وليته ترديد صح خخخخخ
بس على العموم مشكور على الموضوع الحلو وانشاء الله راح تلقى فيه تفاعل من الجميع

مشاءالله عليك ياذيب

كل القصايد هذي ناشبه في لسانك...اجل اللي ناشبه في عقلك كم؟؟

اما انا القصيده اللي على طول ارددها لها داعي ولا مالها داعي

	الموت حق كل نفس بتذوقه..........مير البلا من ذاق موته ولا مات

و يعطيك الف عافية على الموضوع الجميل

[أم ريما]

فكره حلوه

مشكور اخوي ذيب

يعطيك العافيه لي رجعه للموضوع

تحياتي لك

[وجدان القلوب]

حلوه مره
وماشاااااااااااااااااااااااااا اااااااااااااااااااااااااااااا ااااااااااااااااااااااااااء الله عليك
وأتمنى أكون من اللي كلامهم أكثره أبيات شعر أوحكم أو أمثال

بس أنا يادوب أحفظ نصف شطر
<<<<<<<<<<وحده تبالغ
وكمان أنا من النوع اللي أكتب خواطر أو أبيات شعر (على قدي طبعا) وبعدين أشق الورقه وأرميها
ماأحتفظ فيها بس عندي رغبه كبيره إني أكتب بس ماأدري اشلون أنميها عندي مثل المشرف ماشاء الله عليه.

[الخنساء]

شكرا الفاضل ذيب الفكرة حلوة لكن الان لدي
حياتي كلها صبر وجلادة
وغير عايش عيشة سعادة
وايضا
كفاني عذاب الله يجازيك بحسانه
جرحت الضمير وماطرالك تدوايني
تحياتي

[الريم]

فكره حلوواا ذيب واما ان فا ماردد ابيات شعر كثيير

[الغريب]

ابشر بسعدك ياذيب.........

الله كلكم سواليف مافيه أبيات
==============================
عهود عطينا لوبيت
==============================
احلام الخيال بيتك هذا غناها بدر الغريب
تبيني أجيب لك الأبيات كاملة بس لا خليك تروحين تدورينها
=============================

أم فيصل الحلو مرورك الكريم باالموضوع
============================
وجدان الرغبه في الشيء تولد العزيمة على تعلمه مادمتي تملكين الرغبة ستملكين العزيمة وصدقيني ذيب ذا الي قدامك مافي شيء ماتعلمه موب مدح بنفسي لكن تشجيع لك وش يمر في خيالك تراني تعلمته أشياء ماتتوقعينها وإذا تعلمتها شفت أن كان مامنها فايدة رميتها فيها فايدة بقيتها
============================

الله يا ماما خنساء عزالله أنك جبتيها بيت محمد الاحمد السديري الي أوله حياتي كلها صبر وجلادة عزالله أن ذا ناشب في لساني وحلقي بعد خخخخخخخخخخخخخخخ بس كفيتي ووفيتي يالشيخة
===========================
الريم ولو المفروض أنتي تكونين ترددين أبيات كثيرة >>>>>>>لأنك تحبين الشعر خخخخخخخخخ
===========================
غريب أنا أشهد أنك ذيب زي ماعودتني دايم رجال مقدام وفزاع بيض الله وجهك باقي صياف يجي يعطينا أبيات انجليزي ناشبة في لسانه خخخخخخخخخخخخخ
===========================

تحياتي للجميع

ماراح تحس فيني لين توقف على قبري
وتقول هذا اللي بالأمس كان يموت فيني


من يشتري قلب همومه ملايين
ويبيعني قلب من الهم خالي



البارحة بس كنك واحد ثاني
البارحة بس كنك طحت من عيني





كل لحظة لاذكرته ضاقت الدنيا علي
أشهد اني صرت مبلي وين ربي به بلاني
قلت كنك في غيابك داري وش صار بيه
في غيابك جاء محلك عاشق غيرك هواني
قال والله قلت والله لأخذ بثأري وزيه
لجرحك جرح تموت ويذكره قاصي وداني


وسلامتكم