ياليت لخبول الاوادم وزاره

[النهج المختلف]

فواز الغسلان صح السانك ,, ,,

قصيدة جزلة من شاعر جزل ومتمكن ,, ,,

الله يعطيك العافية على هذا الإبداع الجميل ورائع ,, ,,

تحياتي وتقديري ,, ,,

[همس الورد]

شاعرنا فواز الغسلان


صح لسانك


و بيض الله وجهك


تسلم اخي الكريم

[هاجس نجد]

المشاركة الأصلية كتبت بواسطة فواز الغسلان

يـالـيـــت لـخـــبـــول الاوادم وزاره=ترسل لـتـوضيـح الحـقايـق مـناديب
لاجـل الذي غـادر مدارج مطـاره=من قبل لايـجـري صيانه وتـوضـيب
يـمـلـخ يـظـن الـطـيـب مـزة زقـاره=والـمـرجـلـه تـاتـي بـفـتـل الاشانـيب
والنمـل جـنـحــانـه سـبـايـب دمـاره=والعـين له طـب ومنـاظر وتشطيب
والـنـار تـبـدى والسبـايـب شـراره=وان ماطفـت ترمي بـزود اللواهيب
والـغـرب شـادوا بـالـثــريـا حـضاره=وحـطـوا بلـهـجـات المـخاليق تعريب
وخلوا دقـيـق السلـك ينقل حراره=وصار الهواء يـنـقـل علوم ومكاتـيب
وحـطـوا مواتـرنـا بـحـوض وغـمـاره=والـمـاء يـدوج بلا فـضاوه وتسريب
وبالليل يـمـشـي بالـبـضـايـع قـطـاره=وسـط السهال الـنـايـدات المجاديب
وصاروخهم يـقـصـف بـثـقل ومهاره=وهو بالسماء يـمـشـي بلـيــا مقاضيب
وحـطــوا قـمــر يـمشي ويتبع مداره=ولايشتعل جـسـمـه بنار المشاهيب
وشادوا على بعض الكواكب منـاره=وصاغوا على الذره مجاهر وتخـصيب
تـفـرض عـلـى كـل الخـلايـق قـراره=ويلقون وسط الناس قيـمه وتوجيب
بكـفــوفـهــم حــازوا مـقــام الـصداره=ومـنـدوبـهـم يشبه طيور الـمـراقيب
وحــنـــا سـوالـفـــنــا حــلــوم وعـيــاره=وكل بـأبـن عـمـه يصـوغ الشواذيب
صـغـــيــرنــا يـتـــبــــع عـواجــة كــبـــاره=وهذاك شيخ وذاك ولد الحـطاطيب
نفخر بفعل اللي غزى بيت جاره=والشغل في كسب المعيشه غدى عيب
وماكنت اظن السرق يصبح شطاره=والشغل يـمـسي من كبار العذاريب
ويـتـيـمـنــا يـشـكــي غـبــون ومـراره=والجـوع فــي جـوفـه رمـاح وكلاليب
يـقـضـب علـى بـاب الجـمـاعه خفاره=ولا له سوى رب البشر عـالم الغيب
وهـذا شـكـى عـمــه يـعــدل جـداره=وهـذا ضـرب خـاله بشـين المضاريب
وهذا رمـى الـغـافـل بكـذب ودعاره=يكذب ولايلـقـى من الناس تكـذيب
وهـذا ولــد رجـــل حـــلالــه حــمــاره=وهــذا ولــد رجــل يـحـوز المـنـاجيب
وحـنــا نـعـيـش الـعـمـر داخل مغاره=وافـخـارنـا بـفـعـول جـسـاس وكلـيب
نـفـخــر بــنــاس مـا تـبـعـــنــا مـسـاره=وصـرنـا نـخــالـفـهــم بـكــل الـمـشاريب
ودام الـعـقـــول الـيـوم هـذا شـعــاره=تـنـبــح وقـطـعان الـغـنم شـاله الذيب
لاترتـجـي وقـت الـحـرايـب جـســاره=ولا تـامـن الجـيران مسك العراقـيب
ونبقى عـلـى هون الدهر مـع غـباره=دام الندى يخزي وطبع الردى طيب
والـطـيـب لـلـــي فـــاتــح بــاب داره=ويـمـشـي بـدرب الـمرجله والمواجيب
في مـجـلـس يـجـمــع روايــح بـهـاره=عـنــد الــدلال الـمـتـعـبــات الـمحاديب
ولا حـط زيـجــات الـعــذارى تجـاره=يـبـي الـمـرابـح فـي مـهـور الرعـابـيب
هـرجــه يـجـيـبــه بـاحــتـــرام ووقـاره=ولا جـرجــر ربـوعـه بكـثـر المطـاليب
ولاقــاد لاطــراف الاجــاويــد غــاره=يـذبـح ويـصـلـخ لاجل عين المناصيب
ويـضـحـك بـمن يكسب بجهد وجداره=تـحت الغروس اليانـعات المراطيب
الـصـبــح يـركــض لـيـن يـقــفــي نـهاره=ويقـضي سواد الليل وسط المحاريب
هـذا الـــذي لامـــات مـوتــــه خـســاره=مثل الـنـجــوم الـغـايـبــات الـمغاريب
رجـل حــذف بـأول حـيـــاتــه جـمــاره=واقـفـى وخـلاها وهـو طـاهر الجيب

الشاعر الكبير / فواز الغسلان

صح لسانك عن كل بيت مليون

قصيدة من أولها لآخرها إبداع في إبداع

لا تأتي إلا من شاعر فكره ناضج وعقله كبير

وتجربته أكبر من عمره

أتيت بالقديم المجيد ومزجته بالجديد بإسلوب

سلس ومفيد لا يسطيع على نسجه إلا شاعر

يملك من قوة الشعر كما يملكه الشاعر الكبير والكبير جداً

( فواز الغسلان )

فلله درك من شاعر وأكثر الله من أمثالك

أنا في نظري أشوف القصيدة تستحق المزيد والمزيد من الردود

حتى تستوفي ولوبعض مما تستحق

تقبل إعجابي وتقديري لشخصك الكريم

أخـــــوك

سعـد بن عبــد الله العبيــد

هاجس }{ نجــــد

[حوريه]

فواز الغسلان
شاعرنا الراائع والمتميز
صح لسانك ملاييييييين
قصيده راائعه.........
دمت ودااام عزك

[الطائر المهاجر]

صح لسانك ولا هان راسك
مدد بلا عدد
دمت كماانت مبدعا
تحيتي الطيبة

[حي الضمير]

ياسلالالالالام شاعرنا الكبير فواز الغسلان
ابدعت حيل بارك الله فيك
وعوايدك يانجم
ومدد صح لسااااااااااانك وفكرك

[فواز الغسلان]

المشاركة الأصلية كتبت بواسطة الخنساء

يالـيـت لـخـبـول الاوادم وزاره
ترسل لتوضيـح الحقايـق مناديـب
لاجل الذي غـادر مـدارج مطـاره
من قبل لايجري صيانـه وتوضيـب
يملخ يظـن الطيـب مـزة زقـاره
والمرجلـه تاتـي بفتـل الاشانيـب
والنمـل جنحانـه سبايـب دمـاره
والعين له طب ومناظـر وتشطيـب
والنـار تبـدى والسبايـب شـراره
وان ماطفت ترمي بـزود اللواهيـب
والغـرب شـادوا بالثريـا حضـاره
وحطوا بلهجات المخاليـق تعريـب
وخلوا دقيق السلـك ينقـل حـراره
وصار الهواء ينقل علـوم ومكاتيـب

صح لسانك مليون

لاهنت وانا اشهد انك صدقت

سلمت ودمت بخير

هلا وغلا الخنساء وكل الشكر والتقدير لك

تحياتي لك

[احمد الفارس]

صح لسانك وطيّب الله فالك ...

جزلة من رأس جزل

[ناصر عبيد الهواوي]

هذا هو الكلام اللي يكتب بماء الذهب لا بل بالذهب يالغسلان بارك الله فيك على الابداع

[سناعيس]

الله الله يافواز
صح لسانك ولله درك
دائما انت غير
جزل جزل بيض الله وجهك


تحياتي