اذا من الشعر ما ترجم الإحساس (بالصوت)

الله الله

مدرسة يابوعبدالله


وقصيدة فوووووووووق

صح قلبك وفكرك

وايضا مجاراة طيبة من الشاعر نايف

مودتي وتقديري

[مبارك أبوظهير]

العثمان ..



دائما لحضورك هيبته ..



صح قلبك انت والشاعر أبو نايف .. قصائد رائعه بالفعل ..



تحياتي وإعجابي .. وغلاااااااااااااي




مبارك . ن

[متعب]

صح لسانك يامشرفنا
لاهان راسك ياشيخنا
وتاج راسنا
تحياتي وتقديري

[ابراهيم عبدالحميد]

[move=up]

اذا من الشعر ما ترجم الاحساس وش لي بـه
واذا الشاعر تجاهل حسّ غيره ما يصير انسان
هموم الوقت تجبرنـا نوضّـح وش عذاريبـه
وليش الناس رغم القهر تستانس على النسيان
قصيد الحـب ملينـا ولـو نطـرب لاساليبـه
بعضنا صادقٍ بالبوح يكتب شعـره الحرمـان
وبعضنا صفصفة هرجٍ تعرفـه مـن تراكيبـه
يبي ينقال شاعر كود يلقـى مدحـة النسـوان
وقصيد المدح ياكثره ويكشـف عـن اكاذيبـه
نفاق وهلس في الغالب لتاجر يبغـي الاثمـان
ابي شاعر يقول الحق مـا يجهـل مواجيبـه
ولكن دوم في عقله ولو هـو بالقهـر مليـان
ولا يوجّه تهم لانسان مهما بـان مـن عيبـه
يلوم الوقت فالشيهان يفهـم شـارة الشيهـان
يوعّي الناس باخطار الزمان وسـر الاعيبـه
ويوقظ في النفوس الدين يشرح هجمة الصلبان
يصحّي من تورط في المخدر وانسـرق جيبـه
وعقله راح لا حـي ولاميـت يعيـش جنـان
يبيع العرض أو يسرق ولا يدري من صحيبـه
غدا عبد المخدر راضـخٍ لامـره بلاعصيـان
ينبّه بنت ما تدري بشبـاب صـاع والخيبـه
يطارد في بنات الناس طعمه يغري الجوعـان
واذا منه خلص منها رماهـا وتفقـد الهيبـه
تصير بضاعة للسوق أو تقضي العمر باحزان
ترى شعرٍ بلا اهداف ولـو أعجبـك ترتيبـه
مصيره سلّة الاهمال ولو مـن قالـه فلانـان



.



وقد قام الشاعرمحفوظ ابو نايف بمجاراة هذه القصيدة بقصيدته :
علومك يالمهاجـر مابهـا شـكٍ ولاريبـه
تبدّى في مطاليعك وتعزف طيّـب الألحـان
ترى سوق المعاني يالسنافي صعب ترتيبـه
كما سوق البضاعه كل واحد ينزل الميـدان
وكلاً ياوسيـع المعرفـه يعـرض مجاليبـه
احد يطلع منه كاسب واحد يطلع منه خسران
احد يهجو عواذيله واحـد يمـدح معازيبـه
واحد يبدي بها بين العرب في عالي المزبان
وانا مالوم ذيبـاً فالخـلا يرسـل مقانيبـه
بعد فرقا وليفه راح يشكي لوعة الحرمـان
جريح القلب يالطير المهاجر صعب تطبيبـه
ومن لام المولّع ياوسيع المعرفـه غلطـان
ولا لوم الطليب اللي يدافـع عـن مطاليبـه
وياقف دون حقّه ما يفرِّط فيه مهمـا كـان
وياطيب الذي يبعد عـن البهتـان والغيبـه
ويازن كل كلمه قبل ينطقها علـى الميـزان
.
ورديـــــــــــــت عــــلـــــيـــــه
.
هلا بالغالي اللـي يامـر القيفـان وتجيبـه
يطوعها على كيفه بلمسـة شاعـرٍ فنـان
اذا منك نزلت السوق تنقّى ماعرف طيبـه
وتترك كل ما دونه فبيع الطيـب بـلأوزان
وبيع الجح بالاكوام مـا تـدري عذاريبـه
بعض مشموس والآخر تلاقي اغلبه خربان
خسارة تشتري بالكوم دامك عارفٍ عيبـه
ولو معروض وملمّع فزود الشئ كالنقصـان
فانا همي بشعر كالذهب ما يخسر اصحيبـه
ثبات كالجبل طول الدهر ما يدفنـه نسيـان
واذا هو مدحٍ للمكسب فهو رمشٍ بتركيبـه
يغيّر بين حين وحين مثل مكياج بالاوجـان
واذا هو طعم من داشر لريمٍ ينوي ايصيبـه
فحرام آضيّع اوقاتي واشجّع حصني جوعان
ابي شعر الرجال اللي وضوحٍ في مطاليبـه
على اليمّه دروبه خادمٍ للنـاس والاوطـان

[/move]
****************************

الشاعر الكبير الطائر المهاجر

عزف رائع على اوتار قيثارتك
يشدوا بكلماتك الرائعه ومعانيها الراقيه
سلمت يداك ودمت لنا

[عبدالرحمن الصباح]

صح السانك وسلمت يمينك استاذي على هالقصيده الجزله دائما مبدع تقبل ودي وتقديري

[الحــ فهد ــربي]

الله الله يا أستاذي

صح لسانك وعلى شانك قصيده أكثر من رائعه ..

لاعدمنا بوحك الصادق ..

الحربي

[ماجد المهدي]

صح لسانكم يا اساتذتنا

وصدقتوا بكل حرف

!
!
!
( ولو اسمعت حياً ولكن لا حياة لمن تنادي)

ألا يا طائرن غادي يطيبنا ومن طيبه = صدق بوحن تغشانا تسنى ابريحة الريحان
لسانك صادق ابوحه ولا هو منك بغريبه = غدوا شعّارنا يفنوا مشاعرهم بلا أوزان
إذا قلت الغزل قالوا ترانا كلنا ذيبه = وإذا طالبتهم واعظ يوعي مسلمن سكران
ويعرض كل مشاكلنا على القرآن وحبيبه = يذكرنا بأشعاره بشرع الواحد الرحمن
ويلقي في مجامعنا وصايا نافعه اعجيبه = يفيد الناس بحكامه وكنه من نسل لقمان
تبعثر شملهم كنك ذكرت النار ولهيبه = وقالوا عنك اقوالن تصيّر خاطرك زعلان
ترى هذا الزمن صاير يتعْب الرأس ويشيبه = تحاول به تحاول به تداري فلاننا وعلان
تنادي للأسف محدن يلبي انداك ويجيبه = تصيح ابكل مجهودن وهم في أسفل الوديان
(ولو أسمعت حياً) هي مقوله دايم ارهيبه = قليلن من يجيبونك وهم في الشعر كالهتان

والمعذره على الأبيات التي لا تبلغ ما بلغتموه وإنما هي تعليق كيبوردي

أخووووووووك

مااجد المهدي

[منيع]

الشاعر ابن المجتمع واحساسه يترجم الواقع الذي يعيشه فئة من الناس وليس هناك من يحلق في هذاالمضمار مثل لطائرا لمهاجر
تحياتي

[ابومالك رسام]

صح لسانك جواب رائع وكذالك بدع رائع
تقديري لك دكتور ولمجهودك وابداعك
وهذا سلامي لك من القلب
تحيات ابومالك رسام

تبي الاحساس يامهاجر خذ علومن لي مهيبه = لقيت ان البشر شوفه ورى خشمه وبها بلشان
لقيت الصدق يزعلنا كأن العيب من عيبه = تصدق ناس تستعبد هنا بعض البشر نسيان
واذا ان قيل في مجلس اشوف فلان ياطيبه = تسابق جمع من ياصل يبيعه بابخس الاثمان
له اول يسجن بحرمه او بشعر ومواجيبه = يقوم يسلمه غربن وربط له عابد نيشان
يظن انه بها سيد وهو مولى تصاليبه = وعتب في سلمٍ يرقى حول شاف البشر حولان
ألا ياليته مخدر اعلق به عذرايبه = نسى عياله نسى كفة له فرغ بها ميزان
واوضح حكمه لربي قلم يرفع تكاليفه = ولكنه لهم مثبت شهاده بمجني له جان
بغروره يقلد لأمه وله امٍ في تناقيضه= تناسب نسبة مفارق غفل بتواضع وخذلان
ولو انه سأل عقله حديث اخر تزمانيه = لقى دور البطل منه توافق لسبب سيان
بها لازم هنا يعني شجرها ينطق بنيه = بها لازم أنا اشرك واكمل مسرح بالجان
تبي تزداد من صدقي تبي تفتش مخابيه = تعال نحّرج نمثل ينعتق اخوان
انا كل همها هذا وانا مرأوس من خيه = وتخيل حاصر الداخل مع الخارج رئيس كان