بعض الرجاجيل يبقى طفل ما يكبر(القاء)

[الخنساء]

المشاركة الأصلية كتبت بواسطة الطائر المهاجر

كيبورديه

بعض الرجاجيل يبقى طفل ما يكبر= عقله صغيرٍ ونزواته يقودنه
يخدعك في منطقه واللبس والمظهر= وتْقول هذا رجل ما ظنّتي منه
يمكن تثق به ويصبح صاحبٍ تفخر= انك عرفته وودك تقتبس فنه
فبعض الرجاجيل لا منه هرج يسحر= تاخذ بهرجه وما يظهره من كنه
يصور لك انه مهم وغاطس بابحر = من كثر شغله ويعرف انسه وجنه
اومر تدلل ولا يهمك فهو اخبر = ولو تطلب الشمس يعطيها بلا منه
ولا من بدا ينصحك في حكمته يبهر= دينٍ بعقلٍ وخبره ماهي لسنّه
ويمكن لأجله تخسْر رجال لك مذخر= ولا تنتبه لين ما افعاله يكشفنه
يخور لحظه ويكشف كل ما يستر= حتى انت صعبٍ تصدق ماروي عنه
ولا من تأملت وحطيته تحت مجهر= تلقاه سوسه شياطينه يعسفنه
ياطيّب القلب ليتك هالزمن تحذر= ما كل رجل تثق في قوله وظنه
لاتعطي الغير سرك يافتى تخسر= ولا يخدعك من يجيد العزف والرنه

صح لسانك مليون ولايكفون
قصيدة شامخة تجسد واقع الكثير
للاسف لاهنت
سلمت ودام فكرك وحرفك

[سعيد الصاعدي]

الاخ الفاضل / الطائر المهاجر
صح لسانك لاهنت
نص شعري رائع جداااااا
من شاعر متمكن
تسلم ويسلم فكرك يالغالي
تحياتي
أخــــوك
س / ص

[عدنان كريزم]

لاتعطي الغير سرك يافتـى تخسـر

ولا يخدعك من يجيد العزف والرنه

============================== ==========

جزل دائما وليس جديد

لا هنت

[الأموره]

صح لسانك مهاجرنا

مبدع دوما و ابدا

ربي يحفظك يا رب

و يحفظ لنا هالابداع

سلمت و سلم فكرك

الف شكر لك

دمت برعاية الخالق

[طلال سويعد]

كمت هي عادتك

غني بالمعاني

قصيده جزله

ورائعه

صح كلك ياغالي

[همس الورد]

صح لسانك مليون

و صح بدنك ابو عبد الله

قصيدة رائعة

من شاعر رائع

تحيتي و تقديري

[مبارك أبوظهير]

تصدّق بهرجه وما يظهره من كنه


الغالي .. الشايب



يسعد مساك ياغالي ..


وصح قلبك وفكرك .. قصيده في منتهى الروعه .. فكره ومضمون



بس ياغالي ..الشطر أعلااااااااه عيد النظر فيه ماكن به شي زايد



غلاااااااااي



م ن

[الطائر المهاجر]

هلا بك ابو نايف
صح لسانك
وملاحطة في محلها
فكلمة من زائده في هذه الصياغه
وبإعادة الصياغه
تاخذ بهرجه وما يظهره من كنه
يضبط
لاهنت
تحياتي

[ترانيم المطر]

شاعرنا الطائر المهاجر

كلمة صح لسانك ولا هنت قليله بحقك

إبداع×إبداع مشاء الله عليك

لقد إرتوت الذائقه من جزالة اللفظ
لله درك وإعتلا شانك

ليس غريب الإبداع إذا أتى من أهله

تقبل من التحيه أغلاها

ودمت بود

[سعد الشقحاء]

صح لسانك
واعتلا شانك