جمعية البر الفطحليه اقلطواااا لاهنتم

[نجم الإبداع]

خل الجشع ياشيخ واصبر قد حياتك ساعتين = لاتلحق الي ياكلون ازكي تجار الخمام
حسبت ربع العشر حصلته مية مليار وين ؟=يامدعي بالجوع وتدس الدراهم بالسنام

ياربعنا ياللي على دكتورنا متعاونين=كفو ترا دايم خويي لازهمني مايضام
فلاح خف شوي لاتلفت عيون السامعين=خل البشر تاكل وتشرب دام تاليها هدام

[عبدالله الشويمان]

انزل بنا الله رحمةٍ يالمرشدي وشبك حزين=ما نوذي الدكتور وبالشده ترانا له حزام
وفلاح رجل بالمواقف لا نخي فعله يبين=لا جا الاكل والشرب لف اللي قباله بالزحام

هههههههههههههههههه

[الطائر المهاجر]

لا جا الاكل والشرب لف اللي قباله بانتهام
هذا دليل على حرصه بجمع البيزتين = ياكل بقصر الفرح مما شووا من حمام
وفي الكيس شال الهبر وخلا عظام السمين= يفطر عليها ومنها راكضٍ للدوام

[نجم الإبداع]

المرشدي جانا مطفي النور ماشي ميتين= يبغى يشب النار والعالم جفت درب الخصام
حنا اتفقنا ندرس الموضوع وانت بنيتين = هات الحقيقه واحذر الضربات من تحت الحزام

[نسناس الهوى]

مساكم الله بالخير

جيت العيال اللي تغنوا بالقصيد وسامرين = جمعية ٍ للبر جتنا ما تبدّا بالسلام
ماغير شايبنا يدوّر من يذوقه الكمين = واللي حفر حفره وطا في حفرته بادنى المقام

<- ترفقوا عليه

[عبدالله الشويمان]

لا يا السنافي من بدع سلم وحنا سامعين=لا تظلم الشاعر تراه ايجيك من ربك سقام
والعود معنا بس اضنه ما يشوف الدرب زين=مدري عمش ولا اجهر العينين او صابه غمام

[نسناس الهوى]

الشايب المعكوف ظهره مافرق عين ٍ بغين = والشوف ما خلا كسير الحظ يسلا بالغرام
مير انت يالغالي ترى دعوات ربك ماتهين = ارفع يديك ونطلب الرحمن يحسن بالختام

[الطائر المهاجر]

الشبكه تعير المنخل يابو بدر
بعدي ياشباب المرشدي ونسناس الهوى في الدفاع عن شايبهم
واصلوا

[نسناس الهوى]

ياحليلك يابو عبدالله اجل صرت انا من اللي دافعوا
لوك معلمني من اول كان اثبت على هالوزنيه ههههههههه