خواطر شعرية

لاتحملون النص فوق احتماله=تدرون ماتدرون ممكن تسكتون
الشعر كل الشعر يبقى جماله=صافي زلال عذب مهما تقولون

عاد عيدك يامقر الزين كله=عاد عيدك بالمسره والفروح
ياسمو الحسن ياورده وفله= ياعيون الحور يالصوت البحوح
يانعيم العود يادقه وجله=ياهوى المشتاق ياطب الجروح

[منيع]

العيد ماهو بالثياب الجديده=ولاعبارة فارغ محتواها
العيد والله بالامور الحميده=واعمال بر وخير للي بغاها
والعيد كل العيد ياللي تريده=خوفك من اللي فوق عالي سماها

جيت اعايد واعتذر عن كل زله=اطلق عنان الرضا خلك سموح

[منيع]

قالو تحبه قلت بالشهر الاول=يومي بوسط الرحم وهن على وهن
لاكن جزاه الله عني تحول=من غير لاسبه ولاقال وش عن

الله عليه اشلون عيد بدوني=وانا بعيدي ماتهنى بدونه
لا والله الا فيه خابت ظنوني=وانا على عهده ماخيب ظنونه
عيدي قضيته بين هم وغبوني=وعيده وناسه ماشكى من غبونه

[منيع]

ا

اللي رفع ضغطي من الناس مخلوق=الله لايجزاه بالخير عني
ترى بلا العاقل الاجاه مطفوق=وراكب على راسه 30جني

اليوم قررت ابتعد عن حراويك =من عقب مادورت لك بالحراوي
ماقول ببعد عنك وارجع واراضيك=اقول انا فعلا على البعد ناوي

[شوق]

صـــدمــة شعــوري بالــــبشـر شــي عـــادي ,,,

,,,,,,,,,,,, بـس الغريــبه ليـــش أنــا مــا تعــلمــت ؟!!!!

كـب التغلـي عنـك يازيـن كبـه=واركب حصان الوصل مادام مسروج
غيرك يجي ويـروح ماذقـت حبـه=اما انت قلبي من محبتك مشجـوج
طب البحر من شان هاويـك طبـه=الحق تـرا للبعـد بالصـد منتـوج