محاوره جديده وحقوق طبعها محفوظه للفطاحله

	فالمنتدى ناس(ن)سواة المشاهيق=مثل الجبال الصم رفعات وشهوق كرمه وعرمه من هواة التعاليق= يا كم خصيم(ن) عندهم صار معلوق

[سناعيس]

القلوب بيضا والنوايا غرانيق=وكل يصيد ولا يفكر بغرنوق
من حايل لجده ومن نجد لبقيق=تجمعو أخوه ولابينهم بوق

[منيع]

سناعيس خط ال صفحة القيل توثيق=رجل على كل المواثيق موثوق
ومعنا عبادي من هل العلم ذويق=شعر ومحاورلاعدمناه له ذوق

[ابو زياد]

ماهوب عشق للخبول المطافيق=ولاهوب في عرف المطاليق مطفوق
شيخ ولد شيخ سبوقه مطاليق =عزمه رفيع وفي سما المجد مطلوق

	منيع يا حصن الرجال الزراريق=مرزوق لا راحت ولاجاة مرزوق منيع مايهوى سواة التفاريق=فراق للباطل وللحق مفروق

[سناعيس]

منيع مدحك فتق القلب تفتيق=احس به مثل الشواضي ومفتوق
حيثك رفيق مايدور زباريق=أحسب حسابه صح ماهوب زبروق

[سناعيس]

ابو زياد محقق الطيب تحقيق=مايستدين المرجله هي له حقوق
في مجلسه تلقا دلال وأباريق=مليانة للضيف لاشربها يروق

[منيع]

الود متمكن بوسط المعاليق=هاتولي الخالي اذا فيه معلوق
من لايحب لاتحسبه من المخاليق=الاجدر انه مانسميه مخلوق

حبيت اشارك والسعه تفرق الضيق=واشارك التجار واشري من السوق
والبيع بالجمله وانااسوم تفريق=سوق الغلا مايقبل ريال مشقوق

[الطائر المهاجر]

وش تشتري والناس بالحكي تنميق = كل يغني لصاحبه كنه الشوق
الشعر مثل الشمس لليل تحريق = هرج صريح ولو مكع خاوي عروق