سجل حضورك ببيتين شعر (شقر)

[الطائر المهاجر]

اشوف خالد بدر ما عمره خلد = فيه حركه لكن بلسعات النحل
خايف عليه النار لو فيها خلد = وابي له الجنه ولو جسمه نحل

[ماجد الزيد]

بطولة العالم دخل فيها الحزم=ياقوة الله لو دخل عنْه الهلال
كاس البطوله ماتجي بغير الحزم=والبدر اشوفه صاير الليله هلال

[ماجد الزيد]

استاذي ابو عبدالله اخي الفاضل خالد اشكركم على تفعيلكم للشقر وعز الله تونست معكم الله يجمعنا على الخير والمحبه والطاعه وبانتظاركم وكافة الاخوان

[ماجد الزيد]

ياناصح(ن)من ينصحك صح صحّك=امانة الله خايف يجيه ماجاك
يانايم(ن)ماني مصحيك صحّك=صحّك ابو زيد الهلالي غدى جاك

[خالد بدر]

حذراك تنصح خالد لامن دخل=حذراك يا ماجد ولا يهدر الجمل
عود واسكن داخل احياء الدخل=واعرف شويه كيف ترتيب الجمل

[الطائر المهاجر]

الدخل من احياء الرياض قديما
ماقد سمعت بها ، اظني سمعت الداخله ، والدحو ... وين الدخل فيه ياخالد

[الطائر المهاجر]

عود بعقلك ما خبرت انك هرم = في شبابك من بقايا اهل الرياض
لا سكنت الشام او حول الهرم = ولا تمتعه بأنهار ورياض

[خالد بدر]

فيه خلوووووووها ولا لا هههه،،

الدخل معروف من احياء الرياض القديمة

(( الدخل المحدود))

لا تخفي اشياء هنااا يا مصطفى= قضيٌت معهم اطيب ليالي العمر
صلوا على سيد البشر المصطفى=ثمن يجي خان وعبده مع عمر

[الطائر المهاجر]

الدخل المحدود من الأحياء الجديدة

بدرك اللي ساطع جاله زوالي = فاقضب النعمه ترى مالك مطير
كانك اللي خابره يجمع زوالي= في ديارٍ كان تسكنها مطير

[ماجد الزيد]

ماني بناصح له ولا هو بناصح =راسه بعيد(ن)ماهو ابحول راسي
طير المهاجر لك يبخ لود ناصح=اسمع كلام الحيد لا تجي لراسي