ياوعد لاقلت هرجه

[الطائر المهاجر]

ياوعد والبنت زبده تحت نار ملهبه = مطمع لكل الزواحف ما تراعي للحراره
والورد يغري بشكله كل واحد يجذبه= ولا قطف يصبح هشيم ولو سقي ماء بغزاره

/

هـلا .. دكـتـور / نــورت ..



الـ حـذر أسـلـكـ طـريـقـه .. وان تأخر أسـحـبـه

%%%% حتى لـو هـو لـيـلٍ أظـلـم .. أو طـريـقٍ بـ انـحـداره

دامني بـ أعـرف خـلاصي .. مـن عـنـون مـشـوهـبـه

%%%% ماله داعي خـوف يـكـثـر .. أبي اطالع فـ انـهـيـاره


/

[الطائر المهاجر]

والرجل ياوعد ثعلب لو بياضٍ بشنبه = ولو يصوم ولو يصلي ماترك عنه الدشاره
يحكمه ابليس دايم وفي صلاته يركبه= كل حلمه في بنيه لو عجوزه بانتظاره

/

مـاهـقـيـت يطـول أرضي .. لو يـلـمـِّع بـ ذهـبـَـه

%%%% زانني ربي فـ عـقـلي .. وان تـمـادى لـه خـفـاره

وش يحـسـب الـ بـنـت عـنـده .. فيني كيـدٍ يرهـبـه

%%%% واتـحـدا لـو يحـاول .. جـعـلـه يـذوق الـ مـراره





/

[الطائر المهاجر]

والرجل ماهوب لحيه او مظاهر تجلبه = ولاهو اللي في جلوسه دايم بوسط الصداره
ولا هو اللي من حلاله يشتري ما يرغبه = الرجل لغز وطلاسم مهما اوتيت المهاره

/

لـغـز واضح سهـل كـشـفـه .. مـهـمـا خـشـَّه بـ أسـلبـه

%%%% عندي الـ أبـواب سـهـلـه .. تـنـفـتـح مني بـ نـهـاره

اللي طـيـِّب شـروا قـلـبـكـ .. احـتـرامــه يـطــلـبــه

%%%% واللي يـلـعـب جـعـلـه يـتـعـب .. ينتظر مني الـ قـشـاره





خـشـَّـه : أخـفـاه في الـ مـعـجـم الـ شـرقي ..



/

[الطائر المهاجر]

والمره شر البليه حتى لوهي محجبه = كم تشوه للبريئه مجرمه خلف الستاره
لغزٍ آخر في الخليقه صعب واحد يعربه = لكن الله لو يؤجل فالنهايه وسط ناره

[الأمـــل]

محاورة ممتعة

ماقصرتوا والله

بننتظر ونتعلم ،كل كلامك حكم يادكتور

/

الـ مره هي نـور دنـيـاً .. وافـيــه ومـهـذبــه

%%%% والـ مـره هي تـاج راسٍ .. لـ الـ رجـل وهي افتخاره

الـ غـثـا تـلـقـاه فـيـهـم* .. من يـزوِّد كـهـربـه

%%%% شـب في أمــه وخــواتـه .. عاكــسٍ ليلـه نـهـاره




* مايبي لها توضيـح = الـ رجــال ..



آسـفـة على الـ تأخـيــر ..

عـنـدي نـاس تـسـبـب .. قـلـق !!



/

المشاركة الأصلية كتبت بواسطة الأمـــل

محاورة ممتعة

ماقصرتوا والله

بننتظر ونتعلم ،كل كلامك حكم يادكتور

/

هــلا .. بـ الـ غـلا ..



نـــورتِ .. يـا بـعـدهـــم ..

/