بديوي الوقداني

[الطائر المهاجر]

يالله يــا مــن لــه العـربـان يـرجـون
ياحـي يـا والـي علـى العـال والــدونْ
يـا عالـمـا ســري ومــا كــان مكـنـونْ
يــا مـخـرج الـمـا مــن سـحـاب ثـقّــال
يــا خـالـق الكونـيـن يــا حــي بـاقـي
يا اللي خلقت العـرش سبعـا طباقـي
فيـه القمـر والشمـس تشعـق شعـاق
والنـجـم ثـاقــب فـــي لـيــال طـــول
يـا مـن خلقـت لمـا علـى مـزن سـبّـاح
يـسـيــر مــــن دارالــــى دار نــفّــاح
مـالــه جـنــاح الا تمـشـيـه الاريــــاح
فــوح العـوالـي والـصّـبـا والـشـمـال
يا من خلقت الارض واجريـت الانهـار
خلقتـهـا وانــت عـلـى الامــر قــدارْ
واخرجت منهـا رزق مـن كـل الاثمـار
كـرامــة للـعـبـد مـــن كـــل حـــال
يا من خلقت آدم مـن الطيـن واحيـاه
بنيـت جسمـه لـيـن سـويـت مبـنـاه
وزرعــت روحــه بـيـن دمّــه ولحـمـاه
جلّـيـت فــي قـدرتـك يـــا ذا الـجــلال
وخلقـت حـوّا حـالْ مـن جـسـم حـالـه
خلقتـهـا واخرجـتـهـا مـــن شـمـالـه
وجعلـتـهـا زوجـــة وحلـلـتـهـا لــــه
جـمـعـت مـــا بيـنـاتـهـم بـالـحــلال
واخرجت منهم ناس خلقٍ بعـد خلـق
ذريتهم في الارض من غرب الى شـرق
الاصـل واحـد والنسـب بينهـم فـرق
والـكـل عــن شـرعـه ودربــه بـســالِ
يا اللي خلقت الحوت في بحـر ظلمـات
محبوس فـي الغبـة ولـه رزق مـا فـات
من حيث ما يمسي ومن حيث ما بات
يـلـقـى نصـيـبـه جـــوف مــــاءٍ زلالِ
يـــا رازق الاوحـــاش فـــارضٍ خـلـيّـه
لا مـــــال يـغـنـيـهـا ولا مـمـلـكـيّـه
ولا درت بـالــرزق فـــي ايـــات نـيّــه
رزقتـهـا وانـتـه عـلـى الـكـل والـــي
هذا ويـا راكـب علـى وسـق منسـوب
حـرّ ليـا مـا حثّـه الـصـوت مـرعـوب
يشدي لصقر خيل الصيـد فـي الجـوب
لـــم جنـحـاتـه والـضَّــرَم بـالـعـجـالِ
والا يـشـادي مركـبـا هـبــه الـفــوجْ
مدوا شراعـه وانعـدل مـا مشـى روجْ
مـاتـاه فــي الغـبـة ولا صـكـه الـمــوج
اســرع مــن الـبـرّاق فــي الاعـتــدالِ
حـــرٍّ مـنـسّـب وافــيــات عــــدوده
تسعـة جـدود اللـي حسبنـا جــدوده
مـربـاه خــد يـرتـعـي فـــي نـفــوده
دونــه ( عتيـبـة ) مفْرقـيـن الـسّــلالِ
مشعل حسن كا لقوس فـي عـود خـلاَّن
مــذرَّجَ الاحـقـاف مـفـتـول سـيـقـان
ولـــه وروك كـنـهـا الـــواح بـيـبـان
مكبوس زابر مـن حيـا الصيـف كالـي
نابـي المتـن فـجَّ النحـر شـف عشـنـاق
لا هــو بصـلـفـوقٍ ولا هـــو بمـصـفـاق
ولـيـا طــرح راســه كـمــا راس زرَّاق
دايـــم وركَّـابــه عـــن الـهــم خـالــي
فوقـه شـداد مثـل صـقـر القرابـيـس
شـرا عقيلـي شاغلينـه هـل العـيـس
فضـة ملبَّـس قيمتـه ( يـوز سكّـيـس )
ولـو كـان ( بكّـي يـوز ) ماهـو بغـالـي
بيِّـتْ ونـوِّمْ واعقـلـه بالـمـرس خـمـس
حيثه جفول ومحتـذر مـا يبـا اللمـس
خلـه مكانـه ليـن تبـدي لـه الشـمـس
وانصـا الملـوك اهـل الكـرم والنوالـي
والختم صلـى الله علـى ساكـن الشـام
عــد الشـجـاري والثـمـاري والايـــام
وعـداد مــا خـطـوا حــروف بـالاقـلام
عـلـى النـبـي طــه بـهــيّ الـجـمـالِ

[الطائر المهاجر]

سـرى بـارق فـي سـد بـارق يلـوح لــي=واناشاقـنـي بــرقٍ يـنــوضْ سْـنــاه
عـسـى الله يسـقـي كــل دارٍ سـنـيّـه=وكــل يـجـيـه الـخـيـر فـــي مـشـحـاه
عسى الصيف من نوّ العقـارب يعلّهـا=ثــمــانٍ ســــوا والاّ ثــمــان كــمــاه
بعـد يبْسـتْ الدّيـره يخضـر جنابهـا=ويـطـول الحـيـا حـتـى يـزيـن حـيــاه
تليـن القلـوب القاسيـة عــن قسـاهـا=ومــن بــاعْ غـالـي مــا يــدوم غـــلاه
أقـولــه وانـــا مـــا فـــي ضـمـايـري=كــلامٍ عـلـى بــاب الـكـلام مـعـنـاه
أبا اوصيك يا عبدالعزيز ان سمعتني=تـرى الصقـر يسمـع مـا يقـول ابــاه

[الطائر المهاجر]

وقال بديوي من ( المجرور ) :

يا بارقاً لاح فـي القطـر اليمانـي بـات نـوّه يقـودْ=دن ّ الـــــــــرعـــــــــد وامـــــــــطـــــــــرا
سريت اخيله وعيني ساهرة يوم الخلايـق رقـود=والــــفـــــكـــــر مــــــــــــــا غـــــــيّـــــــرا
واوجد روحي على ايام مضت يا ليتها لي تعـود=لــــــــــــــو كــــــــــــــان بــالـــمـــشـــتـــرا
ايام زلت كما قطف الزهـر مجنـاه مـن كـل عـود=يــــــــــــوم الــــشــــبــــاب اخــــــضـــــــرا
واليوم عصر الشباب اقفا واناصدرت بعد الورود=والــــــــــلــــــــــي ورد صــــــــــــــــــــدرا
شوقتني يالغزال المنتحي يا ظبي ترعى النفود=يـــــــــــــا الـــــــجـــــــادل الأعـــــــفـــــــرا
يا بوجبين كما نور القمـر والـورد فـوق الخـدود=فـــــــــــــوق الــــــخـــــــدود ازهـــــــــــــرا
يا مقصب الهند جابتك المراكب من بلاد الهنـود=جــــــــــديــــــــــد ومـــــــشـــــــوشـــــــرا

[الطائر المهاجر]

يـا الله فــي نــوّّ لـيـا انْـقـاد
نـسْــم الـعـوالــي يـذْريـنّــه
وامشي ولا ادري ويـن غـادي
فــي الـنـار والا رايــح الجـنـه
سيدي حبسني واوثق قيادي
وابـوك يـا حـبـس بــلا سـنـه
ياحيد يا اللي منك انا بـادي
ما زل فيـك يالحيـد مـن رنـه
عـلّـك مــن المـربـاع رعّـــادي
يمطر عليـك الصيـف والكنّـه
تسقي فروع الضلع والـوادي
حتـى نـشـور الـبـدو يرعـنّـه
يـا نــور علمـنـي بميـعـادي
وارقــى الـعـلالـي درجـهـنّـه
يـا خالـط الريحـان والـكـادي
وبعيثـران ان فـاح لــه بـنّـه
والله لــولا خــوف الانـقــادي
يا للي حمسني حمسة البنّـه
لا نهبك واجلي دار بغـدادي
وارسـل علـى واليـك بالمـنّـه

[الطائر المهاجر]

أبــرق راح أم قـمــر مـنـيـر
ومـسـك فــاح أم نَــدّ عبـيـر
سرت جنح الظلام فقلت بدراً
يكـاد بنـوره السـاري يسـيـر
فهزت مـن قـوام القـدِّ رمحـاً
فصـار الكـل منهـا يستجـيـر
فتاة من خمور التيه سكـرى
ومـا علقـت بكفيهـا العصيـر
تلاعـب قدهـا الميـاس عجـبـا
كما ذا يلعب الغصن النضير
فتصـداد القلـوب بمقلتيـهـا
فتطـعـن بالـقـوام ولا تـجـيـر
فَقلتُ لها وقدْ جرحتْ فـؤادي
بسـهـم لا يطـيـش ولا يـحـيـر
قفـي يـا ربَّـة الخلخـال مهـلا
أمــا إنّــي أسـيــرٌ لا أسـيــر
وفي قلبـي مـن الهجـران نـارٌ
إذا جـن الدجـى فلهـا سعيـر
وأنـي لا أطيـق الصبـر يومـا
مـن الهجـران يُشتَـقُّ الهجيـر
ملكتيني فجـودي بالتَّلاقـي
قتيـل هـواك يحييـه اليسيـر
كما ملـك الحجـاز وأرض نجـد
محمد باشـا رشـدي الشهيـرُ
وزيـر الدولـة العظمـى بحـقٍّ
وكـم مـن دون رتبتـه وزيــرُ

[الطائر المهاجر]

يا مـادح الانـذال مدحـك خسـارة
وراك ما تمدح هل الفضل والجـود
الـلـي يشـوفـون المـدايـح تـجـارة
واعراضها ماحشهـا علـم منقـود
لا تمـدح اللـي جالهـا المـدح عــاره
لا وارثـه ابوهـا ولا هــو بمـعـدود
جــدّه وابــوه يحلِّـبُـون الـوبــاره
ويدوِّرُون التمر فـي مقلـع العـود
لو جبت له منظوم طـول المنـارة
ومسطرة بالمسك واقلامهـا العـود
ضيعت مدحك في حصيني مغـاره
زاده من الفيران والنمل والـدود
ان الـردي لـو تضـربـه بالحـجـارة
والا مطارق شـوك وسـلاح محـدود
جنـبـه متـيـن ولا يـخـاف المـعـارة
ولا يعرف البيضا ولا يعرف السود
والحـر دايـم يحـتـرك بــا لإشــارة
يفـزّ مثـل الزّنـد لـي قـدح بــارود
رجّــال يـسـوا لــه ثمانـيـن حــاره
ورجّال ما يسوى ولا عظـم عجـرود

[الطائر المهاجر]

عبدالعزيز الليث يا سبع غابة =يا شين ويش اللي مع البدو نشبك ؟
ما اخبلك يا باغي من البدو ثابة=البدو وان شافت معك شي تنهبك
خل البدو لاعلهم للذهابه=حيث ان مذهبهم مخالف لمذهبك
احذر تطرف ياخذونك نهابه=والا ترافقهم يحتّون مزهـبك
ان جو على العيشة سواة الذيابة=ترفع مخالبهم عن الزاد مخلبك
الديك يذن.. لو عليه الجنابة=والكلب ما يومن ولو كان صاحبك
و رجالهم عنده من المدح صابه=لو تسمعه في بعض الالحان شيبك
وان جيت تذكر في النبي والصحابة=ما واحد صلى عليهم وجاوبك
ما عندهم حشمة ولا لك مهابه =وان جيت تهرج طارف القوم كذبك !!

[الطائر المهاجر]

هبت هبوب الحظ والنصر قايم
وشمسك بدت وشموس أعاديك غابت

يابدر من نورك تضيع النعايم
وسهيل والمرزوم من مبداك غارت

تزلزلت منك الجبال العظايم
والوحش منكم بالجبال استجارت

واهني ّ قومٍ ماعليها جرايم
وياويل قومٍ خالفت ما استقامت

أمشي على رايات راعي العزايم
إللي لحكمه جملة الناس طاعت

عبدالله هااللي في يديه الحكايم
نجمه علا ونجوم غيره تهاوت

سلطان مكةمن ملوك آآل هاشم
له هيبة منها الملوك استخافت

وإن جا نهارٍ فيه بايع وسايم
في ملتقى الصفين والخيل غارت

ينصى صدور الخيل يوم الهزايم
والبيض والسمرالعوالي تخاوت

من فوق جمّاحٍ شديد القوايم
وخيل ٍ إذا ما طوّل الركض زادت

خيلٍ جيادٍ صافناتٍ كرايم
لوهشّها الرّاكب مع الريح طارت

أمهار تسبق طايرات الحمايم
لوكان من ريح الجنوب استعارت

فرعون مات اللي من أوّل مزاعم
والله نصر موسى والأفلاك دارت

وعساك يابن عون فالعز دايم
ياسيّد السادات لو كان سادت

[الطائر المهاجر]

اليوم جا من كان فضله علينا
ياما تبخششنا وياما اكتسينا
وكم كان يملا بالعطايا يدينا
والفضل ماينساه غير الجمادي
هذا وعبد الله ملكنا بجوده
ياما عطانا والخلايق شهوده
مثل البحر ماينقصونه وروده
والمُلْك مايبغى اليدين الشّدادي
لاخير في مُلْكٍ يجى البخل يبراه
نقمه على راعيه والناس تجفاه
مال الصديق وينقلون المعاده
وعزي لمن لاحاف كيد الاعادي
يامرحبا ياللي من الشام جانا
بعد المغيبة في عجل ماتوانا
غايب وهو ماغاب شوفه ورانا
مثل العقاب اللي على الصيد بادي
ضاق الفضا مابين ماشي وراكب
والخيل شيْ تركب وشيْ تقادي
تيهان تبراه الأسود الكواسر
نشابة ارياق العدا في الحناجر
مدّاحهم من غاية المدح قاصر
بيض الوجيه أهل السيوف الكواسر
الملْك ملكه ما معه فيه ثاني
يعطيه من يرضاه دون العبادي
المملكة ماتقبل الا ذوي عون
تمشي لهم مشي المطايا على الهون
لو كان بعض الناس فيها يوروّن
عنهم تميل ومشيها بالعنادي
اليوم مكة نورها زادها انوار
واهل المدينة والذي حولها جار
والشام والمغرب وجدة والامصار
والهند والبصرة وكل البلادي
مكة تحت حكمه وهلها ملبين
لازم زمام المملكة بالايادي
يستاهلون المُلْك في كل حاله
هم صفوة الصافي وسلّة سلالة
لازال عز أشرافنا في زيادة
لو لم يكن لله فيهم إرادة
منصاك عبدالله حما كل سربه
إبن محمد يرحم الله تربه
بحرٍ قراحٍ من النيل شربه
وإن فاض غرّق حضرها والبوادي

[الطائر المهاجر]

بن عون حاكمنا وبن عون أميرنا
وبن عون مفتاح للغلق مفتاحِ

وبن عون ماخان الرعية ولاظلم
كثير العطايا والعدل والسّماحِ

وبن عون مثل النجم في مظلم الدجى
مصابيح مصباح الظلام مصباحِ

وحنّا عصى الحكّام من يوم جدّنا
وحنّا عتيبه للملوك سلاحي