بناء قصيدة جماعية

[الطائر المهاجر]

فاللي كشفته ما يبي له سؤالي = اكدته بنفسي ولا فلان يرويه
تاريخ اسود كل ساسه ميالي = عشاقها واجد وكلٍ تداريه
هذا رفيق لي وذا ما دنى لي = تلعب على الحبلين والغدر تخفيه
في دمها زرع الخنى والخمالي= وحب الرجال ومابغوا دوم تعطيه
وانا احسب الحب ليّه لحالي = واثري بدرب السيل ماكنت داريه
حتى كشف لي من تأسف لحالي= من بعد توبه يرجي الرب يعفيه
كذبت قوله انظره في تعالي= حتى تحداني وانا اقبل تحديه
وخذني بنفسه لاستراحة هبالي= فيها تجمّع كل واوي وصافيه
كلٍ يحضن اللي يبي من همالي= والكاس داير والسجاير تباريه
وغرفه لمن ينوي لربط الحبالي= وهي بها في وضع مالرب راضيه

[نجم الإبداع]

من عقبها مادري وش الي جرالي = فقدت عقلي بين الاحزان ناسيه
جابو لي الاسعاف من سؤ حالي = ودوني المشفى وفي القلب صاليه
ضاقت بي الدنياء وجاني هبالي = ياكيف انا طبيت والشر شاريه
كني مدمغ صرت بين الرجالي = مطأطئ براسي وغيري يعليه
اون واسمع جرح روحي سجالي = كرهت حالي وبيتنا ماعد ابغيه
ياونتي ياحسرتي ياعيالي= وش ذنبكم في غلطتي يوم انا جيه

[الطائر المهاجر]

ادخال اي فرد في مثل هذا الموقف للنفسية ، يتطلب قيامه بتصرفات متهوره ،
فقد يحضر سلاح ويطلق النار ، وقد يهجم بسكين او اداة حادة ، وبالطبع تستدعي الشرطه
حيث خلال الإستدعاء ، يتم تصرف النساء ، وتتحول الجلسة إلى جلسة لايشك فيها ،
فتضطر الشرطة امام تكذيب الحضور لما يذكر أن تعتقد بأنه يعاني من اضطراب عقلي
ولأن المستشفى يعتمد على محضر الشرطة ، فأول تشخيص : فصام برانويا ، فهو رأى
اشياء لا وجود لها ، وانطلاقا من مايتسم به المصاب بهذا المرض ،فهو ايضا يعاني من ضلالات
الإضطهاد ، وبالتالي يشكل خطرا على الآخرين .. وهكذا يتم ادخاله للنفسية ..
فياليت لو نستمر بالتسلسل طبقا لذلك ..

استاذي ابو عبدالله


انا ارى الا نعقدها بتفاصيل قد تجلب الملل للقاريء


هذا الشخص وعوضا عن اصابته بفصام برانويا .. قد يصاب باكتئاب شديد اذا كان في الاساس

من النماذج الغير عصابيه (ايجابي غالبا) ..

فقد يكتفي بالانغلاق على نفسه والتقوقع في عالم لا يستطيع الخروج منه ..

في رحلة شرود قد لا تنتهي الا بموته ..

وفي فترات الوعي القليلة قد يحكي عن خفاياه بصيغة شعريه ...!



وانتم اعلم و منكم نستفيد

[نجم الإبداع]

فكرت فيما صابني قمت الالي = هذا شرف لابد من غسلة ايديه
هربت قرب الصبح والفكر خالي= بالثوب الابيض حالف اليوم لانهيه
خذت المسدس والتبست العقالي= وقلت لازم قبل ماموت اجازيه
دورت له بالبيت والبيت خالي = مابه سوى الكيبورد واشعار تبكيه
واثر العرب يدرون بالي جرى لي = اخذوا بنيتهم وقالوا نراعيه
هم بلغوا الشرطه وشدوا الرحالي = من خوفهم قالوا تجنن وبه تيه
يوم ان قربت لدارهم مابالي = شفت المباحث حول داره وتحميه
حاولت اراوغهم وبين الجدالي = صاح العريف وقال لاحد يناجيه
حطوا الكلبشه في يديني وجالي = رئيسهم قال المجنن نداويه