حلمٍ يعاودني مع رديات بين الزملاء

[الطائر المهاجر]

رمعات جتنا من عقول فريده= مامنها من قرب الدلو للبير
والماء في فمي وفكري شريده= ومعناي في بطني ولا اشرك به الغير
حلمٍ مطاول والليالي شديده = يالله عفوك كان ف الحرف تقصير
فطاحلٍ تبقون للشعر سيده= شكراً لكم انتم رجالٍ مناعير

[سااامر]

المشاركة الأصلية كتبت بواسطة الطائر المهاجر

رمعات جتنا من عقول فريده= مامنها من قرب الدلو للبير
والماء في فمي وفكري شريده= ومعناي في بطني ولا اشرك به الغير
حلمٍ مطاول والليالي شديده = يالله عفوك كان ف الحرف تقصير
فطاحلٍ تبقون للشعر سيده= شكراً لكم انتم رجالٍ مناعير

صح لساااااانك وماقلت الا حكم

[نجم الإبداع]

صح لسانك يادكتور والسن شعرائنا اللذين فسرو حلمك

تقديري

[سهيل الشمري]

المشاركة الأصلية كتبت بواسطة الطائر المهاجر

حلمٍ يعاودني ليالي عديده = يامفسر الاحلام قل لي عسى خير
اعيش وحدي وسط غابه مديده= ما اسمع إلا صوت غزلان او طير
حتى ظهرت حيّه كبيره عنيده = من وافته تبداه نظره و تخدير
ومن بعدها يصبح بيدها طريده= ينفذ اوامرها على كل تدبير
ومن يعترض تلسع وتدمي وريده= ويصير عبره يعتبر منّها الغير
حيّه اساساً من اراضي بعيده= لبست لباس يخدع الذيب وبعير
وقامت تفرق بين سعد وسعيده= وكلٍ بميسمها غدا له تعابير
حتى اصبحت مستحكمه ف البديده= والارض واللي تحتها من تباشير
ومن قرّبت فالخلق تصبح عبيده= ومن لامشى بطوعه يشوف التعازير
وفوق الافق نار ولو هي زهيده= ويمكن الى الغابه تصل دون تحذير
تحرق غصونٍ يابساتٍ عتيده = وتقضي على طيورٍ اليفه ودبابير
حاولت ابهرب والمخارج عديده= وقلت انتظر ارعى لبعض المطايير
لعل مزنٍ مع رياحٍ شديده = تغيّر من الاحوال لو لحظة عصير
هذا الحلم وين العقول السديده= اللي تفسر واضحات التفاسير

صح كلك ياستاذي


وهذي رمْعتِي

عجُوز شمْطا لهْ ضلُوع ٍ شِدِيده =لاتمْنعهْ حمْرا ولا راعتْ السّير
أشُوفها في كلّ قُوم وبِدِيدهْ =ملْعُونة الجدّين مامِنّها خِير
الجوّ مُلْكه والْمرامِي سِديده =واِلْيا ثغتْ تثْغِي وراها طِوابِير
ياكِثْر ماهِي يالبناخِي عنِيده =يالطّاير أنْيابه سِوات المناشِير
شِفْها على الأحْكام صارتْ مِرِيدهْ =ماهمّها حرّ ٍ دِما غِيرِتهْ غِير
تبْطِشْ ومِنْ خلْفهْ حيايا عدِيدهْ =وانْ قِلْت شاوِرْ لِي فلا والله آشِير
دامْ إنّ سام أرْهى عليها رِصِيده =قال إقْلِطِيّ وزغْردِنْ ياغنادِير
والشّاشة الزّرْقا معاه الجِريده =وِتْوِيترْ الاقْشر وفِيس المِشاهِير
خرْبانة ٍ والوضْع فوق الحدِيده =خرْبانة ٍ مامِنْ وراها تِباشِير
والليل طوّلْ والأمانِي ضِهِيده =وياسارِي اِسْر ولا تِهِمّكْ مِشاوِير
مزْرُوع شاخ ويالله اِنّكْ تِبِيده=وِمْخدّرْ الأمّه وِصِلْ قاعة الزّير
أحْفاده أسْفلْهُمْ ملكْ للفِرِيدهْ =جاتهْ على المبْغى بليّا معاثِير
واعلاهُمْ اللي مايضاها بصِيده =طال الزّناتي عِقِبْ عنْترْ على الزّير
هلْ ياترى وِسْهِيل حاش الحصِيده؟=واِلا عكسْ في رمْعتهْ دفّة السّير ؟

[الطائر المهاجر]

انا اشهد انك يابو ضاري وليده=بابياتك اللي ثايره كالأعاصير
تقبل وتقفي قارباتٍ بعيده=ماصادت إلا ريش بعض العصافير
حلمي يصحيني على احلى نشيده= من فوق هام السحب لاقصى اغادير

[حي الضمير]

حكمه وجزاله
وابدعت وامتعت شاعرناالعلم ابوعبدالله
ومدد صح لسااانك

[عبدالمحسن الرحمه]

صح السانك دكتورنا على تصوير هذا الشعور الداخلي بهذا الاسلوب الجميل
احترامي لشخصك الغالي

[الـزلـزال]

الطائر المهاجر

نص متقن ومحكم وهادف
تطرز على شكل حلم مفجع ومؤلم
مبدع طائرنا دائمآ في كل حروفك رعاك الله
حلق بشعرك فوق القمم ولنا الأستمتاع بحروفه
صح لسانك ملايين ملايين
ولك فائق تحياتي وتقديري

[الخنساء]

تــحــرق غــصــونٍ يـابـســاتٍ عـتــيــده

وتقضـي علـى طيـورٍ اليـفـه ودبابـيـر

حـاولــت ابـهــرب والـمـخــارج عــديــده

وقلت انتظـر ارعـى لبعـض المطاييـر

صح لسانك

لاهنت ودام حرفك

[بنت النور]

صح لسانك ولا هان راسك
مدد بلا عدد
دمت كماانت مبدعا
تحيتي الطيبة