محاورة رباعية

[الطائر المهاجر]

تقسمنا على اليمه شباب وشايب قدي = واخاف شويب المنشار ما يهتم في شانه
يجيه النوم ما طول فشوفه مابقى يقدي= وتبقى يافلاح ابلا عوين يشب نيرانه

[نجم الإبداع]

مادام انا تقابلنا فانا باشغِلَكْ جندي = تداقش بالخفاره وان عصيت ابشر بزنزانه
معي رعد القصيد اليوم والتيار متحدي=تخير من أمورك خيرها حسبتك خسرانه

[الطائر المهاجر]

فريقك صار ما بين النطيحه وفيه متردي= وعودك راح لفراشه يرقد بعض عيلانه
وفريقي فيه عبدالله ملص ما ينطح الشدي= وبقينا مثل ما كنا عمود البيت واركانه

[نجم الإبداع]

هههههههه

الله يسعدك يابو عبدالله
واخواننا مابهم قصور
وحجة الغايب معه
تحياتي

على رسلك شوي شوي لاتسرع وانا مهدي= رفيقك مل من طول انتظاره يومك وزانه
تناظر من بعيد ولازهمتك ماتجي حدي=وانا اللي عنك شلت القاف يوم تكسر اوزانه

[نجم الإبداع]

الا يالله تخارجنا قلب ليل الهوى وردي = وجيب العود شب المرشدي بالنار خزانه
يقول انه قديم وبديه اظن انه مصدي = انا مالي شغل كل معه مدفع وترسانه

[الطائر المهاجر]

ترى بعض العرب مثل الذهب لو دفن ما يصدي= اذا منك فركته تشتريه بغالي اثمانه
وعبدالله ذهب لو هو ذهب كالعرق ممتد = له التقدير من قلبٍ يحبه مثل اخوانه

[نجم الإبداع]

ترقع ماترقع خيمتك من سيلك اتندي = وانا ماقول غير المرشدي ذيبان وتكانه
مادام انه خويك ليش تفرد عنده الزندي = تحطم معنوياته وتاخذ منه احصانه

[عبدالله الشويمان]

سمعت المرشدي فوق الرجم له صوت متردي=كما صوت الغريق اللي مسك في جال وحلانه
وبن منشار صوته له صدى بالجو ممتدي=هزيم الرعد لا التفت مزون الشعر وقيفانه

يابن منشار تبغى العلم انا ودي ولا ودي=وعودك صابه الهشاش يعجز ينطق لسانه
اخذ عودك مع على دربك عسى تلقا له مقدي=وانا بروح وانته لا لمسته دوس شكمانه