ابي لي واحد نشمي

[متعب المتعب]

ابي لي بكرتن تبعد هموم الوقت يالمختار=وانا في داخلي شي عن اللي قلت ينهاني
اداري دمعة الفاطر ولالي بالخيانه كار=واذا سافرت يامهاجر معك اخاف الادماني

[الطائر المهاجر]

اذا بك شي ما تصبر تخون وعقلتك بالدار = واذا عقلك حكم قلبك فلا من درب للجاني
فسافر تستصح وخل وسواسٍ من الافكار= تمتع في شبابك قبل تتحسف بندماني

[متعب المتعب]

انا حسبي عليك الله بسافر والدروب اسفار=والى منا وصلناهم نشوف بكل الاعياني
وانا آظني ولابه فرق بين الذود بالأمصار=ابن عمك هنا وهناك في لندن والاسباني

[الطائر المهاجر]

ديار تعرف ان العرب فيها كلها اخطار = تبي لك ديرة للفنس ملسٍ الجلد واوجاني
اذا من شافت الرجال تسجد له بلا دينار= ولو يجمع عشر فالكل في الرجال شفقاني

[متعب المتعب]

ترى اللي قلتهن شفهن مل(ن) ابيوتنا واكثار=يلوعن الكبود وما أكلته عاد من ثاني
وانا هالحين بادلّك ومنهم غارت الأقمار=ربع شو بدك وهللأ وانا منيحه بصيداني

[الطيف المسافر]

المشاركة الأصلية كتبت بواسطة الطائر المهاجر

اذاً وضح لأوصاف الغزال اللي تبي مسيار = ولا حدٍ داريٍ عنك سوى اللي خالق الجاني
وترى كل الدلع والغنج بجن تعكس التيار = يخطبونك على شرع الهدى والمهر قرآني

غزالي صعب وصفه يافتى والوصف للأبكار=ابيه يكون ماشافه بشر او ناظر اعياني
غزالي حور في الجنه ولا لي زاد في المسيار=ومهره مثل ماقد قلت هدى في نور قرآني

[الطائر المهاجر]

تبي حور من الجنة ولا لك غير هذا كار = فقير وقام يتشرط يقول الحور تبغاني
بنات الجن ما من فرق تجي لك كيف ما تختار= على كيفك تشكل لك على اشكال والواني

[صعبة المنال]

الله الله الله
انا استمتعت جميل الطرح
يا عينى عليك يا متعب هلأ بدك وهيك ومن صيدا ............تقبرنى لبنانى

يا عينى عليك يا الطيف
الله يعطيك من حور العين حتى يرضيك ؟؟
وصفك ما له ثانى

متابعه ومستمتعه يا ابو عبدالله على بساط الريح يا النشمى


صعبة المنال

[الطيف المسافر]

المشاركة الأصلية كتبت بواسطة الطائر المهاجر

تبي حور من الجنة ولا لك غير هذا كار = فقير وقام يتشرط يقول الحور تبغاني
بنات الجن ما من فرق تجي لك كيف ما تختار= على كيفك تشكل لك على اشكال والواني

على حسب العزم يالطير تبلغ ماتبي من طار=وحسن الظن في ربي معي هو راس ايماني
فقير ولا معي دنيا عساني ابلغ الاوطار=وعسى ربي يجنبني الزلل ويكيد عدواني

[الطائر المهاجر]

تبي في روضة المسجد تعسكر كارك الاذكار = تصوف مابقى بعمرك مدامك راحل فاني
أجل ليش الشعر مهنتك بين الطبل والمزمار = اشوف انك مثل قارب مابين شعاب مرجاني