أسماء فناجيل القهوة عند البدو000000000000

[بارقةأمل]

المشاركة الأصلية كتبت بواسطة المغترب

لظاهر اول ما يعرفون الشاي كان علوم بس وش معنى القهوة ليه ماقالوا التمرة اكيد فيه اسرار معناة الي نشوفه في المسلسات البدوية صحيح كان متبع في السابق اعتقد الان العادات اندثرت بس والله واضح ان زمان اول حلو


تحياتي لك

ههههههههههههههههههههه إيوالله لو عندهم شاهي كاو شو راح يصير ؟؟

تبي العلم خذه من عندي هذي حركات يلعبون على بعض فيها عشان كل واحد يحصل اللي يبيه بسهولة شرب
فنجال قهوة ولا بذمتك بيجيك واحد ماتواطنه بعيشة الله ولا يصلح يكون زوج لبنتك وبتعطيه بنتك عشان لايطلع ماشرب فنجال قهوة إلا يذلف من أولها ومن قال إني بس بجيب له قهوة كاس موية يبرد على نفسه الفشيلة ويخب عليه
وإذا فيه شي فيه بركة فهو التمرة صحيح لأنه ورد ذلك عن النبي صلى الله عليه وسلم
فا أنت بتاخذ كلام نبيك ولا كلام ناس ماعندهم ماعند جدتي

ورجاءٍ لاينط لنا هنا أحد يسوي نفسه زعلان ويقول سبيتواعلوم البدو هذه آراء وإختلافها لايفسد للود قضية

[بارقةأمل]

المشاركة الأصلية كتبت بواسطة العمده

بصراحه معاني مره مفيده
وفعلا البدو كانوا يشربون فقط القهوه وأن تعمل الفهوه أمام الحاضرين وتشرب على طول ولاكن التطور الحضاري غير بعض الأمور وصرنا نسوي القهوه الصبح ونقعد نشرب فيها الا الليل ونقول كييفين قهوه ( ايه هين )

هلا وغلا بالعمدة

من ناحية تصليح القهوة فالقهوة مثل ماقلت زمان كانوا يصلحونها قدام الضيف
وألحين الضيف يجي يلاقيها جاهزة بالترمس ومطاريس خدامة عند ناس كثيرين وتشربها ماتدري وشهي
هي كوفي ولا حليب ولا أتحداك تحدد نكهات بعض القهاوي عند بعض الناس والخدامة طبعا تخلي الهيل يطبخ لين تقطع مصرانة
مثل ماقلت القهوة كيف في شربها وفي تصليحها بعد

[الطائر المهاجر]

ارفقي ترى الموقع لايزال ملغم ، فمنهجنا مثلما قلت في قصيدتي
ايه بدوي ايه حضري كل العرب فـي داخلـي
كل القبايل فـي دمـي متساويـه فـي حبهـا
ان قلت انا عتيبي فانا وان قلت عنـي وائلـي
وان قلت انا مطيري فانا وان قلت انا من حربها
ما يهمني منهو انـا مـادام أصلـي حاصلـي
وما دمت انا اشعر بالعنا للعرب شرق وغربهـا

[بارقةأمل]

أبشر يا أبو عبدالله لكن ترى ما تعدينا خطوطنا الحمراء ولا عندي نية لأنه هذا هو اللي في بالي
وأنا أعبر عن رأيي مثل ماغيري يعبر عن رأيه
وإذا فيه شي حاس أنت إنه في مشكله
إحذفه بنفسك لأني أرى إننا مازلنا في نقاش عادي
واللي معترض يجي يناقش ويا يقنعنا يا نقنعه

[أم ريما]

وفقك الله
وسلمت اناملك
تحياتي وتقديري

[داعي الشوق]

وفقك الله
وسلمت اناملك
تحياتي وتقديري