يالله ياكاشف عن ايوب ما به

[هاجس نجد]

مليون صح لسانك يا دكتورنا الغالي

والله شرح وافي وكافي لأهل العقول الفطينة

تسلم ويسلم فكرك

حفظك الله ورعاك

تقبل تحياتي وتقديري,,,

أخــــوك

هاجس }{ نجــــد

[الـزلـزال]

وهذا بإسم الطب ينهـب نهابـه=محد ردعه ولو تزايـد ضحايـاه
وهذا بإسم الديـن يعلـي قبابـه=ولا من تتبعتـه تعـرف لْرزايـاه

الطائر المهاجر
بوح لامس الحقائق المؤلمة
من شاعر رائع ومتميز وجزل في كل مايقدمه
طائرنا المهاجر ننجبر لمتابعة بوحك لتميزه
حلق ولنا الأستمتاع بتحليقك الشعري
صح لسانك ملايين ملايين
ولك فائق تحياتي وتقديري

[حي الضمير]

ابدعت ياعميد بارك الله فيك
وملياااار صح لسااااانك

[صنداح الزلامى]

الله الله

الطائر المهاجر

صح الله لسانك على كل حرف كتبت

[الطائر المهاجر]

شكرا اخي منيع
على كريم الحضور والتفاعل
لاهنت
تحياتي

[حوريه]

بوح راائع ومميز من شاعر مميز

صح قلبك طاااائرناااا

وطااااب شعرك

[سعد الشقحاء]

صح لسانك
واعتلا شانك
قصيده جزله

[الخنساء]

المشاركة الأصلية كتبت بواسطة الطائر المهاجر

يالله ياكاشف عن ايوب ما به = يا خالق الإنسان تعلم خفاياه
يامجيب دعوة مؤمنٍ التجا به= تفرج لمن همه بقلبه لجاياه
نارٍ توقّد بالحشى ما تجابه= بركان كلما اطفيه زادت شظاياه
مما اشوفه في زمان الخيابه= من شئ يدمي قلب صافي نواياه
غير نفوس الناس من كل لابه = ولا عاد تلقى من تسرّك سجاياه
عصر التحضر في طيوره تشابه= تساوت صقوره مع اردى حداياه
ركضٍ مع التيار تطرد سرابه = تاخذ قشور الغرب واتفه نفاياه
وكلٍ ولا هو داريٍ عن صحابه= اصبح يعاني منطوي في زواياه
هذا مريض ولا لقى له طبابه= وهذا المخدر طيّحه في هباياه
وهذا الطمع جره يكبر جرابه= لو بالحرام وعايشٍ في عماياه
يحسبه بالأموال وصل السحابه= يخفي بلاه وما بطن من خزاياه
يقلب على اهله لو هم اقرب قرابه=امه وابوه ومن طلع من غذاياه
وهذي عجوزٍ مهمله في خرابه= وهذا عويدٍ رمي تؤلم حكاياه
وهذا بإسم الطب ينهب نهابه= محد ردعه ولو تزايد ضحاياه
وهذا بإسم الدين يعلي قبابه= ولا من تتبعته تعرف لْرزاياه
خدّاع ماكر لاعبٍ بالذيابه = وكم واحد ووحده غدوا من سباياه
لاشفت هالأوضاع عشت بكآبه= واشعر بجوفي نار تشعل لضاياه
مرات كنّي من يحس بغرابه = يحصد بهمه ما نتج من خطاياه
لأنه على مبداه تمشي ركابه= يرفض يساير وقت تاهت مطاياه
والظاهر اني من خطا في حسابه = عايش مثل من يخدعنّه مراياه

صح لسانك مليون ولايكفون
جزلة من شاعر جزل
جسدت واقع موجود لاهنت
سلمت ودام بوحك

[الطائر المهاجر]

شكرا أخي صنداح
على كريم الحضور والمتابعه
لاهنت
تحياتي

[الطامي]

الطائر
صح السانك
جزبة وطيبه لافض فوك
شكرا لك