كل رجلٍ عظيمٍ من وراه امرأه

[حي الضمير]

صح لساااانك مدد بلا عدد
شاعر كبير وفحل ومع الحدث
ولله درك من رجل متميز
وهالاشكال لاكثر الله من امثالهم
خالين من الرجوله
واعتقد بأن بعضهم يدخل بأسم نسائي
لتلميع نفسه المريضه الممزوجه بالغرور والميوعه وهم مكشوفين
خصوصآ في الشات الصوتي ...(اقولها بشكل عاااااام وليس خاص)
ومن اشعر بخبث نفسه اتركه ولا اتفاعل مع قصائده
ومن لايتعامل مع الرجال ويعطيهم حقهم من الاحترام
اسحب عليه غير مأسوف عليه

[الـزلـزال]

الطائر المهاجر

كل رجلٍ عظيـمٍ مـن وراه امـرأه=حكمةٍ من كتبها ما درى وش يصير
في زمـانٍ تغيّـر جـاه مـا غيّـره=يوم صارت تقوده مثل قـود البعيـر

8
8
8

هذة البيتين عن قصيده كامله مكمله

ولا نشر له قصيـده كلهـا مكسـره=ولا انتقد ركب راسه شاف حاله امير
كيف ينقد وهو الشاعر وهو عنتـره=مادرى النقد للأشعار امـره يسيـر

8
8
8

أما هذين البيتين فهي رساله في الصميم

مهما أبحرنا في بحور الشعر فلا زلنا طلاب شعر

بين حبل الرجوله والخكارى شعـره=ومن تسمى بإسم البنت خكري حقير
وكل مرأه خبيلـه خلفهـا محفـره=ناقصٍ بالرجوله لـو بربعـه كبيـر

8
8
8

وهذة البيتين رساله من الوزن الثقيل


دائمآ تتحفنا بكل جديد ومميز طائرنا

صح لسانك ملايين ملايين


لك أرق تحيه

[العيناء العامريه]

الله عليك يا بو عبدالله

وربي انك ما قصرت

صح لسانك و تفكيرك ولا هنت

فعلا ضربه محترف

[الطائر المهاجر]

شكرا لأخي داعي الشوق
على كريم الحضور والتفاعل
لاهنت
تحياتي

[عبدالله البهلولي]

والله ان هذه الابيات كلها حكم

تسلم ملايين على طرحك المتميز

وكل عام وانت بالف خير

[ام العمده]

الاستاذ/المهاجر

صح لسانك واعتلى شانك
لاهان راسك
قصيده تحكي واقعاّ نعيشه

تحياتي وتقديري

[مبروك بن ماضي]

أخي واستاذي النبيل/ الطائر المهاجر
حضورك يادكتور له بصمته الخاصة
وشعرك يستحق الوقوف والتأمل
سعيد بحضوري هنا في مدرستك الشعرية الظافره
متميز بما لديك دايماً وتكتب في الصميم
تقبل تحياتي وفيض ودي
أخوك / بن ماضي

[فواز الغسلان]

المشاركة الأصلية كتبت بواسطة الطائر المهاجر

كل رجلٍ عظيمٍ من وراه امرأه= حكمةٍ من كتبها ما درى وش يصير
في زمانٍ تغيّر جاه ما غيّره= يوم صارت تقوده مثل قود البعير
ويوم صار الرجل في "النت" ما امكره= يكتب بْإسمها والكذب حبله قصير
سرع كشفه علينا ما هقى نحجره= لو تلون ولون ما لقى من مطير
الغريبه بعضهم بالعقل مااكبره = لكن اللي يسوّي لو يفكّر خطير
ولو يناديه واحد يالمره.. ينحره = كيف يرضى لنفسه بإسم هند وعبير
ظنتي لو تكلّم مالقى المعذره = شاعرٍ عند نفسه في القوافي خبير
ولا نشر له قصيده كلها مكسره= ولا انتقد ركب راسه شاف حاله امير
كيف ينقد وهو الشاعر وهو عنتره= مادرى النقد للأشعار امره يسير
ماهو لشخص ذاته او أصل يفخره= ولو تقبّل تعلّم مثل غيره كثير
الشعر بالتعلّم كلنا نخبره = محد يولد وهو شاعر ولو هو جرير
بين حبل الرجوله والخكارى شعره= ومن تسمى بإسم البنت خكري حقير
وكل مرأه خبيله خلفها محفره= ناقصٍ بالرجوله لو بربعه كبير

تسلم والله اخوي الطاير المهاجر

حياك الله وابيات رائعه يالعزوه

[راجي الحاج]

صح لسانك بو عبد الله على هالبديعه

فعلا ضربة قاضية لكل صاحب قلب مريض وعقل صغير

دام فكرك دكتورنا

[عبدالعزيز العمار]

الغالي ابوعبدالله :

صح لسانك وجاد بيانك ...

قصيدة في المحك وصدقت فيما قلت ...

تقبل اجمل تحيه وتقدير ..