الميدان ياحميدان

[الطائر المهاجر]

عودنا وقّف على اوّل عتبها = لو يسنّد له تعوّد للطياح
بين شد وجذب لو حتى كربها= راعي النخوه ولو علا الصياح
ضايعين والخساره من عطبها = كل واحد يشتكي طال المزاح

[الطائر المهاجر]

عودنا المقصود به سوق الأسهم ... فرايح نحاول نفسر اسباب الإنهيار

ياطويل العمر لاتقضب هدبها = ليلنا طول ولا عقبه صباحي
والبلا والسوس في داخل رطبها = مايطير الطير مكسور الجناحي

[الطائر المهاجر]

كان طاير والسماء تعلن غضبها = كيف ذاك القطو يشبع في المراحي
لو شبع يمخش يديّاتٍ قضبها = خله بجوعه ولو زوّد نواحي

[ابو زياد]

كلما جت ترتفع شي جذبها=وصلوها القاع والمال السلاحي
هب ياللي كبها عقب احتلبها=واصبحت تدمي ولا فيها صلاحي

[ابو زياد]

خلاص تراني متابع

كلنا ياشيخ طحنا في نشبها = ليت من فارق غثاهم واستراحي
الكبار اللي حسبها في نسبها = سيلهم غطا على كل النواحي

[الطائر المهاجر]

يعني نستسلم ولا نبحث سببها = ندربي الهامات جحٍ في البراحي
او اصيح صياح من عانى لهبها = والعن السارق لحقي استباحي

الحبايل من على دربك نصبها = والله انك نوب خبل ونوب صاحي
سوقنا ماتت وندري من ضربها = انشد الدكتور عن ضرب المساحي

[ابو زياد]

مداخله

ذوقونا طعمها ثمن غربها=نحسب انه يستمر الما قراحي
وكلونا حلوها ثمن قطبها=وانكتب له عزنا يمحاه ماحي